ᠬᠤᠯᠠ ᠶᠠᠪᠣᠬᠤ ᠳ᠋ᠤ

ᠬᠤᠨᠢᠨ ᠤ ᠮᠢᠨᠢ ᠪᠠᠯᠴᠢᠭᠡᠷ ᠥᠭᠡᠢ᠌ᠯᠡᠭ᠍ᠳᠡᠨ᠎ᠡ

ᠬᠤᠩᠭ᠋ᠤᠷ ᠠᠯᠠᠭ ᠪᠦᠰᠡᠭᠦᠢ ᠮᠢᠨᠢ ᠥᠭᠡᠢ᠌ᠯᠡᠭ᠍ᠳᠡᠨ᠎ᠡ

ᠬᠤᠷᠸ᠎ᠠ ᠡᠵᠡᠭᠦᠢᠷᠡᠵᠤ

ᠬᠤᠪᠢᠳᠠᠢ ᠰᠠᠢ᠌ᠬᠠᠨ ᠨᠤᠳᠤᠭ ᠣᠰᠤ ᠥᠭᠡᠢ᠌ᠯᠡᠭ᠍ᠳᠡᠨ᠎ᠡ

ᠬᠤᠯᠠ ᠶᠠᠪᠣᠬᠤ ᠳ᠋ᠤ

ᠬᠤᠷᠤᠳ ᠱᠥᠭᠦᠮᠡᠯ ᠲᠡᠶ ᠰᠢᠷᠭᠠᠯ ᠴᠠᠢ ᠪᠣᠳᠤᠭᠳᠠᠨ᠎ᠠ

ᠬᠤᠨᠢᠨ ᠱᠦᠯᠦ ᠲᠡᠶ ᠰᠢᠩᠭᠡᠨ ᠪᠣᠳᠠᠭ᠎ᠠ ᠪᠣᠳᠤᠭᠳᠠᠨ᠎ᠠ

ᠬᠤᠷᠠᠭ᠎ᠠ ᠢᠰᠢᠭᠡ ᠮᠠᠢ᠌ᠯᠠᠯᠳᠤᠭᠰᠠᠨ

ᠬᠤᠷᠭᠤᠯ ᠠᠷᠭᠠᠯ ᠲᠡᠶ ᠬᠤᠷᠤᠭ᠎ᠠ ᠰᠠᠷᠠᠪᠴᠢ ᠪᠣᠳᠤᠭᠳᠠᠨ᠎ᠠ

ᠬᠤᠯᠠ ᠶᠠᠪᠣᠬᠤ ᠳ᠋ᠤ

ᠬᠤᠳᠠ ᠵᠡᠭᠡᠯᠢ ᠶᠢᠨ ᠣᠯᠠᠭᠠᠨ ᠳ᠋ᠸᠩ ᠳᠤ ᠪᠣᠭᠢᠨᠢᠳᠤᠨ᠎ᠠ

ᠬᠤᠳᠠᠯᠳᠤᠭ᠎ᠠ ᠳᠠᠸᠠᠷ ᠤᠨ ᠬᠤᠳᠠᠯ ᠬᠠᠭᠤᠷᠮᠠᠭ ᠲᠤ ᠪᠣᠭᠢᠨᠢᠳᠤᠨ᠎ᠠ

ᠬᠤᠷᠤᠬᠠᠢ ᠰᠢᠭ ᠠᠪᠠᠭᠠᠷᠠᠯᠳᠤᠭᠰᠠᠨ ᠭᠦᠮᠤᠨ ᠠᠮᠢᠳᠠᠨ ᠳᠤ ᠪᠣᠭᠢᠨᠢᠳᠤᠨ᠎ᠠ

ᠬᠤᠯᠠᠭᠠᠢ ᠳᠡᠭᠡᠷᠡᠮ ᠳᠤ ᠥᠭ᠍ᠳᠡᠴᠢᠭᠡᠭᠦ ᠶᠤᠮ ᠦᠦ ᠭᠡᠵᠤ ᠪᠣᠭᠢᠨᠢᠳᠠᠨ᠎ᠠ

ᠬᠤᠯᠠ ᠶᠠᠪᠣᠬᠤ ᠥᠭᠡᠢ

ᠬᠤᠳᠠ ᠣᠷᠤᠵᠤ ᠬᠤᠳᠠᠯᠳᠤᠭ᠎ᠠ ᠡᠷᠭᠢᠯᠡᠭᠦ ᠥᠭᠡᠢ

ᠬᠤᠳᠤᠭᠳᠤ ᠡᠴᠡ ᠢᠪᠠᠭᠡᠭ᠍ᠰᠡᠨ

ᠬᠤᠪᠣᠷᠬᠠᠨ ᠡᠨᠡ ᠨᠠᠰᠤ ᠪᠠᠨ

ᠬᠤᠷᠮᠤᠰᠳᠠ ᠡᠴᠡ ᠵᠠᠶᠠᠭᠠᠭᠰᠠᠨ

ᠬᠤᠨᠢᠨ ᠤ ᠪᠠᠯᠴᠢᠭᠡᠷ ᠳᠡᠭᠡᠷ᠎ᠡ ᠪᠠᠨ ᠡᠯᠡᠭᠡᠵᠤ

ᠬᠤᠵᠢᠮ ᠤᠨ ᠠᠮᠢᠳᠤᠷᠠᠯ ᠬᠤᠪᠢᠨ ᠤ ᠣᠢ᠌ᠯᠠᠰ ᠭᠡᠵᠤ

ᠬᠤᠨᠢᠴᠢᠨ ᠭᠦᠤ ᠪᠢ ᠠᠳᠠᠯ ᠶᠢᠡᠨ ᠪᠣᠰᠬᠠᠨ᠎ᠠ

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤ