☆ ᠬᠠᠷᠠᠨᠤᠳ ᠳᠦᠷᠤ ᠵᠠᠶᠠᠭᠠ
ᠠᠷᠢᠭᠤᠨ ᠡᠴᠡ᠁
ᠠᠷᠢᠭᠤᠨ ᠡᠴᠡ ᠴᠠᠪᠠᠷ ᠤᠶᠠᠩᠭᠠ ᠠᠮᠳᠠᠭᠳᠠᠨᠠ
ᠠᠯᠢᠮᠠᠨ ᠡᠴᠡ ᠴᠡᠩᠭᠡᠭ᠌ ᠠᠭᠠᠷ ᠠᠮᠳᠠᠭᠳᠠᠨᠠ
ᠠᠢ᠌ᠷᠠᠭ ᠡᠴᠡ ᠴᠢᠯᠡᠭᠤᠨ ᠤ ᠦᠨᠦᠷ ᠠᠮᠳᠠᠭᠳᠠᠨᠠ
ᠠᠮᠠᠷᠠᠭ ᠡᠴᠡ ᠴᠡᠩᠭᠡᠷ ᠰᠠᠯᠭᠢ ᠠᠮᠳᠠᠭᠳᠠᠨᠠ᠂
ᠴᠡᠩᠭᠡᠷ ᠰᠠᠯᠭᠢ ᠭᠡᠵᠤ ᠭᠡᠭᠡᠷᠡ ᠶᠢᠨ ᠰᠠᠯᠭᠢ ᠶᠤᠮ
ᠨᠠᠷᠠᠨ ᠵᠢᠷᠭᠠᠬᠤ ᠰᠢᠷᠠ ᠳᠤᠶᠠᠭᠠᠨ ᠤ ᠰᠠᠯᠭᠢ ᠶᠤᠮ
ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠵᠢᠪᠠᠷ ᠬᠠᠨᠢᠯᠠᠭᠰᠠᠨ ᠰᠠᠯᠭᠢ ᠶᠤᠮ
ᠨᠠᠪᠴᠢᠨ ᠤ ᠰᠢᠷᠭᠡᠭ᠌ ᠵᠥᠭᠡᠯᠡᠨ ᠬᠠᠶᠠᠯᠠᠭᠰᠠᠨ ᠰᠠᠯᠭᠢ ᠶᠤᠮ᠂
ᠴᠢᠯᠠᠭᠤᠨ ᠤ ᠦᠨᠦᠷ ᠭᠡᠵᠤ ᠮᠤᠩᠭ᠋ᠤᠯ ᠶᠤᠮ
ᠨᠡᠭᠦᠳᠡᠯ ᠪᠠᠭᠤᠳᠡᠯ ᠤᠨ ᠶᠡᠭᠡ ᠬᠤᠯᠠ ᠶᠢᠨ ᠴᠢᠮᠡᠭᠡ ᠶᠦᠮ
ᠨᠤᠳᠤᠭ ᠤᠨ ᠰᠢᠷᠤᠢ ᠨᠢ ᠮᠤᠩᠭ᠋ᠤᠯ ᠭᠡᠰᠡᠨ ᠳᠡᠮᠳᠡᠭ᠌ ᠶᠤᠮ
ᠰᠥ᠋ ᠳᠠᠷᠠᠭ ᠤᠨ ᠴᠠᠭᠠᠨ ᠭᠡᠷ ᠤᠨ ᠳᠤᠯᠭᠠ ᠳᠤᠭᠤᠨᠤ ᠶᠤᠮ᠂
ᠴᠡᠩᠭᠡᠭ᠌ ᠠᠭᠠᠷ ᠭᠡᠵᠤ ᠣᠰᠤᠨ ᠪᠣᠯᠤᠷ ᠵᠢᠮᠢᠰ ᠶᠤᠮ
ᠴᠡᠩᠭᠡᠷ ᠥᠩᠭᠡ ᠶᠢᠨ ᠰᠠᠠᠰᠠᠷ ᠳᠤᠩᠭ᠋ᠠᠯᠠᠭ ᠮᠠᠯᠮᠠᠢ ᠶᠤᠮ
ᠴᠡᠯᠮᠡᠭ᠌ ᠲ᠋ᠡᠭ᠍ᠷᠢ ᠶᠢᠨ ᠠᠷᠢᠭᠤᠨ ᠳᠤᠯᠠᠭᠠᠨ ᠢᠯᠴᠢ ᠶᠤᠮ
ᠴᠡᠪᠠᠷᠭᠡᠨ ᠰᠡᠳᠭᠢᠯ ᠤᠨ ᠬᠠᠷᠠᠴᠠᠨ ᠳᠤ ᠮᠡᠯᠳᠡᠭᠡᠨᠡᠭᠦ ᠤᠶᠠᠩᠭᠠ ᠶᠤᠮ᠂
ᠤᠶᠠᠩᠭᠠ ᠭᠡᠵᠤ ᠣᠭᠤᠷᠠᠭ ᠠᠮᠳᠠᠭᠳᠠᠰᠠᠨ ᠠᠮᠳᠠ ᠶᠤᠮ ᠡ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠦᠯᠤᠨ ᠪᠤᠢᠷ
ᠵᠤᠬᠢᠶᠠᠭᠴᠢ᠄ ᠬᠠᠷᠠᠨᠤᠳ ᠳᠦᠷᠤ ᠵᠠᠶᠠᠭᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2639
ᠴᠠᠭ᠄ 2011 ᠤᠨ ᠤ 03 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ