ᠴᠢᠮᠠᠳᠠᠭᠠᠨ ᠪᠢ

ᠥᠭᠡ ᠶᠢᠨ ᠳᠠᠳᠤᠢ

ᠬᠠᠢ᠌ᠷᠠᠳᠠᠢ ᠭᠡᠵᠤ ᠭᠡᠯᠡᠭᠡ ᠥᠭᠡᠢ

ᠥᠨᠦᠰᠭᠦ ᠶᠢᠨ ᠲᠦᠯᠦᠭᠡ

ᠬᠠᠢ᠌ᠷᠠᠯᠠᠨ᠎ᠠ ᠭᠡᠵᠤ ᠠᠮᠠᠯᠠᠭ᠎ᠠ ᠥᠭᠡᠢ

ᠡᠳᠦᠷ ᠬᠤᠨᠤᠭ ᠢ ᠴᠤᠭ ᠡᠯᠡᠭᠡᠵᠤ

ᠣᠢ᠌ᠯᠠᠳᠤ ᠬᠤᠷᠸ᠎ᠠ ᠶᠢ ᠳᠤᠭᠤᠯᠬᠤ ᠰᠠᠨ ᠭᠡᠵᠤ

ᠦᠷ᠎ᠡ ᠶᠢᠨ ᠵᠠᠶᠠᠭ᠎ᠠ ᠶᠢ ᠬᠠᠮᠳᠤ ᠡᠳ᠋ᠯᠡᠵᠤ

ᠦᠰᠦᠨ ᠪᠣᠭᠤᠷᠤᠯᠳᠠᠳᠠᠯ᠎ᠠ ᠵᠢᠷᠭᠠᠬᠤ ᠰᠠᠨ ᠭᠡᠵᠤ

ᠦᠨᠡᠨ ᠬᠠᠢ᠌ᠷ᠎ᠠ ᠪᠠᠨ ᠴᠢᠮᠠᠳᠤ ᠵᠤᠷᠢᠭᠤᠯᠤᠭᠰᠠᠨ

ᠡᠭᠦᠨ ᠢ ᠴᠢ ᠰᠠᠨᠠᠵᠤ ᠶᠠᠪᠣᠭᠠᠷᠠᠢ

ᠡᠭᠦᠨ ᠢ ᠴᠢ ᠰᠨᠠᠬᠤ ᠶᠢᠨ ᠰᠠᠴᠠᠭᠤ

ᠡᠷ᠎ᠡ ᠭᠦᠮᠤᠨ ᠢ ᠣᠢ᠌ᠯᠠᠭᠠᠵᠤ ᠰᠤᠷᠤᠭᠠᠷᠠᠢ

ᠬᠤᠷᠢ ᠭᠦᠷᠦᠭ᠍ᠰᠡᠨ ᠡᠷ᠎ᠡ ᠴᠤ ᠭᠡᠰᠡᠨ

ᠬᠠᠢ᠌ᠷᠠᠳᠠᠢ ᠭᠦᠮᠤᠨ ᠳᠡᠭᠡᠨ ᠨᠢᠯᠬᠠᠷᠠᠬᠤ ᠶᠢᠨ ᠵᠢᠷᠭᠠᠯ ᠪᠣᠢ︕

ᠳᠦᠴᠢ ᠭᠠᠷᠤᠭᠰᠠᠨ ᠠᠪᠣ ᠴᠤ ᠭᠡᠰᠡᠨ

ᠳᠦᠷᠦᠭᠡ ᠬᠠᠩᠭᠢᠨᠠᠬᠤ ᠳᠤ ᠰᠡᠷᠳᠡᠭᠦ ᠶᠢᠨ ᠵᠤᠪᠠᠯᠠᠩ ᠪᠣᠢ︕

ᠭᠦᠮᠤᠨ ᠤ ᠳᠡᠷᠭᠡᠳᠡ ᠰᠠᠢ᠌ᠨ ᠶᠢᠡᠷ ᠶᠠᠷᠢᠬᠤ ᠳ᠋ᠤ

ᠭᠦᠭᠡᠷᠦᠤ ᠰᠡᠳᠭᠢᠯ ᠪᠠᠶᠠᠰᠬᠤ ᠶᠢᠨ ᠴᠠᠭ ᠪᠣᠢ︕

ᠭᠦᠡᠳᠤ ᠥᠭᠡᠰ ᠢ ᠴᠢᠯᠠᠭᠤ ᠰᠢᠭ ᠰᠢᠳᠡᠭᠦ ᠳ᠋ᠤ

ᠭᠦᠷᠡᠩ ᠵᠢᠷᠦᠭᠡ ᠰᠠᠪᠳᠠᠭᠦ ᠶᠢᠨ ᠦᠶ᠎ᠡ ᠪᠣᠢ︕

ᠡᠭᠦᠷᠢᠳᠡ ᠶᠢᠨ ᠵᠢᠷᠭᠠᠯ ᠭᠦᠰᠡᠭ᠍ᠰᠡᠨ ᠬᠠᠨᠢ ᠳ᠋ᠠᠭᠠᠨ

ᠦᠨᠡᠨ ᠬᠠᠢ᠌ᠷ᠎ᠠ ᠪᠠᠨ ᠵᠤᠷᠢᠭᠤᠯᠤᠭᠰᠠᠨ ᠪᠣᠯᠬᠤᠷ

ᠣᠶᠠᠷᠠᠵᠤ ᠭᠤᠨᠢᠬᠤ ᠶᠢᠨ ᠶ‍ᠢᠰᠤᠨ ᠵᠤᠪᠠᠯᠠᠩ

ᠡᠷ᠎ᠡ ᠶᠢᠨ ᠰᠡᠳᠭᠢᠯ ᠢ ᠣᠷᠢᠶᠠᠭᠠᠤᠨ ᠪᠠᠢ᠌ᠳᠠᠭ ᠶᠤᠮ

ᠡᠨᠡ ᠪᠦᠭᠦᠨ ᠢ ᠴᠢ ᠮᠢᠨᠢ ᠮᠠᠳᠠᠷᠠᠵᠤ

ᠡᠪ ᠢ ᠨᠢ ᠣᠯᠵᠤ᠂ ᠳᠠᠮ ᠢ ᠨᠢ ᠳᠠᠭᠠᠷᠠᠭᠤᠯ

ᠳᠠᠪᠠᠯ ᠤᠨ ᠡᠮᠵᠢᠶᠡᠷᠢ ᠱᠠᠭᠯᠠᠬᠤ ᠶᠤᠮ ᠰᠢᠭ

ᠳᠡᠭ᠍ᠰᠢ ᠵᠢᠷᠭᠠᠯ ᠢ ᠨᠠᠳᠠ ᠳᠠᠭᠠᠨ ᠡᠳ᠋ᠯᠡᠭᠦᠯ︕

    2010.6-7.22

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ ᠤᠨ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤ