ᠳᠡᠭᠦᠨ ᠤ ᠨᠢᠭᠡ

ᠠᠯᠢ ᠴᠤ ᠬᠡᠦᠬᠡᠳ ᠡᠴᠡ ᠢᠯᠭᠠᠵᠤ ᠢᠯᠭᠠᠵᠤ

ᠠᠷᠤ ᠳᠤ ᠴᠢᠨᠢ ᠬᠠᠶᠠᠳᠠᠭ ᠠᠯᠴᠢᠭᠤᠷ ᠢ ᠮᠢᠨᠢ ᠠᠭᠤᠴᠢᠯᠠ

ᠠᠷᠤ ᠡᠴᠡ ᠪᠠᠨ ᠨᠡᠭᠡᠭᠦᠯᠭᠦ ᠭᠡᠵᠤ ᠭᠦᠰᠡᠳᠡᠭ᠌ ᠪᠠᠢ᠌ᠭᠰᠠᠨ

ᠠᠳᠬᠤ ᠳᠦᠭᠦᠷᠭᠦ ᠦᠭᠡᠶ ᠪᠠᠢ᠌ᠭᠰᠠᠨ ᠣᠬᠠᠭᠠᠨ ᠢ ᠮᠢᠨᠢ ᠠᠭᠤᠴᠢᠯᠠ

ᠳᠡᠯᠡᠭᠡᠢ ᠵᠢᠨ ᠴᠢᠯᠠᠭᠤ ᠪᠠᠷ ᠴᠢᠮ᠎ᠠ ᠶᠢ ᠡᠷᠭᠢᠨ᠎ᠡ ᠭᠡᠰᠡᠨ

ᠳᠦᠷᠰᠦ ᠦᠭᠡᠶ ᠳᠤᠭᠯᠠᠭᠰᠠᠨ ᠨᠠᠭᠠᠳᠤᠮ ᠢ ᠮᠢᠨᠢ ᠠᠭᠤᠴᠢᠯᠠ

ᠳᠠᠷ᠎ᠠ ᠶᠢᠨ ᠴᠢᠨᠢ ᠳᠡᠷᠭᠡᠳᠡ ᠵᠡᠭᠦᠳᠤ ᠨᠢᠭᠤᠵᠤ ᠥᠩᠭᠡᠷᠡᠭ᠍ᠰᠡᠨ

ᠳᠡᠩᠳᠡᠭᠦᠤ ᠠᠯᠢᠶᠠᠬᠠᠨ ᠪᠠᠢ᠌ᠭᠰᠠᠨ ᠠᠷᠠᠠᠰᠢᠨ ᠢ ᠮᠢᠨᠢ ᠠᠭᠤᠴᠢᠯᠠ

ᠱᠠᠭ᠎ᠠ ᠣᠷᠭᠢᠴᠢᠬᠠᠭᠠᠤᠨ ᠪᠣᠯᠤᠨ᠎ᠠ ᠪᠣᠯᠤᠨ᠎ᠠ ᠭᠡᠵᠤ ᠪᠠᠳᠤᠯᠠᠭᠰᠠᠨ

ᠪᠣᠷᠬᠠᠨ ᠳᠦᠯᠭᠡ ᠶᠢ ᠮᠢᠨᠢ ᠪᠦᠭᠡᠴᠡᠢ᠌ᠯᠵᠤ ᠠᠭᠤᠴᠢᠯᠠ

ᠱᠠᠭᠠᠵᠠᠭᠠᠢ ᠱᠠᠭᠰᠢᠬᠤ ᠪᠠᠷ ᠢᠷᠠᠨ᠎ᠡ ᠢᠷᠠᠨ᠎ᠡ ᠭᠡᠵᠤ ᠪᠠᠶᠡᠷᠯᠡᠭᠰᠡᠨ

ᠪᠠᠭᠡᠵᠢᠩ ᠪᠠᠯᠭᠡ ᠶᠢ ᠮᠢᠨᠢ ᠭᠦᠭᠡᠷᠦᠭᠡᠢ᠌ᠯᠡᠵᠤ ᠠᠭᠤᠴᠢᠯᠠ

ᠬᠠᠮᠢᠭ᠎ᠠ ᠨᠢᠭᠡ ᠭᠠᠵᠠᠷ ᠬᠠᠯᠵᠠ ᠣᠴᠠᠷᠠᠴᠢᠬᠠᠭᠠᠤᠨ

ᠬᠠᠷ᠎ᠠ ᠨᠢᠳᠤᠨ ᠳᠤ ᠴᠢᠨᠢ ᠪᠦᠳᠦᠷᠢᠳᠡᠭ᠌ ᠨᠢᠭᠤᠴᠠ ᠶᠢ ᠮᠢᠨᠢ ᠠᠭᠤᠴᠢᠯᠠ

ᠬᠠᠮᠢᠶ᠎ᠠ ᠦᠭᠡᠶ ᠯᠠ ᠶᠤᠮ ᠰᠢᠭ ᠶᠠᠪᠣᠵᠤ ᠶᠠᠪᠣᠵᠤ

ᠬᠠᠮᠤᠭ ᠶᠠᠭᠤᠮᠠᠨ ᠤ ᠠᠷᠤ ᠳᠤ ᠭᠠᠷᠤᠭᠰᠠᠨ ᠢ ᠮᠢᠨᠢ ᠠᠭᠤᠴᠢᠯᠠ

᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠭᠤᠴᠢᠯᠠᠭᠠᠷᠠᠢ︕

ᠳᠡᠭᠦᠨ ᠤ ᠬᠤᠶᠠᠷ

ᠰᠦᠯᠵᠢᠶᠠᠨ ᠳᠡᠭᠡᠷ᠎ᠡ ᠳᠤᠭᠳᠤᠯᠤᠭᠰᠠᠨ 《ᠰᠤᠯᠢᠶ᠎ᠠ》 ᠶᠢ ᠮᠢᠨᠢ ᠠᠭᠤᠴᠢᠯᠠ

ᠰᠦᠨᠢ ᠶᠢ ᠴᠢᠮᠠᠯᠠᠭᠰᠠᠨ ᠳᠤᠷ᠎ᠠ ᠶᠢ ᠮᠢᠨᠢ ᠠᠭᠤᠴᠢᠯᠠ

ᠰᠡᠭᠦᠷᠡᠰᠤ ᠪᠠᠨ ᠳᠡᠷᠡᠯᠡᠭ᠍ᠰᠡᠨ ᠵᠡᠭᠦᠳᠤ ᠶᠢ ᠮᠢᠨᠢ ᠠᠭᠤᠴᠢᠯᠠ

ᠰᠡᠳᠭᠢᠯ ᠶᠢᠡᠨ ᠠᠷᠭᠠᠳᠠᠭᠰᠠᠨ ᠰᠢᠯᠦᠭ᠌ ᠢ ᠮᠢᠨᠢ ᠠᠭᠤᠴᠢᠯᠠ

ᠡᠷᠭᠢᠭᠦᠯᠵᠤ ᠪᠣᠯᠬᠤ ᠦᠭᠡᠶ ᠵᠠᠶᠠᠭ᠎ᠠ ᠶᠢ ᠠᠭᠤᠴᠢᠯᠠ

ᠡᠷᠭᠢᠵᠤ ᠪᠣᠴᠠᠬᠤ ᠦᠭᠡᠶ ᠨᠠᠰᠤ ᠶᠢ ᠠᠭᠤᠴᠢᠯᠠ

ᠡᠪᠯᠡᠭᠦᠯᠵᠤ ᠪᠣᠯᠬᠤ ᠦᠭᠡᠶ ᠬᠠᠤᠯᠢ ᠶᠢ ᠠᠭᠤᠴᠢᠯᠠ

ᠡᠭᠢᠯᠡᠵᠤ ᠪᠣᠯᠬᠤ ᠦᠭᠡᠶ ᠭᠦᠰᠡᠯ ᠢ ᠠᠭᠤᠴᠢᠯᠠ

ᠬᠤᠷᠭᠤᠳᠠᠵᠤ ᠬᠠᠨᠤᠭᠰᠠᠨ ᠦᠭᠡᠶ ᠳᠤᠷᠠᠳᠬᠠᠯ ᠢ ᠮᠢᠨᠢ ᠠᠭᠤᠴᠢᠯᠠ

ᠬᠤᠳᠠᠯᠠᠵᠤ ᠳᠡᠢ᠌ᠯᠦᠭ᠍ᠰᠡᠨ ᠦᠭᠡᠶ ᠪᠣᠳᠤᠯ ᠢ ᠮᠢᠨᠢ ᠠᠭᠤᠴᠢᠯᠠ

ᠬᠤᠶᠠᠷ ᠰᠠᠠᠴᠢᠭ ᠪᠣᠭᠤᠷᠤᠯᠳᠤᠴᠢᠬᠠᠭᠰᠠᠨ ᠢ ᠮᠢᠨᠢ ᠠᠭᠤᠴᠢᠯᠠ

ᠬᠣᠢ᠌ᠳᠤ ᠲᠦᠷᠦᠯ ᠢ ᠭᠦᠯᠢᠶᠡᠴᠢᠭᠡᠭ᠍ᠰᠡᠨ ᠢ ᠮᠢᠨᠢ ᠠᠭᠤᠴᠢᠯᠠ

ᠠᠭᠤᠷᠯᠠᠵᠤ ᠳᠠᠭᠤᠰᠬᠤ ᠦᠭᠡᠶ ᠠᠭᠤᠷ ᠶᠢᠡᠨ ᠠᠭᠤᠴᠢᠯᠠ

ᠣᠭᠢᠯᠠᠵᠤ ᠳᠠᠭᠤᠰᠬᠤ ᠦᠭᠡᠶ ᠨᠢᠯᠪᠣᠰᠤ ᠪᠠᠨ ᠠᠭᠤᠴᠢᠯᠠ

ᠣᠭᠤᠳᠠᠯᠠᠵᠤ ᠪᠣᠯᠬᠤ ᠦᠭᠡᠶ ᠬᠤᠷᠸ᠎ᠠ ᠶᠢ ᠠᠭᠤᠴᠢᠯᠠ

ᠠᠭᠤᠴᠢᠯᠠᠵᠤ ᠪᠣᠯᠬᠤ ᠦᠭᠡᠶ ᠨᠠᠮᠢ᠋ᠢ ᠠᠭᠤᠴᠢᠯᠠ

᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠭᠤᠴᠢᠯᠠᠭᠠᠷᠠᠢ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠣᠯᠠᠭᠠᠠᠬᠠᠳᠠ ᠬᠤᠳᠠ ᠶᠢᠨ ᠣᠩᠨᠢᠭᠤᠳ ᠬᠤᠰᠢᠭᠤ