☆ ᠭᠦᠷᠵᠡᠪ
ᠳᠤᠮᠤᠭᠳᠤ ᠦᠵᠦᠮᠤᠴᠢᠨ
ᠳᠤᠮᠤᠭᠳᠤ ᠦᠵᠦᠮᠤᠴᠢᠨ
ᠠᠯᠳᠠᠢ ① ᠵᠢᠨ ᠪᠣᠭᠤᠷᠤᠯ ᠣᠷᠭᠢᠯ ᠵᠢᠠᠨ
ᠪᠠᠷᠠᠯᠠᠩᠬᠠᠨ ᠰᠢᠷᠳᠡᠩᠭᠡᠨ ᠣᠬᠠᠭᠠᠵᠢᠭᠰᠠᠨ ᠦᠵᠦᠮᠤᠴᠢᠨ᠂
ᠠᠽᠢᠶᠠ ᠶᠢᠨ ᠭᠦᠷᠡᠩ ᠴᠢᠯᠠᠭᠤᠳ ᠢ
ᠳᠡᠷᠡᠯᠡᠩᠭᠡᠨ ᠳᠤᠯᠤᠩᠬᠠᠨ ᠥᠨᠳᠡᠢ᠌ᠭ᠍ᠰᠡᠨ ᠦᠵᠦᠮᠤᠴᠢᠨ᠃
《ᠳᠦᠷᠦᠭᠡ ᠬᠠᠩᠭᠢᠨᠠᠭᠤᠷ》 ② ᠊ᠤᠨ ᠬᠠᠪᠴᠢᠯ ᠵᠢᠠᠷ
ᠳᠦᠩᠭᠢᠨᠡᠩᠭᠡᠨ ᠰᠥᠩᠭᠢᠨᠡᠩᠭᠡᠨ ᠨᠡᠭᠦᠭ᠍ᠰᠡᠨ ᠦᠵᠦᠮᠤᠴᠢᠨ᠂
《ᠬᠤᠨᠢ ᠮᠠᠢ᠌ᠯᠠᠬᠤ》 ③ ᠵᠢᠨ ᠵᠢᠯᠠᠭᠠ ᠪᠠᠷ
ᠬᠤᠨᠤᠩᠬᠠᠨ ᠥᠡᠵᠢᠩᠭᠡᠨ ᠴᠤᠪᠣᠭᠰᠠᠨ ᠦᠵᠦᠮᠤᠴᠢᠨ᠃
ᠭᠠᠭᠴᠠ ᠪᠦᠭᠦᠳᠤ ᠳᠡᠮᠡᠭᠡᠳ④ ᠵᠢᠠᠨ
ᠭᠠᠩᠬᠠᠭᠤᠯᠤᠩᠬᠠᠨ ᠳᠡᠰᠢᠭᠦᠯᠦᠩᠭᠡᠨ ᠣᠨᠤᠭᠰᠠᠨ ᠦᠵᠦᠮᠤᠴᠢᠨ᠂
ᠭᠠᠯᠪᠠ ᠱᠠᠩᠬᠠ ᠶᠢᠨ ᠭᠤᠪᠢ⑤ ᠪᠠᠨ
ᠳᠤᠷᠠᠰᠤᠩᠬᠠᠨ ᠮᠥᠷᠦᠭᠡᠳᠦᠩᠭᠡᠨ ᠳᠤᠭᠤᠯᠤᠭᠰᠠᠨ ᠦᠵᠦᠮᠤᠴᠢᠨ᠃
ᠣᠨᠤᠨ᠂ ᠭᠡᠷᠦᠯᠤᠨ⑥ ᠊ᠤ ᠳᠡᠪᠰᠡᠭ᠌ ᠵᠢᠠᠷ
ᠣᠳᠤᠷᠯᠠᠩᠬᠠᠨ ᠨᠤᠳᠤᠭᠰᠢᠩᠬᠠᠨ ᠪᠠᠭᠤᠭᠰᠠᠨ ᠦᠵᠦᠮᠤᠴᠢᠨ᠂
ᠣᠯᠠᠭᠠᠢ᠂ ᠰᠠᠶᠢᠯᠵᠢ ⑦ ᠵᠢᠨ ᠳᠤᠬᠤᠢ ᠪᠠᠷ
ᠣᠭᠠᠯᠵᠠᠷᠠᠩᠬᠠᠨ ᠳᠤᠭᠣᠢ᠌ᠷᠠᠩᠬᠠᠨ ᠰᠠᠭᠤᠷᠢᠰᠢᠭᠰᠠᠨ ᠦᠵᠦᠮᠤᠴᠢᠨ᠃
① ᠠᠯᠳᠠᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠤ ᠠᠯᠳᠠᠢ᠃ ᠣᠳᠤᠭᠢ ᠳᠤᠮᠳᠠᠳᠤ ᠣᠯᠤᠰ ᠤᠨ ᠰᠢᠠᠵᠢᠶᠠᠩ ᠤᠨ ᠬᠣᠢ᠌ᠳᠤ ᠪᠠᠶᠠ ᠪᠣᠶᠤ ᠺᠠᠰᠠᠭᠰᠲ᠋ᠠᠨ ᠣᠯᠤᠰ᠂ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠭᠢᠯᠢ ᠪᠠᠷ ᠵᠠᠯᠭᠠᠯᠳᠤᠭᠠ ᠠᠯᠳᠠᠢ ᠠᠭᠤᠯᠠ ᠨᠢᠷᠤᠭᠤᠳ᠃ ᠦᠵᠦᠮᠤᠴᠢᠠᠴᠤᠳ ᠤᠨ ᠠᠩᠬᠠ ᠡᠭᠢᠨ ᠤ ᠰᠠᠭᠤᠷᠢᠰᠢᠵᠤ ᠪᠠᠢ᠌ᠭᠰᠠᠨ ᠨᠤᠳᠤᠭ᠃ ᠣᠳᠤ ᠡᠴᠡ ᠳᠦᠷᠪᠡ ᠡᠴᠡ ᠳᠠᠪᠤᠨ ᠵᠠᠭᠤᠨ ᠵᠢᠯ ᠤᠨ ᠪᠠᠷᠤᠭ ᠲᠤ ᠦᠵᠦᠮᠤᠴᠢᠠᠴᠤᠳ ᠡ᠊ᠨᠳᠡ ᠨᠤᠳᠤᠭᠯᠠᠵᠤ ᠪᠠᠢ᠌ᠭᠰᠠᠨ ᠭᠡᠳᠡᠭ᠌᠃ ᠡᠨᠡ ᠳᠤᠬᠠᠢ ᠳᠡᠦᠭᠡ ᠳᠡᠮᠳᠡᠭᠯᠡᠯ᠂ ᠪᠠᠳᠤᠳᠠᠢ ᠪᠠᠷᠢᠮᠳᠠ ᠰᠠᠯᠳᠠ ᠣᠯᠠᠨ ᠪᠣᠢ᠃
② 《ᠳᠦᠷᠦᠭᠡ ᠬᠠᠩᠭᠢᠨᠠᠭᠤᠷ》 ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠵᠦᠮᠤᠴᠢᠠᠴᠤᠳ ᠠᠯᠳᠠᠢ ᠬᠠᠩᠭ᠋ᠠᠢ ᠡᠴᠡ ᠨᠠᠰᠢ ᠨᠡᠭᠦᠳᠡᠯᠯᠡᠨ ᠭᠠᠷᠴᠤ ᠢᠷᠡᠭᠦ ᠳᠡᠭᠡᠨ ᠥᠩᠭᠡᠷᠡᠭ᠍ᠰᠡᠨ ᠭᠠᠵᠠᠷ᠃ ᠣᠳᠤᠭᠢ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠪᠠᠶᠠᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠯᠦᠭᠡᠢ ᠠᠢ᠌ᠮᠠᠭ ᠤᠨ ᠰᠠᠭᠰᠠᠢ ᠰᠤᠮᠤᠨ ᠤ ᠨᠤᠳᠤᠭ ᠲᠤ ᠪᠣᠢ᠃ ᠡ᠊ᠨᠳᠡ ᠺᠠᠰᠠᠭᠴᠤᠳ ᠭᠤᠤᠯᠳᠠᠭᠤ ᠰᠠᠭᠤᠳᠠᠭ᠃ ᠣᠰᠤ ᠪᠠᠯᠴᠢᠭᠡᠷ᠂ ᠣᠷᠭᠤᠮᠠᠯ ᠡᠪᠠᠰᠤ᠂ ᠠᠭᠤᠯᠠ ᠬᠠᠢ᠌ᠷᠬᠠᠳ᠂ ᠣᠢ ᠰᠢᠭᠤᠢ ᠲᠡᠶ ᠭᠦᠮᠤᠨ ᠵᠤᠨ᠂ ᠪᠠᠢ᠌ᠭᠠᠯᠢ ᠠᠬᠤᠢ ᠪᠠᠷ ᠭᠣᠢ᠌ᠳᠠ ᠰᠠᠢ᠌ᠬᠠᠨ ᠨᠤᠳᠤᠭ᠃
③ ᠳᠡᠭᠡᠷᠡᠭᠢ ᠲᠡᠶ ᠠᠳᠠᠯᠢ᠃
④ ᠭᠠᠭᠴᠠ ᠪᠦᠭᠦᠳᠤ ᠳᠡᠮᠡᠭᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠵᠦᠮᠤᠴᠢᠠᠴᠤᠳ ᠦᠪᠡᠷᠠᠰᠠᠤᠨ ᠢ ᠪᠠᠨ ᠣᠤᠯ ᠨᠢ ᠭᠠᠭᠴᠠ ᠪᠦᠭᠦᠳᠤ ᠳᠡᠮᠡᠭᠡ ᠣᠨᠤᠵᠤ ᠭᠠᠯᠪᠠ ᠱᠠᠩᠬᠠ ᠶᠢᠨ ᠭᠤᠪᠢ ᠪᠠᠷ ᠨᠤᠳᠤᠭᠯᠠᠵᠤ ᠪᠠᠢ᠌ᠭᠰᠠᠨ ᠭᠡᠵᠤ ᠬᠠᠭᠤᠴᠢᠯᠠᠵᠤ ᠳᠤᠮᠤᠭᠯᠠᠨ ᠶᠠᠷᠢᠳᠠᠭ᠃
⑤ ᠭᠠᠯᠪᠠ ᠱᠠᠩᠬᠠ ᠶᠢᠨ ᠭᠤᠪᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠳᠠᠢ ᠬᠠᠩᠭ᠋ᠠᠢ ᠶᠢᠨ ᠠᠷᠤ ᠭᠢᠵᠠᠭᠠᠷ ᠲᠤ ᠪᠠᠢ᠌ᠬᠤ ᠭᠠᠵᠠᠷ ᠤᠨ ᠨᠠᠷᠠ᠃
⑥ ᠣᠨᠤᠨ᠂ ᠭᠡᠷᠦᠯᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠵᠦᠮᠤᠴᠢᠠᠴᠤᠳ ᠤᠨ ᠠᠯᠳᠠᠢ ᠬᠠᠩᠭ᠋ᠠᠢ ᠡᠴᠡ ᠨᠠᠰᠢ ᠨᠡᠭᠦᠳᠡᠯᠯᠡᠨ ᠢᠷᠡᠭᠦ ᠳᠡᠭᠡᠨ ᠨᠤᠳᠤᠭᠰᠢᠵᠤ ᠰᠠᠭᠤᠷᠢᠰᠢᠵᠤ ᠪᠠᠢ᠌ᠭᠰᠠᠨ ᠭᠠᠵᠠᠷ ᠪᠣᠶᠤ ᠳᠠᠮᠵᠢᠵᠤ ᠭᠠᠷᠴᠤ ᠢᠷᠡᠭ᠍ᠰᠡᠨ ᠭᠠᠵᠠᠷ᠃ ᠣᠳᠤᠭᠢ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠭᠢᠯᠢ ᠳ᠋ᠠᠭᠢ ᠣᠨᠤᠨ ᠮᠦᠷᠠᠨ᠂ ᠭᠡᠷᠦᠯᠤᠨ ᠭᠤᠤᠯ᠃
⑦ ᠣᠯᠠᠭᠠᠢ᠂ ᠰᠠᠶᠢᠯᠵᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠳᠤᠭᠢ ᠦᠵᠦᠮᠤᠴᠢᠠᠴᠤᠳ ᠤᠨ ᠰᠠᠭᠤᠷᠢᠰᠢᠭᠠ ᠨᠤᠳᠤᠭ ᠣᠰᠤᠨ᠃ ᠵᠡᠭᠦᠨ ᠦᠵᠦᠮᠤᠴᠢᠨ ᠬᠤᠰᠢᠭᠤᠨ ᠤ ᠭᠢᠵᠠᠭᠠᠷ ᠲᠤ ᠪᠠᠢ᠌ᠭᠠ ᠠᠯᠳᠠᠷᠳᠤ ᠣᠯᠠᠭᠠᠢ ᠭᠤᠤᠯ᠂ ᠳᠤᠮᠤᠭᠳᠤ ᠰᠠᠶᠢᠯᠵᠢ ᠭᠤᠤᠯ᠃
2009᠂ 4᠂ 14 ᠬᠦᠬᠡᠬᠤᠲᠠᠨᠡ
ᠵᠤᠬᠢᠶᠠᠭᠴᠢ᠄ ᠭᠦᠷᠵᠡᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2626
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ