☆ ᠤᠷᠲᠤᠮᠦ᠋ᠷᠡᠨ
ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ
ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠭᠡᠵᠤ ᠭᠡᠴᠡᠭᠦᠤ
ᠰᠠᠪᠠ ᠳᠦᠭᠦᠷᠡᠩ ᠴᠠᠭᠠᠨ ᠢᠳᠡᠭᠡ ᠡᠷᠢᠭ᠍ᠳᠡᠨᠡ
ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠡᠶ ᠡᠵᠢ ᠶᠢᠨ ᠡᠩᠭᠡᠷ ᠰᠠᠨᠠᠭᠳᠠᠨᠠ
ᠰᠠᠴᠤᠷᠠᠭ ᠮᠦᠩᠭᠦᠨ ᠳᠤᠶᠠᠭᠠ ᠳᠠᠢ
ᠰᠠᠷᠠᠨ ᠳᠡᠷᠭᠡᠯ ᠭᠦᠳᠡᠭᠡ ᠮᠢᠨᠢ ᠡᠷᠢᠭ᠍ᠳᠡᠨᠡ
ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠭᠡᠵᠤ ᠰᠠᠢ᠌ᠬᠠᠨ ᠪᠠᠢ᠌ᠯᠠ
ᠰᠠᠷᠠᠪᠴᠢᠯᠠᠨ ᠬᠤᠴᠤᠷᠤᠭᠰᠠᠨ ᠡᠮᠧ ᠮᠢᠨᠢ ᠰᠠᠨᠠᠭᠳᠠᠨᠠ
ᠰᠠᠭᠠᠤᠨ ᠦᠭᠡᠶ ᠳᠦᠷᠭᠡᠨ ᠣᠴᠠᠷᠠᠬᠤ
ᠰᠠᠢ᠌ᠬᠠᠨ ᠠᠮᠠᠷᠠᠭ ᠮᠦᠰᠢᠶᠠᠵᠤ ᠬᠠᠷᠠᠭᠳᠠᠨᠠ
ᠰᠠᠨᠠᠭᠠᠨ ᠳᠤ ᠭᠠᠭᠴᠠᠬᠠᠨ ᠮᠤᠩᠭ᠋ᠤᠯ ᠨᠤᠳᠤᠭ ᠳᠤᠷᠠᠰᠤᠭᠳᠠᠨᠠ
ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠰᠠᠢ᠌ᠬᠠᠨ ᠯᠠ ᠪᠠᠢ᠌ᠯᠠ
ᠣᠬᠠᠭᠠ ᠦᠭᠡᠶ ᠳᠡᠮᠡᠦᠯᠦᠭ᠍ᠰᠡᠨ
ᠣᠨᠠᠭᠠᠨ ᠨᠠᠰᠤ ᠮᠢᠨᠢ ᠡᠷᠢᠭ᠍ᠳᠡᠨᠡ
ᠰᠠᠷᠠᠭᠤᠯ ᠲ᠋ᠠᠯᠠ ᠳᠤ ᠳᠤᠭᠯᠠᠭᠰᠠᠨ
ᠣᠨᠠᠭᠠ ᠲ᠋ᠤᠭᠤᠯ ᠬᠠᠷᠠᠭᠳᠠᠨᠠ
ᠰᠠᠯᠬᠤ ᠳᠠᠭᠠᠨ ᠣᠶᠠᠷᠠᠴᠢᠬᠠᠭᠰᠠᠨ᠂ ᠣᠭᠢᠯᠠᠴᠢᠬᠠᠭᠰᠠᠨ
ᠣᠯᠠᠨ ᠨᠠᠢ᠌ᠵᠢ ᠮᠢᠨᠢ ᠪᠣᠳᠤᠭᠳᠠᠨᠠ
ᠰᠠᠨᠠᠭᠠ ᠠᠯᠳᠠᠵᠤ ᠬᠤᠴᠤᠷᠤᠭᠰᠠᠨ
ᠰᠤᠷᠭᠠᠭᠤᠯᠢ᠂ ᠪᠠᠭᠰᠢ ᠮᠢᠨᠢ
ᠰᠠᠨᠠᠬᠤ ᠶᠢᠨ ᠡᠷᠭᠡᠨ ᠳᠤ ᠵᠢᠷᠭᠠᠯ ᠲᠡᠶ ᠪᠠᠢ᠌ᠯᠠ
ᠭᠡᠷ ᠲᠡᠶ ᠭᠦᠮᠤᠨ
ᠭᠡᠳᠡᠰᠤ ᠴᠠᠳᠬᠤᠯᠠᠩ ᠰᠠᠨᠠᠭᠳᠠᠨᠠ
ᠭᠡᠳᠡᠷ ᠳᠤᠭᠰᠢᠨ ᠭᠠᠢ᠌ᠬᠠᠯ
ᠭᠡᠭᠦᠳᠡᠭ᠌ ᠢᠪᠴᠤᠤ ᠰᠠᠨᠠᠭᠳᠠᠨᠠ
ᠨᠤᠳᠤᠭ ᠤᠨ ᠣᠯᠠᠨ ᠮᠢᠨᠢ
ᠴᠠᠭᠠᠨᠠ ᠪᠠᠨ ᠮᠡᠷᠭᠡᠨ ᠰᠠᠨᠠᠭᠳᠠᠨᠠ
ᠨᠤᠭᠤᠰᠤ ᠭᠠᠯᠠᠭᠤ ᠨᠢ ᠭᠦᠷᠳᠡᠯᠡ
ᠴᠠᠭᠠᠬᠠᠨ ᠰᠠᠨᠠᠭᠳᠠᠨᠠ
ᠨᠤᠳᠤᠭ ᠤ ᠰᠠᠷᠠ ᠭᠡᠵᠤ ᠳᠦᠭᠦᠷᠢᠭᠭᠡᠨ ᠰᠠᠨᠠᠭᠳᠠᠨᠠ
ᠨᠤᠭᠳᠤ ᠪᠠᠨ ᠴᠢᠷᠦᠭ᠍ᠰᠡᠨ ᠮᠤᠷᠢ ᠳᠠᠢ
《ᠨᠤᠭᠤᠠᠵᠠᠶᠠᠭᠠ》 ᠰᠠᠨᠠᠭᠳᠠᠨᠠ
ᠡᠨ ᠥᠰᠦᠭ᠌ ᠡᠴᠠ ᠨᠢᠳᠦᠯᠡᠭᠦᠯᠦᠭ᠍ᠰᠡᠨ
ᠭᠠᠴᠠᠭᠠᠨ ᠤ ᠪᠠᠭᠰᠢ ᠰᠠᠨᠠᠭᠳᠠᠨᠠ
ᠠᠩᠬᠠᠨ ᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌ ᠮᠢᠨᠢ
ᠬᠠᠢ᠌ᠷᠠ ᠶᠢᠨ ᠵᠠᠭᠢᠶᠠ ᠪᠠᠢ᠌ᠭᠰᠠᠨ ᠨᠢ ᠰᠠᠨᠠᠭᠳᠠᠨᠠ
ᠠᠪᠣ ᠶᠢᠨ ᠰᠤᠷᠭᠠᠯ
ᠬᠠᠳᠠᠭᠤ ᠪᠠᠢ᠌ᠭᠰᠠᠨ ᠨᠢ ᠰᠠᠨᠠᠭᠳᠠᠨᠠ
ᠠᠭᠢᠭᠠᠤᠨ ᠣᠳᠤ ᠪᠣᠳᠤᠬᠤᠯᠠᠷ
ᠬᠠᠢ᠌ᠷᠠ ᠪᠠᠢ᠌ᠭᠰᠠᠨ ᠨᠢ ᠦᠨᠡᠨ ᠰᠠᠨᠠᠭᠳᠠᠨᠠ
ᠮᠤᠷᠢᠨ ᠡᠴᠠ ᠪᠠᠨ ᠤᠢ᠌ᠴᠢᠴᠢᠬᠠᠭᠠᠤᠨ
ᠣᠭᠢᠯᠠᠵᠤ ᠶᠠᠪᠣᠭᠰᠠᠨ ᠮᠢᠨᠢ ᠰᠠᠨᠠᠭᠳᠠᠨᠠ
ᠡᠮᠡᠭᠡᠯ ᠨᠢ ᠥᠨᠡᠨᠳᠡᠭᠡᠨ
ᠠᠮᠢᠳᠤᠷᠠᠯ ᠤᠨ ᠠᠩᠬᠠᠨ ᠤ ᠳᠠᠪᠠᠭᠠ ᠪᠠᠢ᠌ᠭᠰᠠᠨ ᠨᠢ ᠰᠠᠨᠠᠭᠳᠠᠨᠠ
ᠬᠠᠵᠠᠭᠤ ᠳ᠋ᠤᠨᠢ ᠪᠠᠢ᠌ᠬᠤ ᠳ᠋ᠠᠭᠠᠨ
ᠬᠠᠢ᠌ᠷᠠᠯᠠᠬᠤ ᠶᠢ ᠮᠡᠳᠡᠳᠡᠭ᠌ ᠦᠭᠡᠶ ᠴᠤ
ᠰᠠᠯᠤᠭᠠᠤᠨ ᠶᠠᠪᠣᠭᠰᠠᠨ ᠬᠣᠢ᠌ᠨᠠ ᠪᠠᠨ
ᠰᠠᠨᠠᠨᠠ ᠭᠡᠳᠡᠭ᠌ ᠯᠠ ᠭᠡᠴᠡᠭᠦᠤ ᠁
ᠨᠤᠳᠤᠭ ᠤᠨ ᠴᠢᠯᠠᠭᠤ
ᠠᠭᠤᠯᠠ ᠪᠠᠨ ᠰᠠᠨᠠᠳᠠᠭ ᠰᠢᠭ
ᠨᠤᠭᠤᠨ ᠦᠷᠡ ᠴᠢᠨᠢ ᠪᠢ
ᠳᠠᠨ ᠢ ᠪᠠᠨ ᠰᠠᠨᠠᠵᠤ ᠪᠠᠢ᠌ᠨᠠ᠃
ᠨᠤᠭᠤᠭᠠᠨ ᠳᠠᠯᠠ᠂ ᠨᠢᠴᠦᠭᠦᠨ ᠮᠠᠩᠬᠠ
ᠡᠴᠢᠭᠡ ᠡᠭᠡ᠂ ᠡᠯᠢᠭᠡᠨ ᠲᠦᠮᠡᠨ ᠶᠢᠡᠨ᠁
ᠡᠷᠭᠡ ᠦᠭᠡᠶ ᠯᠠ
ᠰᠠᠨᠠᠵᠤ ᠪᠠᠢ᠌ᠨᠠ
ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠭᠡᠵᠤ ᠭᠡᠴᠡᠭᠦᠤ ᠯᠠ ᠪᠠᠢ᠌ᠯᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠠᠤᠨ ᠤᠨ ᠬᠣᠢ᠌ᠳᠤ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠤᠷᠲᠤᠮᠦ᠋ᠷᠡᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ