☆ ᠪᠠ᠊·ᠨᠡᠭᠦᠳᠡᠯᠴᠢ
ᠬᠤᠯᠤᠭᠠᠨᠠ ᠶᠢᠨ ᠮᠠᠭᠳᠠᠭᠠᠯ
ᠰᠤᠮᠤᠨ ᠤ ᠠᠷᠤ ᠶᠢᠨ ᠭᠦᠮᠦᠷᠭᠡ ᠳᠤ
ᠬᠤᠯᠤᠭᠠᠨᠠ ᠶᠡᠭᠡ ᠭᠡᠵᠤ ᠳᠤᠭᠤᠯᠤᠭᠰᠠᠨ
ᠰᠤᠴᠢᠶᠠ ᠨᠢ ᠭᠠᠷᠤᠭᠰᠠᠨ ᠠᠮᠢᠳᠠᠨ ᠤ
ᠰᠤᠷᠳᠤᠭᠤ ᠨᠢ ᠶᠡᠭᠡ ᠭᠡᠵᠤ ᠰᠤᠨᠤᠰᠤᠭᠰᠠᠨ
ᠰᠤᠬᠤᠷ ᠮᠤᠤᠷ ᠪᠠᠢ᠌ᠳᠤᠭᠠᠢ
ᠰᠤᠮᠤ ᠲᠡᠶ ᠮᠤᠤᠷ ᠡᠴᠡ ᠴᠤ ᠠᠶᠤᠬᠤ ᠦᠭᠡᠶ
ᠰᠤᠪᠤᠨ ᠴᠤᠪᠤᠨ ᠭᠡᠯᠭᠢᠶᠡᠷᠡᠵᠤ
ᠰᠤᠭᠳᠤᠭᠤᠷᠠᠵᠤ ᠶᠠᠪᠣᠬᠤ ᠶᠢ ᠴᠤ ᠥᠵᠡᠭ᠍ᠰᠡᠨ
ᠠᠮᠢᠳᠠᠨ ᠤ ᠪᠠᠭᠠ ᠨᠢ ᠬᠤᠤᠷᠳᠠᠢ ᠭᠡᠵᠤ
ᠠᠷᠪᠠᠨ ᠬᠤᠶᠠᠷ ᠵᠢᠯ ᠳᠤ ᠳᠡᠷᠢᠭᠦᠯᠡᠭ᠍ᠰᠡᠨ
ᠠᠮᠳᠠᠨ ᠤ ᠣᠭᠢ ᠶᠢ ᠡᠳ᠋ᠯᠡᠨᠡ ᠭᠡᠵᠤ
ᠠᠯᠪᠠᠨ ᠤ ᠭᠦᠮᠦᠷᠭᠡ ᠳᠤ ᠰᠢᠷᠭᠤᠭᠰᠠᠨ
ᠠᠳᠬᠤᠨ ᠴᠢᠨᠡᠭᠡᠨ ᠵᠢᠵᠢᠭ᠌ ᠴᠤ
ᠠᠶᠠ᠂ ᠳᠠᠷᠠ ᠬᠤᠯᠤᠭᠠᠨᠠ
ᠠᠪᠬᠤ ᠶᠢᠨ ᠡᠷᠳᠡᠮ ᠳᠤ ᠴᠠᠭᠠᠷᠠᠭᠰᠠᠨ
ᠠᠵᠠ ᠲᠡᠶ ᠳᠠᠷᠠ ᠬᠤᠯᠤᠭᠠᠨᠠ
ᠬᠤᠤᠷ ᠲᠡᠶ ᠢᠳᠡᠭᠡᠨ ᠢᠳᠠᠪᠠᠴᠤ
ᠬᠤᠷᠤᠬᠠᠢ ᠭᠦᠭᠡᠭ᠍ᠰᠡᠨ ᠳᠠᠳᠤᠢ
ᠬᠤᠨᠤᠭ ᠶᠢᠡᠷ ᠬᠠᠪᠬᠠᠨ ᠳᠤ ᠣᠨᠠᠪᠠᠴᠤ
ᠬᠤᠶᠠᠩ ᠳᠠᠷᠬᠠᠭᠠᠭᠰᠠᠨ ᠳᠠᠳᠤᠢ
ᠬᠤᠯᠠ ᠶᠢᠨ ᠶᠢᠡᠨ ᠵᠠᠮ ᠳᠠᠭᠠᠨ
ᠨᠥᠭᠦᠷ ᠲᠡᠶ ᠳᠠᠷᠠ ᠬᠤᠯᠤᠭᠠᠨᠠ
ᠬᠣᠢ᠌ᠴᠢ ᠦᠶᠡ ᠳᠡᠭᠡᠨ ᠪᠣᠯᠪᠠᠯ
ᠨᠥᠭᠡᠴᠡ ᠲᠡᠶ ᠳᠠᠷᠠ ᠬᠤᠯᠤᠭᠠᠨᠠ
ᠡᠪᠦᠯ ᠤᠨ ᠶᠢᠡᠨ ᠭᠦᠢᠳᠡᠨ ᠳᠤ
ᠢᠴᠡᠭᠡᠯᠡᠭᠦ ᠴᠤ ᠦᠭᠡᠶ ᠬᠤᠯᠤᠭᠠᠨᠠ
ᠡᠪᠠᠰᠤᠨ ᠦᠷᠡ ᠴᠤᠭᠯᠠᠭᠤᠯᠵᠤ
ᠶᠠᠳᠠᠷᠠᠬᠤ ᠴᠤ ᠦᠭᠡᠶ ᠬᠤᠯᠤᠭᠠᠨᠠ
ᠥᠭᠡᠷ ᠤᠨ ᠡᠪᠠᠷ ᠳᠡᠭᠡᠷᠡ ᠪᠣᠯᠪᠠᠴᠤ
ᠰᠠᠭᠤᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠥᠰᠦᠭ᠌ ᠲᠡᠶ ᠴᠠᠭᠠᠰᠤ ᠶᠢ ᠪᠣᠯᠪᠠᠴᠤ
ᠪᠠᠷᠢᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠳᠡᠭᠡᠷᠡ ᠡᠴᠡ ᠢᠷᠡᠭ᠍ᠰᠡᠨ ᠨᠤᠶᠠᠤᠨ ᠢ
ᠥᠨᠦᠰᠦᠴᠢᠭᠡᠮᠡᠷ ᠬᠤᠯᠤᠭᠠᠨᠠ
ᠳᠡᠷᠭᠡᠳᠡ ᠪᠠᠢ᠌ᠭᠠ ᠨᠢᠭᠡ ᠲᠡᠶ ᠪᠠᠨ
ᠥᠵᠡᠯᠴᠡᠴᠢᠭᠡᠮᠡᠷ ᠬᠤᠯᠤᠭᠠᠨᠠ
ᠳᠤᠷᠠ ᠨᠢ ᠳᠠᠭᠠᠷᠠᠭᠰᠠᠨ ᠦᠶᠡ ᠳᠤ
ᠳᠠᠭᠤᠯᠠᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠳᠤᠬᠤ ᠨᠢ ᠡᠪᠠᠳᠦᠭ᠍ᠰᠡᠨ ᠦᠶᠡ ᠳᠤ
ᠳᠤᠭᠰᠢᠷᠠᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠶᠡᠭᠡ ᠳᠤᠯᠤᠯᠳᠤᠭᠠᠨ ᠢ ᠪᠣᠯᠪᠠᠴᠤ
ᠵᠢᠯᠤᠭᠤᠳᠤᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠢᠷᠡᠭ᠍ᠰᠡᠨ ᠵᠤᠭᠤᠰ ᠢ ᠨᠢ ᠪᠣᠯᠪᠠᠴᠤ
ᠵᠠᠯᠭᠢᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠡᠯᠵᠢᠭᠡ ᠭᠠᠬᠠᠢ ᠶᠢ ᠪᠣᠯᠪᠠᠴᠤ
ᠬᠤᠷᠢᠭᠤᠯᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠡ᠊ᠨᠳᠡᠭᠦᠷᠡᠭᠡᠳ ᠳᠠᠯᠪᠢᠭᠰᠠᠨ ᠢ ᠨᠢ ᠪᠣᠯᠪᠠᠯ
ᠪᠠᠷᠢᠴᠢᠬᠠᠮᠠᠷ ᠬᠤᠯᠤᠭᠠᠨᠠ
ᠬᠤᠯᠤᠭᠠᠨᠠ ᠶᠢᠨ ᠶᠢᠡᠨ ᠳᠤᠳᠤᠷᠠ
ᠬᠤᠪᠢ ᠲᠡᠶ ᠳᠦᠷᠦᠭ᠍ᠰᠡᠨ ᠬᠤᠯᠤᠭᠠᠨᠠ
ᠬᠤᠩᠬᠤ ᠲᠡᠶ ᠮᠤᠤᠷ ᠤᠨ ᠡᠮᠦᠨᠡ
ᠬᠤᠪᠢᠯᠭᠠᠨ ᠰᠢᠭ ᠬᠤᠯᠤᠭᠠᠨᠠ
ᠬᠤᠯᠤᠭᠠᠨᠠ ᠶᠢᠨ ᠳᠤᠬᠠᠢ ᠰᠢᠯᠦᠭ᠌ ᠢ
ᠬᠤᠯᠪᠣᠵᠤ ᠪᠢᠴᠢᠭᠦ ᠳᠤ ᠠᠮᠠᠷᠬᠠᠨ ᠴᠤ
ᠬᠤᠯᠤᠭᠠᠨᠠ ᠰᠢᠭ ᠭᠦᠮᠦᠰ ᠢ ᠬᠠᠷᠢᠨ
ᠬᠤᠪᠢᠷᠠᠭᠤᠯᠵᠤ ᠠᠪᠬᠤ ᠳᠤ ᠭᠢᠯᠪᠠᠷ ᠦᠭᠡᠶ᠃
ᠵᠤᠬᠢᠶᠠᠭᠴᠢ᠄ ᠪᠠ᠊·ᠨᠡᠭᠦᠳᠡᠯᠴᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2630
ᠴᠠᠭ᠄ 2009 ᠤᠨ ᠤ 03 ᠰᠠᠷᠠ ᠶᠢᠨ 09
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ