☆ ᠨᠠᠮᠵᠢᠯ ᠤᠨ ᠮᠥᠩᠭᠡᠪᠠᠶᠡᠷ
ᠶᠠᠭᠠᠷᠠᠭᠰᠠᠨ ᠰᠠᠤᠠᠭᠢᠯ
ᠠᠷᠢᠭᠤᠨ ᠬᠤᠷᠠ ᠬᠤᠷᠮᠤᠰᠳᠠ ᠶᠢᠨ ᠳᠠᠩᠨᠠᠢ ᠡᠴᠡ ᠵᠦᠰᠠᠷᠠᠨ ᠪᠠᠭᠤᠬᠤ ᠳ᠋ᠤ
ᠠᠷᠤ ᠡᠩᠭᠡᠷ ᠤᠨ ᠮᠣᠢ᠌ᠯ ᠤᠨ ᠮᠤᠳᠤ ᠴᠡᠴᠡᠭᠯᠡᠭ᠍ᠰᠡᠨ ᠪᠠᠢ᠌ᠯᠭᠦᠢ
ᠠᠮᠠᠷᠠᠭ ᠭᠤᠶᠤᠬᠠᠨ ᠠᠢ᠌ᠯ ᠤᠨ ᠳᠦᠪᠰᠢᠮᠠ ᠪᠠᠨ ᠪᠣᠳᠤᠨ ᠳᠤᠷᠠᠰᠬᠤ ᠳᠤ
ᠠᠷᠭᠠ ᠦᠭᠡᠶ ᠳᠡᠭᠦᠨ ᠤ ᠵᠡᠭᠦᠨ ᠴᠢᠭᠢ ᠨᠢ ᠬᠠᠩᠭᠢᠨᠠᠭᠰᠠᠨ ᠪᠠᠢ᠌ᠯᠭᠦᠢ︕
ᠴᠢᠨᠤᠨ ᠴᠢᠭᠢ ᠲᠡᠶ ᠵᠢᠷᠤᠭᠠ ᠰᠢᠷᠭᠠ ᠪᠠᠨ ᠪᠦᠮᠪᠦᠯᠵᠡᠭᠦᠯᠭᠦ ᠳᠤ
ᠴᠡᠴᠡᠭ᠌ ᠮᠢᠷᠠᠯᠵᠠᠭᠰᠠᠨ ᠨᠤᠭᠤᠭᠠᠨ ᠳᠠᠪᠠᠯᠭᠠᠨ ᠰᠤᠨᠤᠯᠵᠠᠩᠬᠠᠨ ᠪᠠᠢ᠌ᠨᠠ
ᠴᠢᠮᠠ ᠳᠤ ᠪᠠᠨ ᠭᠦᠷᠭᠦ ᠰᠠᠤᠠᠭᠢᠯ ᠤᠨ ᠴᠤᠤᠷᠢᠶᠠ ᠳᠠᠭᠤᠷᠢᠰᠤᠭᠤᠯᠬᠤ ᠳᠤ
ᠴᠠᠭᠠᠨ ᠴᠠᠮᠴᠠ ᠲᠡᠶ ᠳᠤᠭᠤᠯ ᠤᠨ ᠵᠠᠯᠠ ᠳᠤ ᠪᠠᠨ ᠭᠦᠯᠢᠶᠡᠩᠭᠡᠨ ᠪᠠᠢ᠌ᠯᠭᠦᠢ︕
ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠠᠭᠤᠳᠠᠮ ᠳᠠᠯᠠ ᠶᠢᠨ ᠵᠤᠨ ᠤ ᠰᠠᠯᠭᠢᠨ ᠳᠤ ᠢᠯᠪᠢᠭᠦᠯᠵᠤ
ᠮᠥᠷᠦᠭᠡᠳᠴᠤ ᠣᠳᠠᠭᠰᠠᠨ ᠰᠠᠤᠠᠭᠢᠯ ᠤᠨ ᠭᠠᠭᠴᠠ ᠠᠮᠠᠷᠠᠭ ᠶᠢᠡᠨ ᠰᠠᠨᠠᠵᠤ ᠳᠠᠮᠠᠤᠯᠠᠨᠠ
ᠮᠥᠩᠭᠡ ᠳᠡᠭ᠍ᠷᠢ᠂ ᠮᠤᠩᠭ᠋ᠤᠯ ᠣᠷᠤᠨ ᠤ ᠡᠩᠭᠡ ᠳᠠᠢ᠌ᠪᠣᠩ ᠢ ᠳᠠᠭᠤᠯᠠᠵᠤ
ᠮᠥᠦᠡᠭᠡᠨ ᠠᠭᠤᠯᠵᠠᠬᠤ ᠰᠠᠤᠠᠭᠢᠯ ᠤᠨ ᠭᠦᠭ᠍ᠰᠡᠯ ᠵᠢᠯᠤᠭᠤ ᠰᠤᠯᠠᠯᠠᠨ ᠳᠠᠪᠭᠢᠭᠤᠯᠤᠨᠠ︕
ᠠᠷᠭᠠᠯ ᠤᠨ ᠣᠳᠤᠭᠠᠨ ᠤ ᠰᠤᠭᠤᠨᠠᠭᠯᠠᠯ ᠠᠯᠤᠰ ᠡᠴᠡ ᠬᠠᠷᠠᠭᠠᠨ ᠳᠤ ᠣᠷᠤᠬᠤ ᠳᠤ
ᠠᠭᠳᠠ ᠪᠠᠨ ᠳᠡᠪᠭᠡᠷᠴᠤ ᠬᠤᠷᠳᠤᠯᠠᠭᠰᠠᠨ ᠴᠤ ᠣᠢ᠌ᠷᠠᠳᠤᠵᠤ ᠦᠭᠭᠦ ᠦᠭᠡᠶ ᠨᠢ ᠶᠠᠭᠠᠭᠢᠯᠳᠠᠢ
ᠠᠮᠠᠷᠠᠭ ᠤᠨ ᠳᠤᠯᠠᠭᠠᠨ ᠢᠨᠢᠶᠠᠳᠤ ᠨᠢᠳᠤᠨ ᠳᠤ ᠳᠤᠳᠤᠷᠠᠨ ᠬᠠᠷᠠᠭᠳᠠᠬᠤ ᠳᠤ
ᠠᠯᠢᠶᠠᠯᠠᠵᠤ ᠪᠠᠢ᠌ᠭᠠ ᠰᠢᠭ ᠡᠨᠡ ᠵᠠᠮ ᠣᠷᠳᠤᠰᠴᠤ ᠰᠠᠨᠠᠭᠳᠠᠬᠤ ᠨᠢ ᠶᠠᠭᠠᠭᠢᠯᠳᠠᠢ︕
ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠨᠠᠮᠵᠢᠯ ᠤᠨ ᠮᠥᠩᠭᠡᠪᠠᠶᠡᠷ
ᠢᠷᠡᠯᠲᠡ᠄ ᠰᠠᠮᠪᠠᠷᠠ ᠡᠴᠡ ᠰᠢᠯᠢᠪᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4401
ᠴᠠᠭ᠄ 2007 ᠤᠨ ᠤ 04 ᠰᠠᠷᠠ ᠶᠢᠨ 10
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ