ᠭᠡᠭᠡᠷ᠎ᠡ ᠶᠢᠨ ᠰᠡᠷᠢᠭᠦᠨ ᠰᠠᠯᠭᠢ ᠶᠢ

ᠡᠩᠭᠡᠷ ᠤᠨ ᠶᠢᠡᠨ ᠵᠢᠪᠠᠷ ᠶᠢᠡᠷ ᠮᠠᠳᠠᠷᠠᠵᠤ

ᠭᠡᠳᠤ ᠴᠡᠩᠭᠡᠷ ᠭᠦᠰᠡᠯ ᠳ᠋ᠤ

ᠡᠷᠡᠤ ᠳᠠᠷᠤᠨ ᠪᠣᠳᠤᠯᠭᠠᠰᠢᠷᠠᠵᠤ

ᠢᠷᠠᠭᠤ ᠨᠠᠢ᠌ᠷᠠᠭ ᠤᠨ ᠳᠤᠬᠠᠢ

ᠣᠩᠭ᠋ᠤᠳ ᠡᠷᠢᠨ ᠭᠦᠯᠭᠦᠭ᠍ᠰᠡᠭᠡᠷ

ᠶᠡᠭᠡ ᠰᠢᠯᠦᠭ᠍ᠴᠢ ᠶᠢᠨ ᠭᠦᠰᠢᠶᠡᠨ ᠳᠤᠤᠷ᠎ᠠ ᠪᠢ

ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠣᠴᠢᠪᠠ᠃

ᠳᠡᠭ᠍ᠷᠢ ᠰᠢᠷᠳᠡᠭ᠍ᠰᠡᠨ ᠳᠦᠷᠢ ᠨᠢ

ᠰᠠᠷᠠ ᠶᠢ ᠭᠦᠯᠢᠶᠡᠭᠡ ᠴᠤ ᠪᠣᠯᠪᠠᠤ︖

ᠳᠤᠯᠢᠨ ᠰᠢᠷᠭᠠᠯ ᠨᠠᠷᠠ ᠵᠢ

ᠰᠢᠯᠦᠭᠯᠡᠵᠤ ᠪᠢᠴᠢᠭᠡ ᠴᠤ ᠪᠣᠯᠪᠠᠤ︖

ᠭᠠᠠᠳᠢᠭ ᠴᠢᠯᠠᠭᠤᠨ ᠰᠠᠢ᠌ᠯᠤᠮᠠᠯ ᠤᠨ

ᠠᠭᠤᠯᠠ ᠰᠢᠭ ᠰᠠᠭᠤᠳᠠᠯ ᠳᠤ ᠵᠠᠯᠠᠷᠠᠵᠤ

ᠭᠠᠷ ᠲᠤ ᠪᠠᠨ ᠪᠠᠷᠢᠭᠰᠠᠨ ᠪᠢᠷ ᠤᠨ ᠵᠢᠠᠨ

ᠠᠮᠠᠰᠠᠷ ᠢ ᠰᠤᠭᠤᠯᠤᠨ ᠥᠵᠦᠭᠯᠡᠵᠤ

ᠰᠥᠭᠦᠮ ᠵᠤᠵᠠᠭᠠᠨ ᠨᠤᠮ ᠤᠨ ᠵᠢᠠᠨ

ᠬᠠᠭᠤᠳᠠᠰᠤ ᠶᠢ ᠳᠡᠯᠭᠡᠨ ᠳᠠᠯᠠᠯᠵᠤ

ᠰᠢᠯᠦᠭ᠌ ᠨᠠᠢ᠌ᠷᠠᠭ ᠤᠨ ᠪᠠᠳᠠᠭ ᠤᠳ ᠵᠢᠠᠨ

ᠣᠶᠠᠩᠭ᠋ᠠᠯᠠᠵᠤ ᠪᠠᠢ᠌ᠬᠤ ᠰᠢᠭ ᠥᠵᠡᠭ᠍ᠳᠡᠨ᠎ᠡ᠃

ᠠᠮᠢᠳᠤ ᠰᠡᠷᠡᠭᠦᠨ ᠪᠠᠢ᠌ᠬᠤ ᠳᠤ ᠨᠢ

ᠠᠭᠤᠯᠵᠠᠵᠤ ᠴᠢᠳᠠᠭ᠎ᠠ ᠦᠭᠡᠶ ᠴᠤ ᠳᠠᠨᠢᠯᠬᠠᠨ

ᠠᠯᠳᠠᠨ ᠪᠣᠳᠤᠷᠤᠤᠯ ᠢ ᠨᠢ ᠪᠦᠭᠦᠨ ᠢ

ᠣᠩᠰᠢᠵᠤ ᠪᠠᠷᠠᠭᠠᠳᠤᠢ ᠴᠤ ᠳᠠᠰᠤᠯᠬᠠᠨ

ᠠᠯᠳᠠᠷᠳᠤ ᠨᠠᠢ᠌ᠷᠠᠭᠴᠢ ᠮᠢᠨᠢ᠂ ᠳᠠᠷᠠ ᠯᠠ ᠭᠡᠪ ᠵᠢᠠᠷ

ᠳᠡᠭ᠍ᠷᠢ ᠰᠢᠷᠳᠠᠵᠤ ᠰᠠᠭᠤᠬᠤ ᠨᠢ

ᠠᠯᠳᠠᠨ ᠨᠠᠰᠤ ᠪᠠᠨ ᠳᠤᠷᠠᠰᠬᠤ ᠰᠢᠭ

ᠳᠡᠨᠢᠭᠦᠨ ᠵᠢᠷᠭᠠᠯ ᠲᠡᠶ ᠬᠠᠷᠠᠭᠳᠠᠨ᠎ᠠ᠃

ᠣᠶᠠᠩᠭ᠋᠎ᠠ ᠳᠤ ᠬᠠᠢ᠌ᠷᠠᠳᠠᠢ ᠦᠬᠢᠳ ᠢ

ᠣᠠᠳᠠᠬᠤ ᠨᠣᠢ᠌ᠷᠤᠨ ᠳᠤ ᠨᠢ ᠵᠡᠭᠦᠳᠦᠯᠡᠭᠦᠯᠵᠤ

ᠣᠷᠤᠰ ᠤᠨ ᠶᠡᠭᠡ ᠰᠢᠯᠦᠭ᠍ᠴᠢ ᠵᠢ

ᠠᠭᠤᠯᠵᠠᠬᠤ ᠭᠡᠮᠡᠨ ᠮᠥᠷᠦᠭᠡᠳᠦᠭᠦᠯᠵᠤ

ᠣᠷᠭᠢᠬᠤ ᠳᠤᠷᠠᠳᠠᠢ ᠪᠢᠳᠠᠨ ᠳᠤ ᠪᠠᠨ

ᠮᠠᠨ ᠤ ᠭᠢ ᠭᠡᠮᠡᠨ ᠮᠠᠭᠳᠠᠭᠤᠯᠵᠤ

ᠠᠳᠠᠭᠠᠴᠢ ᠰᠢᠨᠤᠬᠠᠢ ᠵᠠᠷᠢᠮ ᠳᠤ ᠨᠢ

ᠮᠠᠯᠴᠢᠨ ᠭᠡᠮᠡᠨ ᠮᠠᠭᠤᠯᠠᠭᠤᠯᠵᠤ

ᠶᠠᠷᠤ ᠳᠤ ᠪᠠᠨ ᠳᠡᠭ᠍ᠰᠢ ᠦᠭᠡᠶ ᠬᠤᠷᠸ᠎ᠠ ᠵᠢ

ᠶᠠᠯ᠎ᠠ ᠲᠡᠶ᠂ ᠨᠢᠭᠦᠯ ᠲᠡᠶ ᠨᠢ ᠳᠤᠭᠤᠯᠵᠤ ᠭᠠᠷᠤᠭᠰᠠᠨ

ᠵᠠᠶᠠᠭ᠎ᠠ ᠪᠠᠷ ᠳᠠᠭᠠᠷᠠᠭᠰᠠᠨ ᠠᠮᠢᠳᠤᠷᠠᠯ ᠵᠢᠠᠨ

ᠵᠢᠷᠭᠠᠯ ᠲᠡᠶ᠂ ᠵᠤᠪᠠᠯᠠᠩ ᠲᠡᠶ ᠨᠢ ᠳᠠᠭᠤᠯᠠᠵᠤ ᠶᠠᠪᠣᠭᠰᠠᠨ

ᠵᠠᠭᠤᠨ ᠵᠢᠯ ᠠᠮᠢᠳᠤᠷᠠᠭ᠎ᠠ ᠦᠭᠡᠶ ᠴᠤ

ᠮᠢᠩᠭ᠋ᠠᠨ ᠵᠢᠯ ᠳᠤ ᠮᠠᠷᠳᠠᠭᠳᠠᠬᠤ ᠪᠠᠷ ᠥᠭᠡᠢ

ᠵᠤᠨ ᠣᠯᠠᠨ ᠤ ᠪᠠᠨ ᠰᠡᠳᠭᠢᠯ ᠳ᠋ᠤ

ᠮᠥᠩᠭᠡ ᠶᠢᠨ ᠰᠢᠯᠦᠭ᠌ ᠪᠢᠴᠢᠭ᠍ᠰᠡᠨ

ᠨᠠᠢ᠌ᠷᠠᠭ ᠤᠨ ᠳᠡᠭ᠍ᠷᠢ ᠳᠠᠢ

ᠨᠠᠷᠮᠠᠢ ᠮᠤᠩᠭ᠋ᠤᠯ ᠤᠨ ᠵᠠᠶᠠᠭ᠎ᠠ ᠳᠠᠢ

ᠨᠠ᠊·ᠰᠠᠢ᠌ᠨ ᠤ ᠭᠦᠰᠢᠶᠡᠨ ᠳᠤᠤᠷ᠎ᠠ ᠪᠢ

ᠨᠠᠢ᠌ᠷᠠᠭ ᠭᠤᠶᠤᠬᠤ ᠪᠠᠷ ᠣᠴᠢᠪᠠ ᠦᠦ︖

ᠨᠠᠢ᠌ᠷᠠᠭ ᠰᠢᠯᠦᠭ᠌ ᠬᠠᠢ᠌ᠷᠠᠯᠠᠬᠤ ᠪᠠᠷ

ᠨᠠᠳᠠ ᠶᠢ ᠳᠠᠯᠳᠠ ᠡᠴᠡ ᠳᠠᠭᠤᠳᠠᠪᠠ ᠦᠦ︖

ᠭᠡᠭᠡᠷ᠎ᠡ ᠶᠢᠨ ᠰᠡᠷᠢᠭᠦᠨ ᠰᠠᠯᠭᠢ ᠵᠢ

ᠡᠩᠭᠡᠷ ᠤᠨ ᠶᠢᠡᠨ ᠵᠢᠪᠠᠷ ᠶᠢᠡᠷ ᠮᠠᠳᠠᠷᠠᠵᠤ

ᠭᠡᠳᠤ ᠴᠡᠩᠭᠡᠷ ᠭᠦᠰᠡᠯ ᠳ᠋ᠤ

ᠡᠷᠡᠤ ᠳᠠᠷᠤᠨ ᠪᠣᠳᠤᠯᠭᠠᠰᠢᠷᠠᠵᠤ

ᠢᠷᠠᠭᠤ ᠨᠠᠢ᠌ᠷᠠᠭ ᠤᠨ ᠳᠤᠬᠠᠢ

ᠣᠩᠭ᠋ᠤᠳ ᠡᠷᠢᠨ ᠭᠦᠯᠭᠦᠭ᠍ᠰᠡᠭᠡᠷ

ᠶᠡᠭᠡ ᠰᠢᠯᠦᠭ᠍ᠴᠢ ᠶᠢᠨ ᠭᠦᠰᠢᠶᠡᠨ ᠳᠤᠤᠷ᠎ᠠ ᠪᠢ

ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠣᠴᠢᠳᠠᠭ ᠡ︕