☆ ᠭᠠᠳᠠᠨ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠳᠡᠭ᠍ᠷᠢ ᠮᠡᠭᠦᠢᠭᠦ ᠭᠦᠭᠡ ᠦᠨᠳᠦᠷ ᠤᠨ
ᠳᠦᠷᠦᠭᠡᠨ ᠳᠤᠤᠷᠠ ᠡᠴᠡ ᠲᠦᠩᠭᠢᠨᠠᠨ ᠪᠣᠰᠴᠤ
ᠳᠡᠯᠡᠭᠡᠢ ᠮᠥᠯᠥᠢᠭᠦ ᠴᠠᠭᠠᠨ ᠰᠤᠳᠤᠷ ᠤᠨ
ᠳᠠᠷᠠ ᠵᠠᠢ ᠪᠠᠨ ᠱᠦᠩᠭᠢᠨᠠᠨ ᠨᠥᠭᠦᠭᠦ
ᠮᠤᠷᠢ ᠪᠦᠳᠦᠷᠢᠭᠦ ᠦᠭᠡᠶ ᠡᠷᠡ ᠮᠤᠬᠤᠬᠤ ᠦᠭᠡᠶ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠳᠠᠬᠤ ᠰᠡᠭᠯᠡᠭᠡᠷ ᠦᠵᠡᠯ ᠪᠣᠳᠤᠯ ᠤᠨ
ᠳᠠᠯᠤ ᠵᠡᠮᠳᠡᠭ᠌ ᠬᠠᠪᠣᠷ ᠨᠠᠮᠤᠷ
ᠨᠢᠷᠤᠭᠤ ᠪᠦᠭ᠍ᠳᠥᠢᠨ ᠳᠤᠰᠤᠨ ᠠᠪᠴᠤ
ᠨᠢᠰᠤᠨ ᠳᠤᠪᠳᠤᠯᠬᠤ ᠠᠭᠤᠯᠠ ᠪᠣᠯᠭᠠᠨᠠ
ᠮᠤᠷᠢ ᠪᠦᠳᠦᠷᠢᠭᠦ ᠦᠭᠡᠶ ᠡᠷᠡ ᠮᠤᠬᠤᠬᠤ ᠦᠭᠡᠶ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠴᠢᠭᠢᠨ ᠳᠤ ᠰᠢᠷᠭᠠ ᠶᠢᠨ ᠳᠠᠯ ᠨᠠᠮᠢᠷᠠᠵᠤ
ᠴᠡᠭᠡᠵᠢᠨ ᠳᠤ ᠪᠢᠯᠢᠭ᠌ ᠤᠨ ᠣᠳᠤ ᠱᠤᠤᠭᠢᠵᠤ
ᠨᠠᠷᠠᠨ ᠤ ᠳᠠᠭᠤᠭᠠ ᠣᠨ ᠰᠠᠷᠠ ᠶᠢ
ᠨᠠᠮᠤᠷ ᠤᠨ ᠳᠠᠷᠭᠤ ᠪᠠᠷ ᠬᠤᠷᠢᠶᠠᠵᠤ ᠢᠷᠡᠭᠦ
ᠮᠤᠷᠢ ᠪᠦᠳᠦᠷᠢᠭᠦ ᠦᠭᠡᠶ ᠡᠷᠡ ᠮᠤᠬᠤᠬᠤ ᠦᠭᠡᠶ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠭᠦᠭᠯᠡᠭᠡᠨ ᠳᠤᠤᠷᠠ ᠪᠠᠨ ᠳᠤᠱᠠ ᠳᠠᠰᠤᠳᠠᠨ
ᠭᠦᠡᠳᠦᠷᠭᠡᠨ ᠳᠡᠭᠡᠷᠡ ᠪᠠᠨ ᠬᠠᠰᠢᠶᠠ ᠬᠠᠪᠢᠯᠤᠨ
ᠶᠢᠰᠤᠨ ᠭᠦᠭᠦᠯᠳᠤ ᠳᠤᠭ ᠡᠷᠭᠦᠭ᠍ᠰᠡᠨ
ᠶᠡᠭᠡ ᠮᠤᠩᠭ᠋ᠤᠯ ᠤᠨ ᠶᠢᠡᠨ ᠵᠠᠮ ᠢ ᠡᠯᠭᠦᠵᠤ
ᠮᠤᠷᠢ ᠪᠦᠳᠦᠷᠢᠭᠦ ᠦᠭᠡᠶ ᠡᠷᠡ ᠮᠤᠬᠤᠬᠤ ᠦᠭᠡᠶ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠳᠢᠭ ᠭᠡᠭᠦ ᠶᠢᠨ ᠬᠤᠷᠤᠮ ᠳᠤ ᠴᠣᠢ᠌ᠯᠠᠵᠤ
ᠳᠢᠪ ᠭᠦᠡᠳᠡᠯᠢᠰᠦᠮᠡ ᠤᠷᠤᠭᠠ ᠰᠣᠢ᠌ᠯᠵᠤ
ᠳᠡᠭ᠍ᠰᠢ ᠡᠴᠡ ᠭᠦᠳᠡᠯᠭᠦ ᠶᠢᠨ ᠥᠵᠦᠭᠦᠷ ᠵᠢᠷᠤᠭᠠ ᠪᠠᠷ
ᠳᠡᠭ᠌ ᠡᠴᠡ ᠡᠭᠢᠯᠡᠭ᠍ᠰᠡᠨ ᠬᠠᠷᠠᠭᠠ ᠨᠠᠷᠢᠰᠬᠠᠨ
ᠮᠤᠷᠢ ᠪᠦᠳᠦᠷᠢᠭᠦ ᠦᠭᠡᠶ ᠡᠷᠡ ᠮᠤᠬᠤᠬᠤ ᠦᠭᠡᠶ
ᠮᠤᠩᠭ᠋ᠤᠯ ᠳᠤᠭᠤᠰᠤ ᠳᠠᠭᠢᠨ ᠪᠣᠰᠤᠨᠠ
ᠵᠤᠬᠢᠶᠠᠭᠴᠢ᠄ ᠭᠠᠳᠠᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2759
ᠴᠠᠭ᠄ 2009 ᠤᠨ ᠤ 02 ᠰᠠᠷᠠ ᠶᠢᠨ 04
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ