ᠮᠤᠩᠭ᠋ᠤᠯᠴᠤᠳ ᠤᠨ ᠴᠠᠭᠠᠨ ᠢᠳᠡᠭᠡᠨ
ᠮᠤᠩᠭ᠋ᠤᠯᠴᠤᠳ ᠰᠥ᠋ ᠴᠠᠭᠠ ᠶᠢ 《ᠴᠠᠭᠠᠨ ᠢᠳᠡᠭᠡ》 ᠭᠡᠳᠡᠭ᠌᠂ ᠳᠠᠷᠠ ᠨᠢ ᠠᠷᠢᠭᠤᠨ ᠴᠠᠪᠠᠷ᠂ ᠦᠯᠵᠡᠢ ᠮᠦᠷ ᠲᠡᠶ ᠢᠳᠡᠭᠡᠨ ᠤ ᠳᠡᠭᠡᠵᠢ ᠭᠡᠰᠡᠨ ᠣᠤᠠᠬᠠ ᠲᠡᠶ ᠶᠤᠮ᠃ ᠴᠠᠭᠠᠨ ᠢᠳᠡᠭᠡ ᠶᠢ ᠢᠳᠡᠭᠡᠨ ᠤ ᠵᠣᠢ᠌ᠯ ᠪᠠ ᠣᠮᠳᠠᠭᠠᠨ ᠤ ᠵᠣᠢ᠌ᠯ ᠭᠡᠵᠤ ᠬᠤᠪᠢᠶᠠᠳᠠᠭ᠃
ᠢᠳᠡᠭᠡᠨ ᠤ ᠵᠣᠢ᠌ᠯ ᠢ ᠭᠤᠤᠯᠳᠠᠭᠤ ᠴᠠᠭᠠᠨ ᠳᠤᠰᠤ᠂ ᠰᠢᠷᠠ ᠳᠤᠰᠤ᠂ ᠦᠷᠦᠮᠡ᠂ ᠬᠤᠷᠤᠳ᠂ ᠠᠭᠠᠷᠤᠤᠯ᠂ ᠬᠠᠭᠠᠷᠢᠭᠰᠠᠨ ᠪᠣᠤᠪᠣ ᠭᠡᠵᠤ ᠵᠢᠷᠭᠤᠭᠠᠨ ᠵᠣᠢ᠌ᠯ ᠬᠤᠪᠢᠶᠠᠳᠠᠭ᠃ ᠰᠢᠷᠠ ᠳᠤᠰᠤ᠂ ᠴᠠᠭᠠᠨ ᠳᠤᠰᠤ (ᠦᠷᠦᠮᠡ)᠂ ᠦᠷᠦᠮᠡ (ᠭᠦᠭᠡᠷᠦᠭᠦᠯᠦᠭ᠍ᠰᠡᠨ ᠦᠷᠦᠮᠡ) ᠪᠣᠯ ᠰᠦᠨ ᠤ ᠳᠤᠳᠤᠷᠠᠭᠢ ᠣᠭᠢ ᠰᠢᠮᠠ ᠮᠦᠨ᠂ ᠠᠩᠭᠢᠯᠤᠮᠠ ᠰᠠᠢ᠌ᠬᠠᠨ ᠦᠨᠦᠷ ᠲᠡᠶ᠂ ᠡᠯᠪᠠᠭ᠌ ᠪᠠᠶᠠᠯᠢᠭ ᠰᠢᠮᠠ ᠳᠡᠵᠢᠭᠡᠯ ᠲᠡᠶ᠂ ᠡᠷᠭᠢᠮ ᠨᠠᠠᠳᠢᠨ ᠠᠮᠳᠠᠳᠤ ᠢᠳᠡᠭᠡᠨ ᠶᠤᠮ᠂ ᠮᠠᠯᠴᠢᠳ ᠥᠷᠭᠦᠯᠵᠢ ᠰᠦ᠋ ᠲᠡᠶ ᠴᠠᠢ᠂ ᠬᠠᠭᠠᠷᠢᠭᠰᠠᠨ ᠪᠣᠤᠪᠣ᠂ ᠬᠠᠭᠤᠷᠤᠭᠰᠠᠨ ᠠᠮᠤ ᠲᠡᠶ ᠦᠷᠦᠵᠤ ᠳᠠᠯᠪᠢᠭᠠᠤᠨ᠂ ᠭᠦᠡᠳᠦᠳᠤ ᠵᠤᠴᠢᠳ ᠶᠢᠡᠨ ᠵᠤᠴᠢᠯᠠᠳᠠᠭ᠃ ᠬᠤᠷᠤᠳ ᠪᠣᠯᠤᠨ ᠠᠭᠠᠷᠤᠤᠯ ᠪᠣᠯ ᠴᠠᠭᠠᠨ ᠢᠳᠡᠭᠡᠨ ᠤ ᠳᠤᠳᠤᠷᠠᠭᠢ ᠬᠠᠮᠤᠭ ᠤᠨ ᠠᠷᠪᠢᠨ ᠮᠥᠷᠳᠡᠭᠡᠨ ᠬᠠᠮᠤᠭ ᠤᠨ ᠡᠩ ᠤᠨ ᠢᠳᠡᠭᠡᠨ ᠪᠣᠯᠤᠨᠠ᠃
ᠴᠠᠭᠠᠨ ᠳᠤᠰᠤ᠄ ᠰᠢᠨᠠ ᠰᠠᠭᠠᠭᠰᠠᠨ ᠰᠦ᠋ ᠪᠠᠨ ᠭᠦᠨᠦᠭ᠌ ᠲᠤ ᠭᠢᠵᠤ᠂ ᠪᠦᠯᠢᠵᠤ ᠢᠰᠭᠡᠭ᠍ᠰᠡᠨ ᠤ ᠳᠠᠷᠠᠭᠠ᠂ ᠳᠡᠭᠡᠭᠦᠷ ᠨᠢ ᠴᠠᠭᠠᠨ ᠥᠩᠭᠡ ᠲᠡᠶ ᠳᠤᠰᠤ ᠭᠦᠪᠪᠦᠵᠤ ᠭᠠᠷᠳᠠᠭ᠂ ᠡᠨᠡ ᠨᠢ ᠳᠠᠷᠤᠢ ᠴᠠᠭᠠᠨ ᠳᠤᠰᠤ ᠪᠣᠯᠤᠨᠠ (ᠵᠠᠷᠢᠮ ᠭᠠᠵᠠᠷ ᠦᠷᠦᠮᠡ ᠭᠡᠵᠤ ᠪᠠᠰᠠ ᠭᠡᠯᠡᠳᠡᠭ᠌)᠃
ᠰᠢᠷᠠ ᠳᠤᠰᠤ᠄ ᠴᠠᠭᠠᠨ ᠳᠤᠰᠤ (ᠦᠷᠦᠮᠡ) ᠶᠢ ᠪᠦᠳᠦᠭᠦᠯᠢᠭ᠌ ᠪᠦᠰ ᠣᠭᠤᠳᠠᠨ ᠳᠤ ᠰᠠᠪᠠᠯᠠᠵᠤ ᠡᠷᠴᠢᠭᠡᠭ᠍ᠰᠡᠨ ᠤ ᠳᠠᠷᠠᠭᠠ᠂ ᠳᠤᠭᠤᠭᠠᠨ ᠳᠤ ᠭᠢᠵᠤ ᠵᠥᠭᠡᠯᠡᠨ ᠭᠠᠯ ᠶᠢᠡᠷ ᠪᠣᠴᠠᠯᠭᠠᠭᠠᠤᠨ᠂ ᠰᠢᠨᠠᠭᠠ ᠪᠠᠷ ᠣᠯᠠᠠᠳᠠ ᠬᠤᠤᠠᠬᠤᠪᠠᠯ ᠰᠢᠷᠠᠪᠳᠤᠷ ᠥᠩᠭᠡ ᠲᠡᠶ ᠳᠤᠰᠤ ᠭᠠᠷᠳᠠᠭ ᠳᠤᠯᠠ ᠳᠡᠭᠦᠨ ᠢ ᠰᠢᠷᠠ ᠳᠤᠰᠤ ᠭᠡᠨᠡ ᠂ ᠰᠢᠷᠠ ᠳᠤᠰᠤ ᠰᠢᠬᠠᠭᠠᠤᠨ ᠥᠯᠡᠳᠡᠭ᠍ᠰᠡᠨ ᠭᠡᠰᠡᠭ᠌ ᠢ ᠨᠢ ᠵᠥᠭᠡᠭᠡᠢ ᠭᠡᠵᠤ ᠭᠡᠯᠡᠨᠡ᠃
ᠦᠷᠦᠮᠡ᠄ (ᠪᠠᠰᠠ ᠭᠦᠭᠡᠷᠦᠭᠦᠯᠦᠭ᠍ᠰᠡᠨ ᠦᠷᠦᠮᠡ᠂ ᠬᠠᠭᠰᠠᠭᠠᠭᠰᠠᠨ ᠦᠷᠦᠮᠡ ᠭᠡᠳᠡᠭ᠌) ᠵᠤᠨ ᠨᠠᠮᠤᠷ ᠤᠨ ᠣᠯᠠᠷᠢᠯ ᠳᠤ᠂ ᠰᠢᠨᠠ ᠰᠠᠭᠠᠭᠰᠠᠨ ᠰᠦ᠋ ᠪᠠᠨ ᠳᠤᠭᠤᠭᠠᠨ ᠳᠤ ᠭᠢᠵᠤ ᠨᠤᠷᠮᠠᠰᠢᠭᠰᠠᠨ ᠭᠠᠯ ᠳᠡᠭᠡᠷᠡ ᠠᠭᠠᠵᠢᠮᠬᠠᠨ ᠪᠣᠴᠠᠯᠭᠠᠬᠤ ᠶᠢᠨ ᠵᠡᠷᠭᠡᠪᠠᠷ᠂ ᠰᠢᠨᠠᠭᠠ ᠪᠠᠷ ᠰᠠᠮᠠᠷᠠᠪᠠᠯ ᠭᠦᠭᠡᠰᠤ ᠭᠠᠷᠳᠠᠭ᠂ ᠰᠦ᠋ ᠶᠢᠨ ᠭᠦᠭᠡᠰᠤ ᠨᠢ ᠨᠤᠷᠮᠠᠨ ᠭᠠᠯ ᠤᠨ ᠭᠦᠴᠤ ᠪᠠᠭᠤᠷᠠᠬᠤ ᠶᠢᠨ ᠳᠠᠭᠠᠤ ᠳᠠᠷᠤᠭᠳᠠᠨ ᠰᠠᠭᠤᠭᠠᠤᠨ ᠥᠷᠦᠮᠡᠰᠢᠳᠡᠭ᠌᠂ ᠢᠩᠭᠢᠭᠡᠤᠨ ᠪᠠᠬᠠᠨ ᠣᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠦᠷᠦᠮᠡ ᠪᠠᠨ ᠰᠠᠪᠬᠠ ᠪᠠᠷ ᠡᠯᠭᠦᠵᠤ ᠠᠪᠣᠭᠠᠤᠨ᠂ ᠰᠠᠯᠭᠢ ᠨᠡᠪᠳᠡᠷᠡᠳᠡᠭ᠌ ᠰᠡᠭᠦᠳᠡᠷ ᠭᠠᠵᠠᠷ ᠳᠠᠯᠪᠢᠵᠤ ᠬᠠᠳᠠᠭᠠᠪᠠᠯ ᠳᠠᠷᠤᠢ ᠦᠷᠦᠮᠡ ᠪᠣᠯᠳᠠᠭ᠃
ᠬᠤᠷᠤᠳ᠄ ᠡᠭᠡᠳᠡᠭ᠍ᠰᠡᠨ ᠰᠦ᠋ ᠪᠠᠨ ᠳᠤᠭᠤᠭᠠᠨ ᠳᠤ ᠭᠢᠵᠤ᠂ ᠵᠥᠭᠡᠯᠡᠨ ᠭᠠᠯ ᠶᠢᠡᠷ ᠪᠣᠴᠠᠯᠭᠠᠵᠤ᠂ ᠰᠢᠷᠠᠰᠤ ᠶᠢ ᠨᠢ ᠰᠢᠬᠠᠵᠤ ᠠᠪᠣᠭᠠᠤᠨ ᠰᠢᠨᠠᠭᠠ ᠶᠢᠨ ᠳᠤᠬᠤ ᠪᠠᠷ ᠨᠤᠬᠤᠵᠤ᠂ ᠬᠤᠷᠤᠳ ᠤᠨ ᠭᠡᠪ (ᠶᠠᠩᠵᠤ ᠪᠦᠷᠢ ᠶᠢᠨ ᠭᠡᠯᠪᠠᠷᠢ ᠲᠡᠶ ᠭᠡᠪ ᠪᠠᠢ᠌ᠳᠠᠭ᠂ ᠵᠠᠷᠢᠮ ᠭᠠᠵᠠᠷ ᠫᠠᠨᠠ ᠭᠡᠵᠤ ᠨᠡᠷᠡᠯᠡᠳᠡᠭ᠌) ᠲᠤ ᠳᠠᠷᠤᠭᠠᠤᠨ᠂ ᠨᠠᠷᠠᠨ ᠳᠤ ᠡᠭᠡᠭᠡᠵᠤ ᠬᠠᠳᠠᠭᠠᠪᠠᠯ ᠳᠠᠷᠤᠢ ᠬᠤᠷᠤᠳ ᠪᠣᠯᠳᠠᠭ᠃ ᠵᠠᠷᠢᠮ ᠬᠤᠷᠤᠳ ᠨᠢ ᠭᠦᠴᠦᠯᠢᠭ᠌ ᠠᠮᠳᠠ ᠲᠡᠶ ᠪᠠᠢ᠌ᠵᠤ᠂ ᠵᠠᠷᠢᠮ ᠬᠤᠷᠤᠳ ᠨᠢ ᠠᠮᠳᠠᠯᠢᠭ ᠪᠠᠢ᠌ᠳᠠᠭ᠂ ᠳᠠᠷᠠ ᠪᠣᠯ ᠮᠠᠯᠴᠢᠳ ᠤᠨ ᠡᠪᠦᠯ ᠬᠠᠪᠣᠷ ᠤᠨ ᠰᠠᠢ᠌ᠨ ᠢᠳᠡᠭᠡᠨ ᠪᠣᠯᠤᠨᠠ᠃
ᠠᠭᠠᠷᠤᠤᠯ᠄ ᠡᠭᠡᠳᠡᠭ᠍ᠰᠡᠨ ᠰᠦ᠋ ᠪᠠᠨ ᠳᠤᠭᠤᠭᠠᠨ ᠳᠤ ᠭᠢᠵᠤ ᠬᠠᠯᠠᠭᠤᠯᠤᠭᠠᠤᠨ ᠳᠤᠨᠤᠭᠰᠠᠨ ᠭᠡᠰᠡᠭ᠌ ᠢ ᠨᠢ ᠱᠥᠭᠦᠨ ᠠᠪᠴᠤ ᠪᠦᠰ ᠣᠭᠤᠳᠠᠨ ᠳᠤ ᠭᠢᠵᠤ ᠳᠠᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠪᠠᠵᠠᠭᠳᠠᠵᠤ ᠠᠤᠠᠬᠤᠭᠠᠤᠨ ᠵᠣᠢ᠌ᠯ ᠪᠦᠷᠢ ᠶᠢᠨ ᠭᠡᠯᠪᠠᠷᠢ ᠲᠡᠶ ᠪᠣᠯᠭᠠᠨ ᠡᠭᠡᠭᠡᠵᠤ ᠬᠠᠳᠠᠭᠠᠪᠠᠯ ᠠᠭᠠᠷᠤᠤᠯ ᠪᠣᠯᠳᠠᠭ᠃
ᠬᠠᠭᠠᠷᠢᠭᠰᠠᠨ ᠪᠣᠤᠪᠣ᠄ ᠴᠠᠭᠠᠨ ᠭᠤᠯᠢᠷ ᠲᠤ ᠰᠢᠭᠢᠷ ᠭᠢᠵᠤ ᠰᠦ᠋ ᠪᠠᠷ ᠵᠢᠭᠤᠷᠠᠨ᠂ ᠳᠦᠭᠦᠷᠢᠭ᠌ ᠪᠣᠶᠤ ᠳᠦᠷᠪᠡᠯᠵᠢᠨ ᠭᠡᠯᠪᠠᠷᠢ ᠲᠡᠶ ᠪᠣᠯᠭᠠᠵᠤ᠂ ᠳᠤᠰᠤᠨ ᠳᠤ ᠴᠢᠨᠠᠵᠤ ᠪᠣᠯᠭᠠᠳᠠᠭ᠃
ᠣᠮᠳᠠᠭᠠᠨ ᠤ ᠵᠣᠢ᠌ᠯ ᠢ ᠭᠤᠤᠯᠳᠠᠭᠤ ᠰᠦ᠋ ᠲᠡᠶ ᠴᠠᠢ᠂ ᠳᠠᠷᠠᠭ᠂ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠭᠡᠵᠤ ᠭᠤᠷᠪᠠᠨ ᠵᠣᠢ᠌ᠯ ᠳᠤ ᠬᠤᠪᠢᠶᠠᠳᠠᠭ᠃
ᠰᠦ᠋ ᠲᠡᠶ ᠴᠠᠢ᠄ ᠪᠠᠰᠠ ᠮᠤᠩᠭ᠋ᠤᠯ ᠴᠠᠢ ᠭᠡᠨᠡ᠃ ᠡᠨᠡ ᠨᠢ ᠮᠤᠩᠭ᠋ᠤᠯᠴᠤᠳ ᠤᠨ ᠡᠳᠦᠷ ᠤᠨ ᠭᠤᠷᠪᠠᠨ ᠡᠷᠡᠨ ᠤ ᠬᠤᠭᠤᠯᠠᠨ ᠳᠤ ᠳᠤᠳᠠᠵᠤ ᠪᠣᠯᠤᠰᠢ ᠦᠭᠡᠶ ᠬᠠᠮᠤᠭ ᠤᠨ ᠳᠤᠷᠠᠳᠠᠢ ᠣᠮᠳᠠᠭᠠᠨ ᠪᠣᠯᠤᠨᠠ᠃ ᠰᠦ᠋ ᠲᠡᠶ ᠴᠠᠢ ᠭᠢᠭᠦ ᠠᠷᠭᠠ ᠶᠢ ᠶᠡᠷᠦᠩᠭᠡᠢ ᠳ᠋ᠤᠨᠢ ᠠᠪᠴᠤ ᠭᠡᠯᠡᠪᠠᠯ᠂ ᠣᠷᠢᠳᠠᠪᠠᠷ ᠭᠡᠪ ᠤᠨ ᠴᠠᠢ ᠪᠠᠨ ᠨᠦᠳᠦᠵᠦ᠂ ᠨᠠᠷᠢᠯᠢᠭ ᠰᠢᠷᠭᠡᠭ᠌ ᠲᠡᠶ ᠪᠦᠰ ᠣᠭᠤᠳᠠᠨ ᠳᠤ ᠰᠠᠪᠠᠯᠠᠵᠤ᠂ ᠪᠣᠴᠠᠯᠤᠭᠰᠠᠨ ᠣᠰᠤ ᠲᠡᠶ ᠳᠤᠭᠤᠭᠠᠨ ᠳᠤ ᠭᠢᠵᠤ ᠪᠠᠬᠠᠨ ᠴᠢᠨᠠᠭᠠᠤᠨ ᠢᠳᠡᠭᠡᠭ᠍ᠰᠢᠭ᠍ᠰᠡᠨ ᠤ ᠳᠠᠷᠠᠭᠠ᠂ ᠳᠦᠭᠦᠭᠡᠢ ᠰᠦ᠋ ᠪᠠᠷ ᠶᠢᠡᠨ ᠰᠥᠯᠡᠭᠡᠤᠨ ᠣᠯᠠᠠᠳᠠ ᠰᠠᠮᠠᠷᠠᠵᠤ ᠨᠡᠢ᠌ᠯᠡᠭᠦᠯᠪᠠᠯ᠂ ᠰᠦ᠋ ᠲᠡᠶ ᠴᠠᠢ ᠪᠣᠯᠴᠢᠬᠠᠳᠠᠭ᠃ ᠣᠤᠭᠤᠬᠤ ᠦᠶᠡ ᠳᠡᠭᠡᠨ ᠣᠯᠠᠩᠭᠢ ᠳᠠᠭᠠᠨ ᠵᠢᠭᠠᠬᠠᠨ ᠳᠠᠪᠣᠰᠤ ᠪᠣᠯᠤᠨ ᠬᠤᠭᠤᠷᠤᠭᠰᠠᠨ ᠠᠮᠤ ᠭᠢᠳᠡᠭ᠌᠃ ᠵᠠᠷᠢᠮ ᠨᠢ ᠪᠠᠰᠠ ᠴᠢᠨᠠᠬᠤ ᠳᠠᠭᠠᠨ ᠳᠠᠪᠣᠰᠤ ᠪᠠ ᠬᠠᠭᠤᠷᠤᠭᠰᠠᠨ ᠠᠮᠤ ᠪᠠᠨ ᠭᠢᠳᠡᠭ᠌᠃
ᠳᠠᠷᠠᠭ (ᠴᠡᠭᠡ) ᠄ ᠭᠡᠭᠦᠤ ᠶᠢᠨ ᠢᠰᠭᠡᠭ᠍ᠰᠡᠨ ᠰᠦ᠋ ᠶᠢᠨ ᠴᠡᠭᠡ᠂ ᠦᠨᠢᠶᠡ᠂ ᠬᠤᠨᠢᠨ ᠤ ᠢᠰᠭᠡᠭ᠍ᠰᠡᠨ ᠰᠦ᠋ ᠶᠢᠨ ᠳᠠᠷᠠᠭ ᠪᠣᠯ ᠬᠠᠯᠠᠭᠤᠨ ᠢ ᠳᠠᠢ᠌ᠯᠵᠤ᠂ ᠣᠮᠳᠠ ᠶᠢ ᠳᠠᠷᠤᠳᠠᠭ ᠪᠦᠭᠡᠤᠨ ᠰᠢᠮᠠ ᠳᠡᠵᠢᠭᠡᠯ ᠲᠡᠶ ᠪᠠᠢ᠌ᠳᠠᠭ᠃
ᠰᠠᠭᠠᠯᠢ ᠶᠢᠨ ᠠᠷᠢᠭᠢ᠄ (ᠪᠠᠰᠠ ᠮᠤᠩᠭ᠋ᠤᠯ ᠠᠷᠢᠭᠢ ᠭᠡᠳᠡᠭ᠌) ᠭᠦᠨᠦᠭ᠌ ᠲᠡᠶ ᠠᠢ᠌ᠷᠠᠭ ᠶᠢᠡᠨ ᠳᠤᠭᠤᠭᠠᠨ ᠳᠤ ᠭᠢᠵᠤ ᠵᠥᠭᠡᠯᠡᠨ ᠭᠠᠯ ᠶᠢᠡᠷ ᠪᠣᠴᠠᠯᠭᠠᠭᠠᠤᠨ᠂ ᠠᠷᠢᠭᠤᠨ ᠳᠤᠩᠭ᠋ᠠᠯᠠᠭ ᠠᠩᠭᠢᠯᠤᠮᠠ ᠰᠠᠢ᠌ᠬᠠᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠨᠡᠷᠡᠳᠡᠭ᠌᠃ ᠳᠡᠭᠦᠨ ᠤ ᠰᠫᠢᠷᠲ᠋ ᠤᠨ ᠭᠡᠮᠵᠢᠶᠡ ᠨᠢ ᠳᠠᠢ᠌ᠮᠤ ᠦᠨᠳᠦᠷ ᠪᠢᠰᠢ ᠪᠣᠯᠬᠤᠷ ᠮᠠᠯᠴᠢᠳ ᠥᠷᠭᠦᠯᠵᠢ ᠳᠡᠭᠦᠨ ᠶᠢᠡᠷ ᠭᠦᠡᠳᠦᠳᠤ ᠵᠤᠴᠢᠨ ᠶᠢᠡᠨ ᠵᠤᠴᠢᠯᠠᠳᠠᠭ ᠪᠠᠢ᠌ᠨᠠ᠃ ᠭᠡᠭᠦᠤ ᠶᠢᠨ ᠠᠷᠢᠭᠢ ᠪᠣᠯ ᠭᠦᠢᠳᠡᠨ ᠢ ᠭᠦᠭᠡᠭᠡᠭᠦ᠂ ᠴᠢᠰᠤ ᠶᠢ ᠰᠢᠩᠭᠡᠷᠡᠭᠦᠯᠭᠦ᠂ ᠰᠢᠷᠪᠣᠰᠤ ᠶᠢ ᠳᠠᠯᠪᠢᠷᠠᠭᠤᠯᠬᠤ ᠂ ᠳᠤᠳᠤᠷ ᠪᠦᠭᠡᠷᠡ ᠶᠢ ᠳᠡᠵᠢᠭᠡᠭᠦ᠂ ᠢᠳᠠᠰᠢ ᠶᠢ ᠰᠢᠩᠭᠡᠭᠡᠭᠦ᠂ ᠬᠤᠳᠤᠭᠠᠳᠤ ᠶᠢ ᠰᠠᠢ᠌ᠵᠢᠷᠠᠭᠤᠯᠬᠤ ᠵᠡᠷᠭᠡ ᠣᠢ᠌ᠯᠠᠳᠤᠯ ᠲᠡᠶ ᠶᠤᠮ᠃
ᠢᠷᠡᠯᠲᠡ᠄ ᠪᠢᠴᠢᠭ᠍ᠰᠡᠨ ᠥᠭᠡᠢ
ᠬᠠᠷᠢᠶᠠ᠄
ᠵᠠᠩ ᠤᠢ᠌ᠯᠠᠳᠠᠷᠤᠮ᠄ 11328
ᠴᠠᠭ᠄ 2006 ᠤᠨ ᠤ 11 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ