☆ ᠨᠠᠰᠤᠨ
ᠮᠢᠨᠤ ᠨᠤᠳᠤᠭ
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠵᠤᠮ ᠤᠨ ᠴᠡᠩᠭᠡᠷ ᠭᠦᠳᠡᠭᠡ
ᠦᠵᠦᠮ ᠵᠢᠮᠢᠰ ᠲᠡᠶ ᠠᠭᠤᠯᠠ ᠬᠠᠩᠭ᠋ᠠᠢ
ᠣᠨᠢᠶᠠᠷᠳᠤᠨ ᠴᠡᠩᠭᠡᠷᠯᠡᠭᠦ ᠰᠢᠯᠢ ᠨᠢᠷᠤᠭᠤ
ᠦᠶᠡᠯᠠᠨ ᠳᠤᠯᠭᠢᠶᠠᠯᠠᠬᠤ ᠳᠤᠯᠢᠨ ᠪᠦᠷᠢᠳᠤ
ᠣᠭᠠᠯᠵᠠᠯᠠᠨ ᠣᠷᠤᠰᠬᠤ ᠳᠤᠩᠭ᠋ᠠᠯᠠᠭ ᠭᠤᠤᠯ
ᠪᠣᠷᠤᠯᠵᠢ ᠰᠠᠢ᠌ᠳᠠᠢ ᠪᠣᠷᠤ ᠮᠠᠩᠬᠠ
ᠪᠣᠷᠭᠠᠰᠤ ᠨᠠᠮᠢᠷᠠᠭᠰᠠᠨ ᠠᠯᠠᠭᠠ ᠴᠥᠩᠭᠦᠷᠦᠭ᠌
ᠳᠠᠷᠠᠰᠤᠳᠤ ᠬᠤᠭᠤᠯᠠᠢ ᠭᠤᠪᠢ ᠶᠢᠨ ᠪᠠᠯᠴᠢᠭᠡᠷ
ᠳᠡᠭᠡᠳᠦᠰ ᠡᠴᠠ ᠥᠪᠯᠡᠭ᠍ᠰᠡᠨ ᠮᠢᠨᠤ ᠨᠤᠳᠤᠭ
ᠣᠢ ᠳᠠᠢ᠌ᠭᠠ ᠶᠢᠨ ᠪᠣᠭᠤ ᠶᠢᠨ ᠣᠷᠤᠮᠳᠠᠭᠠ
ᠠᠭᠤᠯᠠᠨ ᠭᠦᠨ ᠤ ᠪᠠᠷᠰ ᠤᠨ ᠭᠦᠷᠭᠢᠷᠡᠭᠡ
ᠣᠳᠤ ᠲᠡᠶ ᠰᠦᠨᠢ ᠶᠢᠨ ᠴᠢᠨ᠋ᠸᠠ ᠶᠢᠨ ᠣᠯᠢᠭᠠ
ᠣᠩᠭ᠋ᠤᠨ ᠨᠤᠳᠤᠭ ᠤᠨ ᠰᠦᠯᠳᠡ ᠶᠢᠨ ᠰᠠᠭᠢᠶᠠ
ᠪᠣᠳᠠᠨ ᠤ ᠡᠩᠭᠡᠷ ᠤᠨ ᠳᠠᠤᠯᠠᠢ ᠶᠢᠨ ᠪᠣᠯᠳᠠᠭᠠ
ᠪᠣᠷᠤᠯᠵᠢᠨ ᠤ ᠨᠠᠮᠠᠭᠠᠨ ᠤ ᠭᠤᠯᠢᠶᠠ ᠶᠢᠨ ᠵᠢᠷᠭᠢᠭᠡ
ᠭᠤᠪᠢ ᠭᠦᠡᠳᠡᠢ ᠶᠢᠨ ᠵᠡᠭᠡᠷᠡ ᠶᠢᠨ ᠳᠠᠭᠰᠢᠭᠠ
ᠭᠣᠢ᠌ᠳᠠ ᠨᠤᠳᠤᠭ ᠤᠨ ᠮᠢᠨᠢ ᠦᠨᠢᠳᠠ ᠶᠢᠨ ᠴᠢᠮᠡᠭ᠌
ᠵᠠᠯᠠᠯᠠᠵᠤ ᠢᠷᠡᠭᠦ ᠬᠤᠨ ᠤ ᠰᠦᠷᠦᠭ᠌
ᠵᠡᠭᠡᠰᠤᠨ ᠳᠤ ᠡᠭᠦᠷᠯᠡᠭᠦ ᠠᠯᠠᠭ ᠨᠤᠭᠤᠰᠤ
ᠵᠢᠷᠭᠢᠨ ᠱᠤᠯᠤᠭᠤᠨᠠᠬᠤ ᠭᠡᠭᠡᠷᠡ ᠶᠢᠨ ᠪᠣᠯᠵᠤᠮᠤᠷ
ᠵᠠᠶᠠᠭᠠ ᠲᠡᠶ ᠨᠤᠳᠤᠭ ᠤᠨ ᠡᠩᠭᠡ ᠶᠢᠨ ᠳᠡᠮᠳᠡᠭ᠌
ᠦᠵᠤᠮ ᠤᠨ ᠥᠩᠭᠡ ᠪᠠᠷ ᠳᠠᠯᠠ ᠴᠡᠩᠭᠡᠷᠯᠡᠵᠤ
ᠡᠭᠦᠯᠡᠨ ᠳᠤᠯᠤᠭᠠᠢ ᠠᠭᠤᠯᠠ ᠰᠢᠭᠦᠷᠤᠨᠡ
ᠣᠭᠠᠯᠵᠠᠨ ᠭᠤᠷᠤᠬᠠ ᠶᠢᠨ ᠮᠦᠩᠭᠦᠨ ᠣᠷᠤᠰᠬᠠᠯ
ᠤᠶᠠᠩᠭᠠ ᠠᠶᠠᠯᠤᠭᠠᠤᠨ ᠳᠡᠷᠳᠡᠭᠡ ᠶᠢ ᠴᠢᠭᠯᠡᠨᠡ
ᠠᠭᠤᠯᠠᠨ ᠳᠤᠯᠤᠭᠠᠢ ᠳᠤ ᠠᠳᠤᠭᠤ ᠵᠤᠭᠰᠤᠨ
ᠣᠰᠤᠨ ᠤ ᠭᠦᠪᠠᠭᠡ ᠪᠠᠷ ᠥᠭᠡᠷ ᠭᠡᠪᠳᠡᠨᠡ
ᠬᠤᠳᠠᠨ ᠤ ᠵᠠᠬᠠ ᠳᠤ ᠬᠤᠨᠢᠳ ᠪᠦᠭᠡᠮᠨᠡᠷᠡᠵᠤ
ᠬᠤᠯᠠ ᠶᠢᠨ ᠭᠤᠪᠢ ᠳᠤ ᠳᠡᠮᠡᠭᠡ ᠰᠠᠯᠭᠢᠳᠠᠨᠠ
ᠲ᠋ᠠᠭᠠᠨᠠ ᠠᠩᠭᠢᠯᠤᠭᠰᠠᠨ ᠳᠠᠯᠠ ᠶᠢᠨ ᠪᠠᠯᠴᠢᠭᠡᠷ
ᠳᠠᠩᠰᠤᠭ ᠠᠮᠢᠳᠤᠷᠠᠯ ᠤᠨ ᠪᠣᠶᠠᠨ ᠤ ᠣᠠᠳᠤᠷᠤᠯ
ᠳᠠᠷᠭᠤ ᠳᠦᠭᠦᠷᠡᠩ ᠪᠠᠶᠠᠨ ᠰᠦᠷᠦᠭ᠌
ᠳᠠᠯᠠ ᠶᠢᠨ ᠪᠠᠯᠴᠢᠭᠡᠷ ᠲᠤ ᠳᠠᠨᠠᠨ ᠰᠢᠭᠢᠳᠭᠡᠷᠢ
ᠦᠷᠭᠦᠭᠡ ᠶᠢᠨ ᠳᠤᠭᠤᠨᠤ ᠪᠠᠷ ᠣᠳᠤᠭᠠ ᠰᠤᠭᠤᠨᠠᠭᠯᠠᠵᠤ
ᠡᠭᠡᠭᠦᠨ ᠴᠠᠢ ᠶᠢᠨ ᠦᠨᠦᠷ ᠬᠠᠩᠬᠤᠯᠤᠨᠠ
ᠳᠤᠯᠭᠠ ᠶᠢᠨ ᠭᠠᠯ ᠠᠯᠭᠤᠷ ᠰᠥᠨᠦᠭᠦ ᠳᠤ
ᠳᠤᠭᠤᠭᠠ ᠲᠡᠶ ᠰᠦᠨ ᠳᠤ ᠦᠷᠤᠮᠠ ᠭᠦᠰᠢᠨᠡ
ᠠᠢ᠌ᠷᠠᠭ ᠤᠨ ᠭᠠᠩ ᠠᠮᠠᠰᠠᠷ ᠮᠠᠯᠮᠠᠷᠠᠵᠤ
ᠠᠭᠠᠷᠤ ᠶᠢᠨ ᠳᠤᠳᠤᠷᠠ ᠰᠥ᠋ ᠴᠠᠯᠭᠢᠨᠠ
ᠢᠷᠭᠡ ᠶᠢᠨ ᠰᠢᠭᠦᠰᠤ ᠳᠠᠪᠰᠢ ᠳᠦᠭᠦᠷᠴᠤ
ᠢᠨᠢᠶᠠᠳᠤ ᠭᠦᠷ ᠶᠢᠡᠷ ᠭᠡᠷ ᠪᠢᠯᠬᠠᠨᠠ
ᠨᠠᠪᠴᠢᠨ ᠦᠵᠦᠭᠦᠷ ᠳᠤᠷᠭᠠ ᠪᠠᠷ ᠨᠠᠮᠢᠷᠠᠵᠤ
ᠨᠠᠷᠮᠠᠢ ᠭᠦᠳᠡᠭᠡ ᠳᠤ ᠨᠠᠷᠠ ᠨᠠᠪᠴᠢᠨᠡ
ᠨᠠᠢ᠌ᠷᠠᠭᠰᠠᠨ ᠳᠡᠷᠭᠡᠨ ᠳᠤ ᠮᠤᠷᠢᠳ ᠢᠯᠠᠭᠠᠷᠬᠠᠵᠤ
ᠨᠠᠯᠠᠭᠠᠷ ᠭᠦᠡᠳᠡᠢ ᠪᠠᠶᠠᠷ ᠶᠢᠡᠷ ᠬᠠᠯᠭᠢᠨᠠ
ᠲ᠋ᠠᠯᠠ ᠶᠢᠨ ᠴᠡᠯᠡᠭᠡᠷ ᠲᠤ ᠨᠢᠳᠤ ᠠᠯᠳᠠᠵᠤ
ᠳᠠᠷᠠᠭ ᠤᠨ ᠦᠨᠦᠷ ᠲᠤ ᠰᠠᠨᠠᠭᠠ ᠰᠤᠭᠳᠤᠨᠠ
ᠳᠠᠪᠤᠨ ᠬᠠᠨᠠᠳᠤ ᠶᠢᠨ ᠬᠠᠶᠠᠭᠠ ᠶᠢ ᠰᠢᠭᠤᠵᠤ
ᠳᠠᠢ᠌ᠪᠣᠩ ᠠᠮᠢᠳᠤᠷᠠᠯ ᠳᠤ ᠨᠢᠷᠤᠭᠤ ᠳᠠᠨᠢ᠌ᠨᠡ
ᠲ᠋ᠡᠭ᠍ᠷᠢ ᠬᠤᠪᠢᠯᠤᠭᠰᠠᠨ ᠰᠠᠢ᠌ᠬᠠᠨ ᠭᠦᠳᠡᠭᠡ
ᠳᠡᠯᠡᠭᠡᠢ ᠳᠤ ᠬᠤᠪᠣᠷᠬᠠᠨ ᠰᠠᠷᠠᠭᠤᠯ ᠭᠦᠳᠡᠭᠡ
ᠳᠠᠯᠠᠯᠭᠠ ᠬᠤᠷᠣᠢ᠌ᠯᠠᠭᠰᠠ ᠭᠠᠩᠭ᠋ᠠᠩ ᠭᠦᠳᠡᠭᠡ
ᠳᠠᠭᠢᠭᠠᠤᠨ ᠳᠦᠷᠦᠭ᠍ᠰᠡᠨ ᠴᠤ ᠨᠤᠳᠤᠭ ᠮᠢᠨᠢ ᠭᠦᠳᠡᠭᠡ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠨᠠᠰᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 5038
ᠴᠠᠭ᠄ 2014 ᠤᠨ ᠤ 01 ᠰᠠᠷᠠ ᠶᠢᠨ 18
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ