☆ ᠰ·ᠮᠥᠡᠭᠡᠨᠡᠷᠡᠰᠤ
ᠬᠠᠤᠯᠢ ᠪᠠ ᠭᠦᠮᠤᠨ ᠴᠢᠨᠠᠷ
ᠮᠠᠯ ᠨᠢ ᠬᠠᠭᠤᠷᠠᠢ ᠰᠢᠰᠢᠨ ᠮᠤᠳᠤ ᠭᠡᠮᠡᠯᠢᠭᠡᠳ ᠭᠦᠮᠤᠨ ᠨᠢ ᠭᠢᠮᠢ ᠶᠢᠨ ᠪᠣᠷᠳᠤᠭᠤᠷ ᠢᠳᠠᠵᠤ ᠪᠠᠢ᠌ᠭᠠ ᠴᠠᠭ ᠬᠣᠢ᠌ᠨᠠ᠂ ᠳᠤᠭᠠ ᠲᠡᠶ ᠭᠡᠳᠤᠨ ᠮᠠᠯ ᠶᠢᠡᠨ ᠬᠠᠰᠢᠶᠠᠯᠠᠭᠠᠤᠨ ᠳᠦᠭᠡ ᠴᠤ ᠭᠦᠷᠭᠦ ᠦᠭᠡᠶ ᠭᠦᠭᠡ ᠡᠪᠠᠰᠤ ᠣᠷᠭᠤᠭᠰᠠᠨ ᠪᠠᠯᠴᠢᠭᠡᠷ ᠶᠢᠡᠨ ᠡᠳᠦᠷ ᠤᠨ ᠭᠡᠳᠤ ᠡᠷᠭᠢᠵᠤ ᠥᠵᠡᠭᠡᠳ᠂ ᠰᠦᠨᠢ ᠨᠢ ᠮᠤᠷᠢ ᠲᠡᠶ ᠭᠦᠮᠤᠨ ᠤ ᠳᠤᠯᠤᠭᠠᠢ ᠳᠠᠯᠳᠠᠷᠠᠮᠠ ᠬᠠᠯᠢᠭᠤᠷᠠᠨ ᠨᠠᠢ᠌ᠭᠤᠭᠰᠠᠨ ᠨᠤᠭᠤᠭᠠᠨ ᠳᠠᠯᠠ ᠪᠠᠨ ᠵᠡᠭᠦᠳᠦᠯᠡᠵᠤ᠂ ᠨᠢᠭᠤᠷ ᠳᠦᠭᠦᠷᠡᠩ ᠢᠨᠢᠶᠠᠳᠤ ᠲᠡᠶ ᠴᠤ ᠨᠢᠳᠤᠨ ᠳᠤ ᠪᠠᠨ ᠨᠢᠯᠪᠣᠰᠤ ᠲᠡᠶ ᠰᠡᠷᠢᠳᠡᠭ᠌ ᠭᠦᠮᠦᠰ ᠤᠨ ᠨᠢᠭᠡ ᠨᠢ ᠳ᠋ᠠᠮᠪᠠ ᠭᠤᠸᠠᠢ ᠪᠠᠢ᠌ᠪᠠ᠃ ᠳᠠᠮᠤᠷ ᠳᠤᠤᠷ ᠲᠤ ᠨᠢ ᠵᠤᠯᠭᠠᠭᠳᠠᠭᠰᠠᠨ ᠪᠦᠭᠡᠮ ᠪᠦᠭᠡᠮ ᠣᠩᠭ᠋ᠠᠰᠤᠨ ᠪᠦᠮᠪᠦᠭᠡ ᠤᠳ ᠢ ᠣᠮᠪᠣᠯᠤ ᠶᠢᠨ ᠶᠢᠡᠨ ᠨᠠᠭᠠᠳᠳᠠᠭ ᠰᠢᠯᠢᠨ ᠪᠦᠮᠪᠦᠭᠡ ᠮᠠᠳᠤ ᠨᠠᠠᠳᠢᠩᠨᠠᠨ ᠡᠪᠦᠷᠳᠦᠯᠡᠭᠡᠳ ᠰᠡᠭᠦᠷᠡᠰᠤ ᠠᠯᠳᠠᠨ᠂ ᠬᠠᠤᠯᠢ ᠶᠤᠰᠤᠨ ᠤ ᠬᠠᠳᠠᠭᠤ ᠳᠤ ᠪᠠᠯᠴᠢᠭᠡᠷ ᠲᠤ ᠪᠠᠨ ᠭᠠᠷᠬᠤ ᠡᠷᠭᠡ ᠪᠠᠨ ᠬᠠᠰᠤᠭᠤᠯᠵᠤ ᠳᠠᠷ ᠮᠠᠭᠤᠳᠠᠢ᠌ᠬᠠᠨ ᠠᠯᠬᠤᠯᠠᠵᠤ ᠳᠤᠷᠠ ᠮᠠᠭᠤᠳᠠᠢ᠌ᠬᠠᠨ ᠭᠡᠪᠳᠡᠭ᠍ᠰᠡᠨ ᠥᠭᠡᠷ ᠤᠳ ᠤᠨ ᠶᠢᠡᠨ ᠵᠠᠬᠠ ᠳᠤ ᠬᠠᠰᠢᠶᠠᠨ ᠤ ᠪᠠᠨ ᠮᠤᠳᠤᠨ ᠪᠣᠯᠠᠭᠠ ᠶᠢ ᠲᠦᠰᠢᠨ ᠳᠠᠮᠠᠭᠢ ᠪᠠᠭᠠᠭᠢᠭᠤᠯᠤᠨ ᠰᠠᠭᠤᠨᠠ᠃ ᠠᠭᠤᠯᠠ ᠶᠢᠨ ᠠᠷᠤ ᠡᠴᠠ ᠣᠭᠠᠯᠵᠠᠯᠠᠨ ᠣᠷᠤᠰᠳᠠᠭ ᠠᠮᠢᠨ ᠭᠤᠤᠯ ᠤᠨ ᠣᠷᠤᠰᠬᠠᠯ ᠤᠨ ᠣᠷᠤᠨ ᠳᠤ ᠭᠦᠮᠤᠨ᠂ ᠮᠤᠲ᠋ᠤᠷ ᠴᠤᠪᠣᠭᠰᠠᠭᠠᠷ ᠪᠠᠢ᠌ᠵᠤ ᠬᠠᠯᠴᠠᠭᠠᠢ᠌ᠷᠠᠵᠤ ᠵᠤᠷᠠᠢ᠌ᠭᠰᠠᠨ ᠵᠠᠮ ᠭᠠᠷᠴᠢᠬᠠᠭᠰᠠᠨ ᠢ ᠰᠠᠶᠢ ᠯᠠ ᠥᠵᠡᠭᠡ ᠰᠢᠭ᠌ ᠣᠳᠠᠳᠠᠯᠠ ᠬᠠᠷᠠᠨᠠ᠃
ᠬᠠᠰᠢᠶᠠᠨ ᠳ᠋ᠠᠭᠢ ᠥᠭᠡᠷ ᠤᠳ ᠶᠠᠭᠤ ᠨᠢᠭᠡᠨ ᠡᠴᠠ ᠦᠷᠭᠦᠭ᠍ᠰᠡᠨ ᠰᠢᠭ᠌ ᠨᠢᠭᠡᠯᠡ ᠵᠥᠭ᠌ ᠲᠤ ᠪᠦᠭᠡᠮᠨᠡᠷᠡᠭᠦ ᠳᠤ ᠳ᠋ᠠᠮᠪᠠ ᠭᠤᠸᠠᠢ ᠳᠤᠳᠤᠷᠠ ᠪᠠᠨ ᠪᠠᠰᠠᠯᠠ ᠦᠨᠦ ᠰᠢᠯᠢᠨ ᠣᠭᠤᠳᠠ ᠨᠢ ᠭᠡᠢ᠌ᠰᠴᠤ ᠢᠷᠡᠭᠡᠳ ᠵᠥᠭᠡᠷ ᠪᠠᠢ᠌ᠭᠰᠠᠨ ᠥᠭᠡᠷ ᠢ ᠰᠤᠴᠢᠭᠠᠵᠤ ᠪᠠᠢ᠌ᠯᠭᠦᠢ ᠭᠡᠵᠤ ᠪᠣᠳᠤᠨ ᠡᠷᠭᠢᠵᠤ ᠬᠠᠷᠠᠪᠠᠯ ᠬᠠᠰᠶᠠᠨ ᠤ ᠬᠠᠵᠠᠭᠤ ᠳᠤ ᠨᠢᠭᠡ ᠪᠣᠭᠤ ᠢᠷᠡᠴᠢᠭᠡᠭᠡᠳ ᠡᠪᠦᠳᠦᠭ᠌ ᠶᠢᠡᠷ ᠶᠢᠡᠨ ᠨᠤᠭᠤᠷᠠᠨ ᠰᠥᠭᠦᠳᠦᠭ᠍ᠰᠡᠨ ᠪᠠᠢ᠌ᠪᠠ᠃ ᠳ᠋ᠠᠮᠪᠠ ᠭᠤᠸᠠᠢ ᠶᠢ ᠣᠴᠢᠬᠤ ᠳᠤ ᠳᠤᠳᠠᠭᠠᠯ ᠦᠭᠡᠶ ᠳᠠᠮᠠᠢ᠌ᠯᠠ ᠪᠤᠯᠳᠠᠩᠨᠡᠨ ᠣᠷᠤᠨ ᠳᠤ ᠪᠠᠨ ᠰᠥᠭᠦᠳᠦᠭ᠍ᠰᠡᠨ ᠶᠢᠡᠷ ᠶᠢᠡᠨ᠃ ᠳᠠᠪᠠᠷᠢᠵᠤ ᠠᠪᠣᠭᠠᠤᠨ ᠴᠢᠰᠤ ᠳᠠᠭᠠᠪᠣᠷᠢᠯᠠᠭᠰᠠᠨ ᠡᠪᠦᠳᠦᠭ᠌ ᠢ ᠨᠢ ᠬᠠᠠᠴᠤᠢ ᠪᠠᠷ ᠶᠢᠠᠨ ᠵᠥᠯᠭᠦᠭᠦ ᠳᠤ ᠠᠯᠠᠭᠠ ᠳᠠᠷᠤᠮᠠ ᠭᠢᠷᠢᠳᠠᠢ ᠰᠢᠯᠪᠣᠷᠠᠵᠤ ᠳᠤᠭᠤᠷᠢᠭᠠᠤᠨ ᠭᠦᠯᠡᠢ᠌ᠳᠡᠯᠡ ᠬᠠᠪᠣᠳᠤᠭᠰᠠᠨ ᠪᠠᠢ᠌ᠯᠠ᠃ ᠳ᠋ᠠᠮᠪᠠ ᠭᠤᠸᠠᠢ ᠳᠤᠳᠤᠷ ᠬᠠᠠᠳᠠᠭᠠᠵᠠ ᠶᠢᠨ ᠶᠢᠡᠨ ᠬᠤᠷᠮᠤᠢ ᠡᠴᠠ ᠣᠷᠠᠵᠤ ᠠᠪᠣᠭᠠᠤᠨ ᠰᠢᠷᠬᠠ ᠶᠢ ᠨᠢ ᠪᠣᠭᠤᠬᠤ ᠳᠤ ᠭᠦᠭᠡᠷᠦᠭᠦᠢ ᠪᠣᠭᠤ ᠰᠥᠢᠯᠡᠭᠯᠡᠭᠦ ᠨᠢ ᠨᠠᠮᠳᠠᠵᠤ ᠵᠢᠷᠦᠭᠡ ᠨᠢ ᠳᠦᠭ᠌ ᠳᠦᠭ᠌ ᠭᠢᠨ ᠳᠦᠷᠭᠡᠨ ᠴᠤᠭᠢᠯᠠᠬᠤ ᠨᠢ ᠢᠯᠡᠭᠡᠨ ᠰᠤᠨᠤᠰᠳᠠᠨᠠ᠂ ᠶᠠᠭᠤ ᠨᠢᠭᠡᠨ ᠡᠴᠠ ᠠᠶᠤᠵᠤ ᠳᠤᠳᠠᠭᠠᠭᠰᠠᠨ ᠡᠴᠠ ᠰᠢᠷᠬᠠᠳᠤᠭᠰᠠᠨ ᠪᠣᠯᠤᠯᠳᠠᠢ᠃ ᠳᠠᠷᠠ ᠵᠠᠯᠠᠭᠤ ᠳᠤ ᠪᠠᠨ ᠠᠭᠤᠯᠠᠨ ᠳᠤ ᠨᠢᠭᠡᠯᠡ ᠣᠳᠠᠭᠠ ᠪᠣᠭᠤ ᠣᠯᠵᠤ ᠬᠠᠷᠠᠭᠰᠠᠨ ᠡᠴᠠ ᠳᠠᠭᠢᠵᠤ ᠣᠯᠵᠤ ᠥᠵᠡᠭᠡ ᠦᠭᠡᠶ᠂ ᠡᠢ᠌ᠮᠤ ᠭᠦᠭᠡᠷᠦᠭᠦᠨ ᠠᠮᠢᠳᠠᠨ ᠪᠠᠰᠠ ᠨᠤᠳᠤᠭ ᠲᠤ ᠮᠢᠨᠢ ᠣᠰᠠᠳᠤᠭᠠ ᠦᠭᠡᠶ ᠪᠠᠷ ᠶᠢᠡᠨ ᠪᠠᠢ᠌ᠵᠤ ᠦᠦ ᠭᠡᠵᠤ ᠢᠳᠡᠭᠡᠵᠤ ᠶᠠᠳᠠᠭᠰᠠᠨ ᠶᠢᠡᠨ ᠰᠠᠶᠢᠭᠢ ᠪᠣᠭᠤ ᠪᠠᠨ ᠡᠯᠢᠭᠡᠨ ᠳᠤ ᠪᠠᠨ ᠳᠠᠪᠠᠷᠢᠨ ᠭᠡᠷ ᠲᠤ ᠪᠠᠨ ᠣᠷᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳ᠋ᠠᠮᠪᠠ ᠡᠪᠦᠭᠡᠨ ᠪᠣᠭᠤ ᠠᠪᠠᠯᠠᠵᠤ ᠠᠪᠴᠢᠷᠠᠭᠰᠠᠨ ᠭᠡᠨᠡ ᠰᠢᠤ ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠭᠡᠳ ᠪᠣᠭᠤ ᠠᠯᠠᠴᠢᠬᠠᠭᠰᠠᠨ ᠶᠤᠮ ᠦᠦ ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠷᠤᠭᠠᠨ ᠳᠤ ᠨᠢ ᠪᠠᠢ᠌ᠨᠠ ᠭᠡᠨᠡ ᠁
ᠦᠪᠡᠷ ᠢ ᠨᠢ ᠪᠣᠭᠤ ᠠᠪᠠᠯᠠᠵᠠᠢ ᠡᠨᠡ ᠳᠠᠷᠠ ᠭᠡᠰᠡᠨ ᠠᠢ᠌ᠯ ᠤᠨ ᠣᠯᠠᠨ ᠤ ᠭᠡᠯᠡᠯᠴᠡᠭᠡᠨ ᠴᠠᠭ ᠤᠨ ᠰᠤᠨᠢᠨ᠂ ᠴᠠᠢ ᠶᠢᠨ ᠵᠤᠭᠤᠭ ᠪᠣᠯᠵᠤ ᠪᠠᠢ᠌ᠬᠤ ᠳᠤ ᠳ᠋ᠠᠮᠪᠠ ᠭᠤᠸᠠᠢ᠂ ᠳᠠᠪᠣᠰᠤ ᠢᠳᠡᠭ᠍ᠰᠡᠨ ᠠᠮᠠ ᠶᠠᠭᠤ ᠭᠡᠯᠡᠭᠦ ᠦᠭᠡᠶ ᠪᠣᠢ᠂ ᠳᠠᠭᠢᠭᠠᠤᠨ ᠭᠡᠯᠡᠪᠠᠯ ᠠᠢ᠌ᠯ ᠠᠢ᠌ᠮᠠᠭ ᠬᠤᠭᠤᠷᠤᠠᠳᠤ ᠪᠠᠨ ᠭᠡᠨ ᠥᠭᠡ ᠭᠦᠭᠡᠭᠡᠭᠦ ᠪᠣᠢ ᠭᠡᠵᠤ ᠬᠠᠷᠠ ᠰᠠᠨᠠᠭᠰᠠᠨ ᠦᠭᠡᠶ᠃ ᠨᠢᠭᠡ ᠭᠠᠷᠠᠭ ᠥᠩᠭᠡᠷᠡᠵᠤ ᠪᠣᠭᠤ ᠶᠢᠨ ᠰᠢᠷᠬᠠ ᠢᠯᠠᠷᠠᠰᠢᠮᠠᠷ ᠪᠣᠯᠬᠤ ᠳᠤ ᠪᠣᠭᠤᠯᠳᠠ ᠭᠡᠷᠡᠭ᠌ ᠦᠭᠡᠶ ᠪᠣᠯᠤᠭᠠᠤᠨ ᠦᠰᠦᠷᠴᠤ ᠬᠠᠷᠠᠢ᠌ᠬᠤ ᠲᠡᠶ ᠪᠣᠯᠵᠠᠢ᠃ ᠡᠨᠡ ᠠᠮᠢᠳᠠᠨ ᠢ ᠴᠢᠨᠢ ᠴᠤᠬᠤᠮ ᠬᠠᠮᠢᠭᠠ ᠠᠪᠠᠴᠢᠴᠤ ᠶᠠᠭᠠᠭᠢᠵᠤ ᠠᠮᠢᠳᠤᠷᠠᠭᠤᠯᠳᠠᠭ ᠪᠢᠯᠠ ᠭᠡᠵᠤ ᠰᠠᠨᠠᠭᠠ ᠪᠣᠯᠳᠠᠯᠠ ᠨᠢᠭᠡᠨ ᠨᠠᠷᠠᠯᠠᠭ ᠡᠳᠦᠷ ᠡᠭᠦᠳᠡᠨ ᠳᠤ ᠨᠢ ᠵᠢᠵᠢᠭ᠌ ᠴᠠᠭᠠᠨ ᠮᠠᠰᠢᠨ ᠳᠠᠪᠭᠢᠨ ᠢᠷᠠᠵᠤ ᠵᠤᠭᠰᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠭᠡᠷᠡ ᠶᠢᠨ ᠠᠮᠢᠳᠠᠨ ᠢ ᠳᠤᠷᠠ ᠪᠠᠷ ᠠᠪᠠᠯᠠᠵᠤ ᠪᠣᠯᠬᠤ ᠦᠭᠡᠶ ᠰᠢᠤ︕ ᠴᠠᠭᠠᠵᠠ ᠲᠡᠶ ᠶᠢ ᠮᠡᠳᠡᠭᠦ ᠦᠭᠡᠶ ᠦᠦ︖
ᠳᠡᠷᠭᠡᠨ ᠡᠴᠠ ᠪᠠᠭᠤᠭᠰᠠᠨ ᠠᠯᠪᠠᠨ ᠤ ᠬᠤᠪᠴᠠᠰᠤ ᠲᠡᠶ ᠬᠤᠶᠠᠷ ᠭᠦᠮᠤᠨ ᠰᠠᠢ᠌ᠨ ᠦᠦ ᠮᠠᠠᠳᠤ ᠦᠦ ᠴᠤ ᠦᠭᠡᠶ ᠰᠢᠭᠤᠳ ᠭᠡᠷᠡᠭ᠌ ᠳᠤᠯᠭᠠᠴᠢᠬᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠭᠡᠶ᠂ ᠡᠨᠡ ᠁ ᠰᠢᠷᠬᠠ ᠨᠢ ᠡᠳᠡᠭᠡᠭᠡ ᠦᠭᠡᠶ ᠁ ᠪᠢ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤ ᠭᠡᠨᠡ︖ ᠪᠠᠰᠠ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠭᠡᠨᠡ ᠦᠦ︖ ᠨᠠᠩ ᠭᠦᠡᠳᠤ ᠶᠠᠯᠠ ᠲᠡᠶ ᠰᠢᠤ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠪᠢᠰᠢ᠂ ᠪᠢ ᠠᠪᠣᠷᠠᠵᠤ ᠠᠪᠣᠭᠰᠠᠨ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢᠳᠡᠭᠡᠢ ᠬᠤᠳᠠᠯ ᠭᠡᠯᠡ ︕ ᠪᠣᠭᠤ ᠶᠠᠭᠠᠭᠢᠵᠤ ᠦᠪᠡᠷ ᠶᠢᠠᠨ ᠡ᠊ᠨᠳᠡ ᠢᠷᠡᠳᠡᠭ᠌ ᠶᠤᠮ ︖ ᠪᠦᠷ ᠴᠠᠭᠠᠵᠠ ᠲᠡᠶ ᠣᠷᠤᠨ ᠪᠣᠯᠭᠠᠭᠠᠤᠨ ᠳᠤᠤᠷᠯᠠᠵᠤ ᠬᠠᠰᠢᠴᠢᠬᠠᠭᠰᠠᠨ ᠪᠠᠢ᠌ᠬᠤ ᠳᠤ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠨᠡᠭᠡᠷ ᠢᠷᠡᠴᠢᠭᠡᠭ᠍ᠰᠡᠨ ᠶᠤᠮ ᠴᠢᠨᠢ ᠁ ᠮᠠᠭᠤ ᠢᠷᠸᠠ ᠳ᠋ᠠ᠂ ᠭᠡᠦᠭᠡ ᠡ᠂ ᠡᠢ᠌ᠮᠤ ᠭᠦᠭᠡᠷᠦᠭᠦᠢ ᠠᠮᠢᠳᠠᠨ ᠢ ᠴᠢᠨᠢ ᠬᠠᠷᠠᠵᠤ ᠪᠠᠢ᠌ᠭᠠᠤᠨ ᠬᠠᠮᠢᠶᠠᠷᠬᠤ ᠦᠭᠡᠶ ᠶᠠᠭᠠᠭᠢᠨᠠ ᠳ᠋ᠠ︖ ᠳᠠᠷᠠ ᠡᠳᠦᠷ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠ ᠮᠡᠯᠵᠢᠭᠦ ᠭᠡᠷᠡᠭ᠌ ᠦᠭᠡᠶ᠂ ᠪᠣᠭᠤ ᠠᠪᠠᠯᠭᠰᠠᠨ ᠢ ᠴᠢᠨᠢ ᠥᠵᠡᠭ᠍ᠰᠡᠨ ᠭᠦᠮᠤᠨ ᠪᠠᠢ᠌ᠨᠠ ᠭᠡᠵᠤ ᠳᠠᠨ ᠢ ᠵᠠᠭᠠᠯᠳᠤᠵᠠᠢ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠭᠠᠯᠳᠤᠵᠠᠢ ︖ ᠡᠨᠡ ᠴᠢᠨᠢ ᠶᠠᠭᠤ ᠪᠣᠯᠵᠤ ᠪᠣᠢ ︖ ᠣᠴᠢᠷ ᠶᠠᠪᠣᠳᠠᠯ ᠡᠢ᠌ᠮᠤ ᠪᠣᠯᠤᠨᠠ ᠭᠡᠵᠤ ᠳ᠋ᠠᠮᠪᠠ ᠭᠤᠸᠠᠢ ᠠᠷᠪᠠᠨ ᠵᠡᠭᠦᠳᠤᠨ ᠳᠤ ᠨᠢ ᠪᠠᠢ᠌ᠭᠰᠠᠨ ᠦᠭᠡᠶ᠂ ᠣᠳᠤ ᠶᠤᠰᠤ ᠪᠠᠢ᠌ᠭᠠᠤᠨ ᠭᠡᠯᠡᠭᠦ ᠭᠠᠵᠠᠷ ᠦᠭᠡᠶ ᠪᠣᠯᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠯᠵᠠᠢ᠃ ᠳᠠ ᠮᠠᠨ ᠢ ᠳᠠᠭᠠᠭᠠᠤᠨ ᠶᠠᠪᠣ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠮᠢᠭᠠ ︖ ᠳ᠋ᠠᠮᠪᠠ ᠭᠤᠸᠠᠢ ᠰᠤᠴᠢᠵᠤ ᠪᠦᠷ ᠭᠠᠢ᠌ᠬᠠᠰᠢ ᠠᠯᠳᠠᠪᠠ᠃ ᠳᠠᠠᠳᠠ ᠨᠢ ᠣᠴᠢᠵᠤ ᠦᠨᠡᠨ ᠴᠠᠭᠠᠨ ᠶᠢᠡᠨ ᠣᠯᠳᠠᠭ ᠪᠠᠢ᠌ᠵᠤ ᠦᠦ ︖ ᠶᠠᠭᠠᠭᠢᠳᠠᠭ ᠦᠦ ︖ ᠢᠨᠢᠶᠠᠳᠤ ᠨᠢ ᠴᠤ ᠭᠦᠷᠤᠨᠡ᠂ ᠠᠭᠤᠷ ᠨᠢ ᠴᠤ ᠭᠦᠷᠤᠨᠡ᠃ ᠬᠠᠶᠠ ᠨᠢᠭᠡ ᠭᠦᠤ ᠶᠢᠨ ᠶᠢᠡᠨ ᠮᠤᠲ᠋ᠤᠷ ᠲᠤ ᠰᠤᠠᠳᠠᠯᠠᠵᠤ ᠬᠤᠳᠠ ᠣᠷᠤᠳᠠᠭ ᠴᠤ ᠡᠢ᠌ᠮᠤ ᠰᠠᠢ᠌ᠬᠠᠨ ᠳᠡᠷᠭᠡᠨ ᠳᠤ ᠣᠯᠵᠤ ᠰᠠᠭᠤᠬᠤ ᠶᠢ ᠪᠠᠢ᠌ᠳᠤᠭᠠᠢ ᠬᠠᠵᠠᠭᠤ ᠳᠤ ᠨᠢ ᠴᠤ ᠣᠴᠢᠵᠤ ᠥᠵᠡᠭᠡ ᠦᠭᠡᠶ᠂ ᠣᠳᠤ ᠠᠷᠤ ᠶᠢᠨ ᠰᠠᠭᠤᠳᠠᠯ ᠳᠤ ᠨᠢ ᠪᠣᠭᠤ ᠪᠠᠨ ᠳᠡᠪᠠᠷᠢᠴᠢᠭᠡᠭ᠍ᠰᠡᠨ 《ᠯᠠᠷᠵᠠ ᠳᠠᠢ》 ᠮᠠᠳᠠᠢ᠌ᠵᠤ ᠶᠠᠪᠣᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠤᠯᠢ ᠶᠢ ᠵᠦᠷᠢᠴᠢᠴᠢᠭᠡᠯᠡ ᠭᠡᠨᠡ︖ ᠳ᠋ᠠᠮᠪᠠ ᠭᠤᠸᠠᠢ ᠨᠢᠭᠡ ᠨᠠᠰᠤ ᠪᠠᠷ ᠶᠢᠡᠨ ᠬᠤᠪᠢ ᠪᠠᠨ ᠭᠦᠭᠡᠭᠡᠵᠤ ᠮᠠᠯ ᠶᠢᠡᠨ ᠬᠠᠷᠢᠭᠤᠯᠤᠭᠠᠤᠨ ᠦᠨᠡᠨ ᠶᠢᠡᠷ ᠶᠢᠡᠨ ᠶᠠᠪᠣᠭᠰᠠᠨ ᠭᠦᠮᠤᠨ᠂ ᠶᠠᠮᠠᠷ ᠬᠠᠤᠯᠢ ᠶᠢ ᠨᠢ ᠵᠦᠷᠢᠴᠡᠴᠢᠭᠡᠭ᠍ᠰᠡᠨ ᠪᠣᠢ ︖ ᠭᠡᠵᠤ ᠨᠠᠰᠤᠳᠠᠢ᠌ᠴᠤᠳ ᠶᠠᠷᠢᠯᠴᠠᠨᠠ᠃
ᠳᠠᠢ᠌ᠮᠤ ᠡ᠂ ᠴᠤᠬᠤᠮ ᠶᠠᠮᠠᠷ ᠬᠠᠤᠯᠢ ᠶᠢ ᠨᠢ ᠵᠦᠷᠢᠴᠡᠴᠢᠭᠡᠭ᠍ᠰᠡᠨ ᠪᠣᠢ︖
2004.3.31 ᠳᠤ ᠪᠢᠴᠢᠵᠤ 2010.8.7 ᠳᠤ ᠵᠠᠰᠠᠪᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠪᠠᠷᠳᠠᠢ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰ·ᠮᠥᠡᠭᠡᠨᠡᠷᠡᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 9210
ᠴᠠᠭ᠄ 2010 ᠤᠨ ᠤ 08 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ