ᠲ᠋ᠤᠤᠵᠠ ᠬᠠᠢ᠌ᠴᠢᠯᠠᠬᠤ ᠶᠤᠰᠤᠯᠠᠯ

ᠠᠷᠠᠤᠨ

ᠳᠤᠭ᠎ᠠ ᠲᠡᠶ ᠵᠤᠭᠤᠰ ᠶᠢᠡᠨ

ᠳᠤᠭᠠᠯᠠᠵᠤ ᠬᠠᠷᠮᠠᠯᠠᠭᠠᠤᠨ

ᠠᠮᠢ ᠳᠡᠮᠡᠴᠡᠭ᠍ᠰᠡᠭᠡᠷ

ᠨᠢᠭᠤᠷ ᠲᠡᠶ ᠢᠷᠠᠨ᠎ᠠ

ᠨᠤᠶᠠᠤᠨ

ᠬᠠᠷᠮᠠᠨ ᠬᠤᠭᠤᠰᠤᠨ ᠶᠢᠡᠷ

ᠯᠠᠷᠵᠢᠶ᠎ᠠ ᠲᠡᠶ ᠢᠷᠡᠭᠡᠳ

ᠬᠠᠢ᠌ᠴᠢ ᠨᠢᠭᠡ ᠭᠦᠳᠡᠯᠭᠡᠭᠡᠳ

ᠣᠯᠵᠠ ᠲᠡᠶ ᠪᠣᠴᠠᠨ᠎ᠠ

      ᠮᠦᠷᠤᠢ ᠶᠢᠨ ᠳᠠᠯᠠᠪᠣᠷ

ᠵᠠᠰᠠᠭ ᠤᠨ ᠺᠠᠳ᠋ᠷ ᠤᠨ

ᠮᠦᠷᠤᠢ ᠶᠢᠨ ᠳᠠᠯᠠᠪᠣᠷ ᠢ

ᠨᠠᠭᠠᠳᠤᠮᠴᠢᠳ ᠭᠦᠷᠢᠶᠡᠯᠡᠨ᠎ᠡ

ᠴᠠᠭᠳᠠᠭ᠎ᠠ ᠬᠠᠮᠠᠭᠠᠯᠠᠨ᠎ᠠ

ᠴᠠᠭᠳᠠᠭ᠎ᠠ ᠪᠠᠰᠠ ᠮᠦᠷᠣᠢ᠌ᠴᠠᠨ᠎ᠠ

ᠵᠠᠯᠢ ᠲᠡᠶ ᠨᠠᠭᠠᠳᠤᠭᠰᠠᠨ ᠨᠢ

ᠵᠤᠭᠤᠰ ᠣᠯᠠᠨ ᠬᠤᠠᠵᠢᠨ᠎ᠠ

ᠵᠤᠷᠢᠭ ᠲᠡᠶ ᠨᠠᠭᠠᠳᠤᠭᠰᠠᠨ ᠨᠢ

ᠦᠷᠢ ᠶᠡᠭᠡᠳᠡᠢ ᠬᠤᠴᠤᠷᠤᠨ᠎ᠠ

ᠦᠷᠢᠳᠦᠭᠦ ᠳᠤᠳᠤᠮ ᠶᠢᠡᠨ ᠮᠦᠷᠣᠢ᠌ᠴᠠᠨ᠎ᠠ

ᠳᠠᠷᠠ ᠰᠢᠷᠡᠭᠡᠨ ᠳᠤ

ᠡᠴᠢᠭᠡ ᠭᠦᠤ ᠬᠠᠮᠳᠤ ᠰᠠᠭᠤᠭᠰᠠᠨ ᠴᠤ

ᠠᠳᠠ ᠲᠡᠶ ᠱᠥᠭᠯᠡᠨ᠎ᠡ

       ᠨᠠᠢ᠌ᠷ ᠤᠨ ᠰᠢᠷᠡᠭᠡ

ᠨᠠᠢ᠌ᠷ ᠤᠨ ᠰᠢᠷᠡᠭᠡ

ᠨᠠᠢ᠌ᠷ ᠦᠭᠡᠶ ᠵᠠᠰᠠᠭᠳᠠᠨ᠎ᠠ

ᠨᠢᠮᠭᠡᠨ ᠭᠦᠷᠦᠩᠭᠡᠳᠡᠳ

ᠨᠢᠳᠤ ᠦᠭᠡᠶ 《ᠵᠠᠢ᠌ᠯᠠᠭᠰᠠᠨ》 ᠴᠢᠨᠢ

ᠨᠠᠠᠳᠢᠨ ᠨᠥᠭᠦᠷᠯᠡᠯ

ᠨᠠᠢ᠌ᠷᠠᠭ ᠡᠴᠡ ᠪᠠᠰᠠ ᠭᠢᠮᠳᠠᠷᠠᠪᠠ

      ᠪᠦᠵᠢᠭ᠌ ᠤᠨ ᠳᠠᠩᠭᠢᠮ

ᠪᠦᠵᠢᠭ᠌ ᠤᠨ ᠳᠠᠩᠭᠢᠮ ᠳᠤ

ᠵᠠᠯᠠᠭᠤᠴᠤᠳ ᠰᠤᠯᠢᠶᠠᠷᠠᠳᠠᠯ᠎ᠠ ᠪᠦᠵᠢᠭᠯᠡᠨ᠎ᠡ

ᠪᠦᠳᠡᠭᠡᠢ ᠭᠡᠷᠡᠯ ᠳᠤ

ᠪᠦᠵᠢᠭᠯᠡᠭᠦ ᠨᠠᠷ᠎ᠠ ᠪᠠᠷ

ᠪᠠᠮᠪᠠᠢ ᠪᠣᠯᠭᠠᠭᠰᠠᠨ

ᠬᠤᠷᠤᠬᠠᠢ ᠲᠡᠶ ᠭᠠᠷ ᠤᠳ

ᠪᠠᠢ᠌ᠷᠢ ᠪᠠᠨ ᠠᠯᠳᠠᠨ᠎ᠠ

ᠬᠤᠪᠳᠤᠭ ᠰᠢᠨᠤᠯ ᠤᠳ

ᠨᠢᠭᠤᠴᠠᠭᠠᠢ ᠳᠦᠷᠠᠯᠵᠠᠨ᠎ᠠ

      ᠠᠮᠢᠳᠤᠷᠠᠬᠤᠢ ᠶᠢᠨ ᠣᠷᠤᠨ ᠵᠠᠢ

ᠠᠮᠢᠳᠤᠷᠠᠯ ᠤᠨ ᠴᠠᠭᠠᠨ᠎ᠠ

ᠥᠭᠦᠯ ᠳᠠᠢ᠌ᠪᠣᠭᠤᠬᠠᠨ ᠨᠣᠢ᠌ᠷᠰᠤᠨ᠎ᠠ

ᠳᠠᠭᠤᠳᠠᠵᠤ ᠪᠢᠳᠡᠭᠡᠢ ᠰᠡᠷᠢᠭᠡᠭᠡᠴᠢ

ᠥᠭᠦᠯ ᠤᠨ ᠨᠠᠭᠠᠨ᠎ᠠ

ᠠᠮᠢᠳᠤᠷᠠᠯ ᠬᠠᠯᠠ ᠲᠡᠶ ᠦᠷᠭᠦᠯᠵᠢᠯᠡᠨ᠎ᠡ

ᠳᠡᠩᠳᠡᠭᠦᠤ ᠪᠢᠳᠡᠭᠡᠢ ᠴᠥᠭᠦᠷᠡᠭᠡᠴᠢ

ᠠᠮᠢᠳᠤᠷᠠᠯ ᠤᠨ ᠣᠬᠤᠷᠬᠠᠨ ᠵᠠᠢ ᠪᠠᠨ

ᠣᠴᠢᠷᠳᠠᠢ ᠣᠢ᠌ᠯᠠᠰ ᠲᠤ ᠪᠠᠨ ᠵᠤᠷᠢᠭᠤᠯᠤᠭᠠᠴᠢ

ᠦᠪᠡᠷ ᠤᠨ ᠭᠡᠰᠡᠨ ᠳᠡᠦᠭᠡᠨ ᠳᠤ ᠪᠠᠨ

ᠣᠯᠠ ᠮᠦᠷ ᠶᠢᠡᠨ ᠥᠯᠡᠳᠡᠭᠡᠴᠢ

ᠣᠩᠭ᠋ᠤᠨ ᠳᠠᠷᠬᠠᠨ ᠪᠠᠢ᠌ᠭᠠᠯᠢ ᠪᠠᠨ

ᠦᠷ᠎ᠡ ᠬᠣᠢ᠌ᠴᠢᠰ ᠲᠤ ᠪᠠᠨ ᠦᠭ‍ᠭᠦᠭᠡᠴᠢ

ᠣᠤᠭᠠᠯ ᠪᠣᠰᠤᠭ᠎ᠠ ᠰᠤᠶᠤᠯ ᠶᠢᠡᠨ

ᠢᠷᠡᠭᠡᠳᠦᠢ ᠮᠠᠷᠭᠠᠰᠢ ᠳᠤ ᠪᠠᠨ ᠥᠪᠯᠡᠭᠡᠴᠢ

        ᠠᠯᠪᠠᠨ ᠰᠢᠷᠡᠭᠡ

ᠠᠯᠪᠠᠨ ᠰᠢᠷᠡᠭᠡᠨ ᠳᠤ

ᠠᠮᠢᠳᠤᠷᠠᠯ ᠤᠨ ᠵᠤᠭᠤᠭ ᠳᠡᠯᠭᠡᠭ᠍ᠳᠡᠨ᠎ᠡ

ᠠᠯᠪᠠᠨ ᠶᠠᠪᠣᠳᠠᠯ ᠶᠢᠡᠷ

ᠠᠰ ᠤᠨ ᠣᠴᠢᠷ ᠶᠢᠡᠨ ᠰᠢ᠌ᠤᠠᠪᠣᠷᠢᠯᠠᠨ᠎ᠠ

ᠠᠭᠠᠭ ᠲᠡᠶ ᠳᠤᠰᠤ ᠲᠡᠶ ᠠᠶᠠᠨ ᠳᠤ

ᠠᠮᠢᠨ ᠳᠤ ᠪᠠᠨ ᠵᠦᠪ ᠦᠭᠡᠶ

ᠠᠪᠣ ᠶᠢᠨ ᠬᠡᠦᠬᠡᠳ ᠯᠠ ᠵᠢᠳᠭᠦᠨ᠎ᠡ ᠡ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠲᠦᠰᠢᠶᠠᠳᠤ ᠬᠤᠰᠢᠭᠤᠨ ᠤ ᠭᠦᠡᠳᠡᠯᠡᠨ ᠰᠤᠷᠭᠠᠭᠤᠯᠢ