☆ ᠰ·ᠮᠥᠩᠭᠡᠨᠡᠷᠡᠰᠤ
ᠵᠤᠨ ᠤ ᠦᠳᠡᠰᠢ ᠶᠢᠨ ᠵᠢᠷᠤᠭ
ᠦᠷᠯᠦᠭᠡ ᠨᠢᠭᠤᠷ ᠶᠢᠡᠨ ᠣᠭᠢᠶᠠᠭᠰᠠᠨ ᠦᠭᠡᠶ ᠭᠡᠮᠡᠷ ᠦᠷᠪᠠᠭᠡᠷ ᠡᠷᠡᠭ᠍ᠳᠡᠢ
ᠦᠨᠦᠷᠳᠤ ᠣᠰᠤ ᠭᠡᠳᠦᠷᠡᠳᠡᠯᠡ ᠰᠦᠷᠴᠢᠭ᠍ᠰᠡᠨ ᠡᠮᠡᠭ᠍ᠳᠡᠢ ᠲᠡᠶ ᠵᠠᠬᠠ ᠳᠡᠭᠡᠷᠡ ᠦᠨᠡ ᠬᠠᠶᠠᠯᠴᠠᠨᠠ
ᠡᠭᠦᠳᠡᠨ ᠳᠤ ᠪᠠᠨ ᠭᠦᠯᠳᠡᠭᠡᠭᠦᠷ ᠳᠠᠯᠪᠢᠭᠰᠠᠨ ᠵᠢᠵᠢᠭ᠌ ᠳᠡᠯᠭᠡᠭᠦᠷ ᠤᠨ ᠡᠮᠤᠨᠡ
ᠦᠨᠳᠦᠷ ᠣᠭᠳᠤᠷ ᠬᠤᠶᠠᠷ ᠡᠪᠦᠭᠡᠨ ᠰᠢᠳᠠᠷᠠ ᠳᠤᠭᠯᠠᠨᠠ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠦᠷᠦᠭᠡᠨ ᠳᠤ ᠪᠠᠨ ᠢᠯᠠᠭᠠ ᠠᠯᠠᠵᠤ ᠳᠠᠮᠠᠢ ᠯᠠ ᠬᠠᠷᠢᠶᠠᠯ ᠳᠠᠯᠪᠢᠬᠤ ᠳᠠᠷᠭᠤᠨ ᠡᠭᠡᠨᠡᠷ ᠢ ᠡᠯᠡᠭᠯᠡᠵᠤ
ᠦᠨᠳᠦᠷ ᠥᠰᠦᠭᠡᠢ᠌ᠳᠤ ᠪᠠᠨ ᠬᠠᠵᠠᠭᠠᠢ ᠭᠢᠰᠭᠢᠭ᠍ᠰᠡᠨ ᠭᠡᠦᠭᠡᠨ ᠠᠮᠠ ᠪᠠᠨ ᠪᠢᠳᠡᠭᠦᠯᠡᠵᠤ ᠥᠩᠭᠡᠷᠡᠨᠡ
ᠥᠭᠡᠷᠴᠢᠨ ᠤ ᠦᠮᠦᠳᠦᠨ ᠬᠠᠷᠮᠠᠨ ᠡᠴᠡ ᠪᠠᠨ ᠳᠠᠮᠠᠭᠢ ᠪᠣᠯᠳᠠᠢ᠌ᠯᠭᠠᠭᠰᠠᠨ ᠭᠦᠦᠴᠦᠦᠯ
ᠦᠶᠡ ᠶᠢᠨ ᠭᠡᠳᠤᠨ ᠭᠡᠦᠭᠡᠨ ᠲᠡᠶ ᠪᠠᠨ ᠳᠠᠪᠳᠠᠯᠭᠠᠨ ᠡᠴᠡ ᠪᠠᠭᠤᠵᠤ ᠱᠤᠤᠭᠢᠯᠳᠤᠨ ᠬᠠᠷᠢᠵᠠᠭᠠᠨᠠ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠨᠠᠭᠠᠳᠤᠮ ᠤᠨ ᠮᠠᠰᠢᠨ᠂ ᠣᠮᠳᠠᠭᠠᠨ᠂ ᠮᠦᠰᠤᠮᠠᠯᠵᠢ ᠁ ᠭᠡᠵᠤ ᠡᠵᠢ ᠪᠠᠨ ᠳᠡᠩᠰᠢᠭᠦᠯᠭᠦ ᠵᠢᠭᠠᠯ
ᠨᠠᠭᠠᠳᠤ ᠳᠠᠯᠠ ᠳᠤ ᠨᠢ ᠣᠳᠠᠰᠤᠳᠠᠵᠤ ᠵᠤᠭᠰᠤᠬᠤ ᠪᠦᠳᠦᠭᠦᠨ ᠭᠡᠳᠡᠰᠤ ᠲᠡᠶ ᠠᠪᠣ
《ᠥᠨᠦᠭᠡᠨ ᠴᠢᠯᠦᠭᠡᠨ ᠳᠤ ᠪᠠᠨ ᠵᠢᠷᠭᠠᠶᠠ》 ᠭᠡᠵᠤ ᠳᠠᠭᠤᠯᠠᠨ ᠡᠭᠦᠰᠭᠡᠭᠦ ᠠᠷᠢᠭᠢᠨ ᠳᠠᠭᠳᠤ
ᠦᠨᠳᠦᠷ ᠳᠡᠭ᠍ᠳᠡᠷ ᠲᠡᠶ ᠪᠠᠩᠭᠢ ᠶᠢᠨ ᠢᠠᠳᠠᠷ ᠳᠡᠭᠡᠷᠡ ᠬᠠᠮᠠᠷ ᠳᠠᠳᠠᠬᠤ ᠭᠣᠢ᠌ᠷᠠᠠᠴᠢ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠭᠦᠯ ᠮᠤᠷᠤᠢ ᠠᠳᠠᠯᠠ ᠣᠬᠤᠷ ᠪᠠᠩᠵᠠᠯ ᠲᠡᠶ ᠬᠤᠭᠤᠯᠠᠨ ᠭᠡᠷ ᠤᠨ ᠡᠵᠡᠭ᠍ᠳᠡᠢ
ᠭᠦᠵᠦᠭᠦᠨ ᠳᠤ ᠪᠠᠨ ᠵᠠᠭᠠᠯᠮᠠᠢ ᠵᠡᠭᠦᠭ᠍ᠰᠡᠨ ᠭᠦᠯ ᠨᠢᠴᠦᠭᠦᠨ ᠭᠡᠦᠭᠡᠨ ᠳᠤ ᠰᠢᠳᠤᠨ ᠰᠢᠭᠢᠴᠢᠯᠡᠭᠦᠷ ᠭᠠᠷᠳᠠᠭᠤᠯᠤᠨᠠ
ᠭᠦᠮᠤᠨ ᠡᠴᠡ ᠵᠠᠢ᠌ᠳᠠᠭᠤ ᠪᠠᠭᠠᠯ ᠨᠤᠬᠠᠢ ᠪᠠᠨ ᠭᠦᠳᠦᠯᠵᠤ ᠳᠤᠭᠤᠷᠢᠬᠤ ᠡᠪᠦᠭᠡᠨ
ᠬᠦᠩᠭᠡᠨ ᠮᠤᠲ᠋ᠤᠷ ᠤᠨ ᠠᠷᠤ ᠳᠤ ᠰᠤᠩᠭᠢᠨᠠ ᠠᠴᠢᠭᠰᠠᠨ ᠭᠦᠮᠤᠨ ᠤ ᠵᠥᠭ᠌ ᠭᠠᠷ ᠡᠷᠭᠦᠵᠤ ᠠᠮᠵᠢᠨᠠ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠬᠠᠶᠠᠭᠳᠠᠮᠠᠯ ᠣᠰᠤᠨ ᠤ ᠬᠤᠤᠠᠳᠤᠭ ᠤᠨ ᠠᠮᠠᠰᠠᠷ ᠶᠢᠡᠷ ᠬᠠᠮᠠᠷ ᠶᠢᠡᠷ ᠶᠢᠡᠨ ᠰᠢᠭᠠᠭᠰᠠᠨ ᠪᠠᠭᠠ ᠮᠠᠰᠢᠨ
ᠬᠠᠵᠠᠭᠤ ᠳᠤ ᠨᠢ ᠰᠥᠪᠠᠭᠡ ᠳᠤᠯᠤᠭᠰᠠᠨ ᠺᠦᠰᠲ᠋ᠢᠶᠠᠮ ᠲᠡᠶ ᠡᠷᠡᠭ᠍ᠳᠡᠢ᠂ ᠵᠠᠮ ᠤᠨ ᠬᠠᠪᠰᠤᠷᠤᠭᠴᠢ ᠴᠠᠭᠳᠠᠭᠠ ᠨᠡᠷ
ᠬᠠᠮᠢᠭᠠ ᠡᠴᠡ ᠠᠰᠠᠷ ᠠᠪᠣᠪᠠᠯ ᠰᠠᠢ᠌ᠬᠠᠨ᠂ ᠭᠡᠳᠦᠢ ᠳᠤ ᠦᠷᠢ ᠪᠠᠨ ᠲᠦᠯᠤᠵᠤ ᠪᠠᠷᠠᠬᠤ ᠳᠤᠬᠠᠢ ᠣᠷᠮᠠᠳᠠᠢ ᠶᠠᠷᠢᠯᠴᠠᠬᠤ ᠬᠤᠶᠠᠷ
ᠬᠠᠩᠭᠢᠨᠠᠳᠠᠯᠠ ᠪᠦᠷᠢᠶᠡ ᠳᠤᠤᠭᠠᠷᠭᠠᠵᠤ ᠱᠠᠩᠨᠠᠯᠳᠤ ᠰᠤᠭᠤᠯᠤᠭᠠ ᠶᠢᠨ ᠡᠭᠦᠳᠡᠨ ᠳᠤ ᠵᠤᠭᠰᠤᠭᠰᠠᠨ ᠳᠦᠷᠢᠶᠠᠰᠤᠨ ᠮᠠᠰᠢᠨ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠭᠦᠯ ᠨᠢ ᠭᠡᠳᠦᠢ ᠡᠷᠭᠢᠯᠳᠦᠵᠤ ᠳᠠᠰᠢᠶᠠ ᠨᠢ ᠭᠡᠴᠢᠨᠡᠨ ᠮᠤᠰᠭᠢᠯᠳᠤᠪᠠᠴᠤ
ᠭᠦᠷᠳᠤᠨ ᠳᠤᠤᠷᠠᠭᠢ ᠵᠠᠮ ᠨᠢ ᠶᠠᠷᠤ ᠬᠤᠷᠤᠬᠤ ᠦᠭᠡᠶ ᠪᠠᠰᠡᠷᠡᠭ᠌ ᠳᠤᠭᠤᠢ ᠲᠡᠶ ᠭᠡᠦᠭᠡᠨ
ᠭᠦᠭᠡᠭᠡᠯᠴᠡᠵᠤ ᠳᠠᠭᠤᠯᠴᠠᠵᠤ ᠪᠠᠷᠠᠭᠠᠤᠨ ᠨᠢᠭᠡᠨ ᠶᠢᠡᠨ ᠡᠭᠦᠷᠴᠢᠭᠡᠭ᠍ᠰᠡᠨ ᠶᠠᠪᠣᠬᠤ ᠠᠮᠠᠷᠠᠭ ᠬᠤᠤᠰ
ᠭᠦᠮᠤᠨ ᠪᠣᠯᠭᠠᠨ ᠳᠡᠭᠦᠨ ᠳᠤ ᠦᠷᠢ ᠲᠡᠶ ᠶᠤᠮᠰᠢᠭ ᠴᠢᠷᠠᠢ ᠳᠠᠯᠪᠢᠭᠰᠠᠨ ᠵᠢᠵᠢᠭ᠌ ᠪᠣᠭᠴᠤ ᠲᠡᠶ ᠠᠪᠠᠭᠠᠢ
ᠵᠢᠵᠢᠭ᠌ ᠪᠠᠯᠭᠠᠰᠤᠨ ᠤ ᠵᠤᠨ ᠤ ᠦᠳᠡᠰᠢ
ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠰᠤᠨᠢᠨ ᠵᠢᠷᠤᠭ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠪᠠᠷᠳᠠᠢ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰ·ᠮᠥᠩᠭᠡᠨᠡᠷᠡᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ