☆ ᠳ᠋·ᠪᠦᠷᠢᠨᠲᠤᠤᠭᠲᠠᠬᠤ
ᠨᠠᠳᠠ ᠶᠢ ᠰᠠᠨᠠᠵᠤ ᠣᠯᠬᠤ ᠥᠭᠡᠢ
ᠴᠢᠮᠠ ᠳᠠᠭᠠᠨ ᠦᠭᠭᠦᠶᠡ ᠭᠡᠰᠡᠨ ᠨᠢᠭᠤᠴᠠᠬᠠᠨ ᠬᠠᠢ᠌ᠷᠠ ᠪᠠᠨ
ᠴᠡᠩᠭᠡᠷ ᠠᠭᠤᠯᠠᠰ ᠤᠨ ᠣᠷᠤᠢ ᠳᠡᠭᠡᠭᠦᠷ ᠨᠡᠭᠦᠭᠡᠳ ᠢᠷᠡᠭᠦ
ᠴᠠᠭᠠᠨ ᠡᠭᠦᠯᠡᠨ ᠳᠤ ᠰᠢᠩᠭᠡᠭᠡᠭ᠍ᠰᠡᠨ ᠶᠤᠮ
ᠳᠠᠷᠠ ᠰᠠᠢ᠌ᠬᠠᠨ ᠡᠭᠦᠯᠡ ᠮᠢᠨᠢ
ᠴᠢᠨᠤ ᠨᠤᠳᠤᠭ ᠲᠤ ᠭᠦᠷᠴᠤ
ᠰᠠᠬᠤᠯᠠᠭ ᠨᠤᠭᠤᠭᠠᠨ ᠮᠤᠳᠤᠳ ᠤᠨ ᠨᠠᠪᠴᠢ ᠪᠦᠭᠦᠨ ᠳᠡᠭᠡᠷᠡ
ᠪᠣᠷᠤᠭᠠᠨ ᠪᠣᠯᠵᠤ ᠣᠨᠠᠨᠠ
ᠰᠠᠷᠠᠨ ᠤ ᠭᠡᠷᠡᠯ ᠲᠡᠶ ᠬᠤᠯᠢᠯᠳᠤᠵᠤ ᠴᠡᠴᠡᠭ᠌ ᠪᠦᠭᠦᠨ ᠤ ᠳᠠᠯᠪᠢᠨ ᠳᠡᠭᠡᠷᠡ
ᠰᠢᠭᠦᠳᠡᠷᠢ ᠪᠣᠯᠵᠤ ᠣᠨᠠᠨᠠ ᠁
ᠴᠢ ᠦᠷᠯᠦᠭᠡ ᠡᠷᠳᠡ ᠣᠠᠳᠠᠯᠭᠠ ᠶᠢᠨ ᠬᠤᠪᠴᠠᠰᠤ ᠲᠡᠶ ᠪᠠᠷ
ᠴᠤᠩᠬᠤ ᠪᠠᠨ ᠨᠡᠭᠡᠭᠡᠨᠡ
ᠥᠶᠡᠯᠵᠡᠭ᠍ᠰᠡᠨ ᠵᠥᠭᠡᠯᠡᠨ ᠵᠢᠪᠠᠷ ᠨᠠᠳᠠ ᠶᠢ ᠣᠷᠤᠯᠠᠵᠤ
ᠴᠢᠮᠠ ᠶᠢ ᠦᠨᠦᠰᠤᠨᠠ
ᠴᠢ ᠭᠦᠭᠡᠷᠦᠭᠦᠨ ᠡᠪᠰᠢᠶᠡᠵᠤ
ᠡᠨᠡ ᠪᠦᠭᠦᠨ ᠢ ᠦᠯᠦ ᠮᠠᠳᠠᠨᠠ
ᠪᠣᠷᠤᠭᠠᠨ ᠳᠤ ᠣᠭᠢᠶᠠᠭᠳᠠᠭᠰᠠᠨ ᠨᠠᠪᠴᠢᠰ ᠪᠠ
ᠪᠦᠮᠪᠦᠭᠡᠨᠡᠭ᠍ᠰᠡᠨ ᠰᠢᠭᠦᠳᠡᠷᠢ ᠲᠡᠶ ᠴᠡᠴᠡᠭᠡᠰ ᠢ ᠬᠠᠷᠠᠭᠰᠠᠨ ᠴᠤ
ᠨᠠᠮᠠ ᠶᠢ ᠡᠰᠡ ᠰᠠᠨᠠᠵᠤ ᠣᠯᠤᠨᠠ ᠡ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠠᠷᠢᠨ ᠤ ᠪᠠᠢ᠌ᠰᠢᠩᠳᠤ
ᠵᠤᠬᠢᠶᠠᠭᠴᠢ᠄ ᠳ᠋·ᠪᠦᠷᠢᠨᠲᠤᠤᠭᠲᠠᠬᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2636
ᠴᠠᠭ᠄ 2011 ᠤᠨ ᠤ 07 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ