☆ ᠪᠣᠷᠵᠢᠭᠢᠨ ᠨᠠᠴᠢᠨ
ᠴᠢᠨ᠋ᠸᠠ ᠶᠢᠨ ᠳᠤᠤᠯᠢ
ᠰᠥᠯᠳᠡᠯᠡᠭ᠍ᠰᠡᠨ ᠣᠯᠢᠯᠳᠠ ᠳᠤ ᠴᠢᠨᠢ ᠰᠦᠨᠢ ᠶᠢᠨ ᠨᠠᠮ ᠭᠦᠮ ᠡᠭᠡᠰᠢᠭᠯᠡᠵᠤ
ᠰᠥᠰᠦᠭᠯᠡᠭ᠍ᠰᠡᠨ ᠭᠢᠰᠭᠢᠯᠳᠠ ᠳᠤ ᠴᠢᠨᠢ ᠳᠠᠯᠠ ᠶᠢᠨ ᠰᠠᠯᠭᠢ ᠪᠦᠵᠢᠭᠯᠡᠨᠡ᠂
ᠰᠦᠷᠳᠤ ᠬᠠᠷᠠᠴᠠᠨ ᠳᠤ ᠴᠢᠨᠢ ᠣᠨ ᠤ ᠭᠦᠷᠳᠤ ᠳᠠᠭᠵᠢᠰᠭᠢᠵᠤ
ᠰᠦᠮᠪᠦᠷ ᠬᠠᠢ᠌ᠷᠬᠠᠤᠨ ᠴᠢᠨᠤ ᠣᠯᠢᠨ ᠳᠤᠤᠷᠠ ᠪᠦᠭᠦᠢ᠌ᠰᠭᠢᠨᠡ ᠁
ᠳᠠᠢ᠌ᠮᠤ ᠡ᠂ ᠴᠢᠨ᠋ᠸᠠ ᠶᠢᠨ ᠮᠦᠷ ᠳᠡᠦᠭᠡ ᠶᠢᠨ ᠳᠠᠮᠠᠭᠠ ᠪᠣᠯᠤᠨ ᠦᠯᠠᠳᠠᠪᠠᠢ᠂
ᠳᠡᠭ᠍ᠷᠢ ᠶᠢᠨ ᠬᠠᠶᠠᠭᠠ ᠶᠢ ᠬᠠᠷᠠᠵᠤ᠂ ᠠᠭᠤᠯᠠᠨ ᠦᠨᠳᠦᠷ ᠲᠤ ᠰᠡᠭᠦᠢᠭᠦ ᠴᠢᠨᠤ ᠰᠦᠷ
ᠳᠠᠮᠤᠷ ᠰᠤᠮᠤᠨ ᠡᠴᠡ ᠭᠢᠴᠢᠶᠠᠮᠵᠢᠯᠠᠵᠤ᠂ ᠠᠯᠬᠤᠭᠠ ᠰᠤᠯᠳᠠᠭᠰᠠᠨ ᠴᠢᠨᠤ ᠰᠤᠷᠭᠠᠭ᠂
ᠳᠡᠩᠭᠡᠯᠢᠭ᠌ ᠤᠨ ᠵᠠᠶᠠᠭᠠᠨ ᠳᠤ ᠴᠢ ᠵᠤᠷᠢᠭ ᠲᠡᠶ ᠳᠠᠭᠠᠨ ᠰᠥᠰᠦᠭᠯᠡᠵᠤ᠂ ᠵᠤᠪᠠᠯᠠᠩ ᠳᠤ ᠰᠥᠭᠦᠷᠡᠭ᠍ᠰᠡᠨ ᠥᠭᠡᠢ
ᠳᠡᠦᠭᠡ ᠶᠢᠨ ᠣᠷᠪᠠᠭᠠᠨ ᠳᠤ ᠴᠢ ᠰᠢᠷᠬᠠᠳᠤᠵᠤ ᠨᠢᠭᠡ ᠣᠨᠠᠯᠠ᠂ ᠰᠢᠭᠤᠤᠠᠴᠤ ᠪᠠᠰᠠ ᠭᠠᠷᠤᠯᠠ ᠁
ᠳᠠᠢ᠌ᠮᠤ ᠡ᠂ ᠴᠢᠨ᠋ᠸᠠ ᠶᠢᠨ ᠳᠡᠭ᠍ᠷᠢ ᠬᠠᠳᠠᠭᠤ ᠴᠤ ᠵᠠᠶᠠᠭᠠᠨ ᠳᠠᠭᠠᠨ ᠦᠨᠡᠠᠴᠢ᠂
ᠬᠤᠨᠢᠳ ᠤᠨ ᠭᠡᠳᠦᠯᠦᠭ᠍ᠰᠡᠨ ᠣᠰᠤ ᠳᠤᠯᠢᠶᠠᠭᠰᠠᠨ ᠴᠤ᠂ ᠬᠤᠭᠢᠮᠠᠯ ᠳᠤᠯᠤᠭᠠᠢ᠌ᠳᠠᠨ ᠢ ᠰᠢᠳᠦᠭᠡ ᠥᠭᠡᠢ
ᠦᠪᠡᠷ ᠤᠨ ᠭᠠᠷ ᠶᠢᠡᠨ ᠵᠠᠵᠠᠯᠵᠤ ᠠᠮᠢ ᠭᠠᠷᠤᠭᠰᠠᠨ ᠴᠤ᠂ ᠥᠭᠦᠯ ᠤᠨ ᠮᠥᠩᠭᠡᠷᠡᠯ ᠭᠦᠰᠡᠭᠡ ᠥᠭᠡᠢ
ᠦᠨᠦᠴᠢᠨ ᠵᠤᠪᠠᠯᠠᠩ᠂ ᠦᠯᠦᠰᠭᠦᠯᠡᠩ ᠭᠠᠴᠢᠭᠳᠠᠯ ᠶᠢᠡᠷ ᠲᠤᠢ᠌ᠯᠳᠠᠭᠰᠠᠨ ᠴᠤ ᠬᠠᠨ ᠳᠡᠭ᠍ᠷᠢ ᠶᠢᠨ ᠡᠯᠴᠢᠨ
ᠬᠠᠷᠭᠢᠰ ᠭᠡᠷᠴᠡᠭᠡᠢ ᠬᠠᠷᠠ ᠨᠠᠷᠠ ᠵᠡᠭᠦᠭ᠍ᠰᠡᠨ ᠴᠤ᠂ ᠬᠠᠳᠠᠭᠤ ᠵᠤᠷᠢᠭ ᠤᠨ ᠣᠮᠤᠭᠰᠢᠯ ᠁
ᠳᠠᠢ᠌ᠮᠤ ᠡ᠂ ᠴᠢᠨ᠋ᠸᠠ ᠶᠢᠨ ᠳᠦᠷᠪᠠᠨ ᠮᠦᠴᠡ᠂ ᠳᠠᠮᠤᠷ ᠭᠦᠷᠳᠤ ᠶᠢ ᠳᠡᠢ᠌ᠯᠭᠦᠶᠡ ᠪᠠᠷᠭᠡ᠂
ᠬᠠᠷᠠᠩᠭ᠋ᠤᠢ ᠶᠢ ᠰᠢᠪᠳᠤᠯᠤᠭᠰᠠᠨ ᠭᠢᠯᠪᠠᠭᠡᠨ ᠭᠡᠷᠡᠯ᠂ ᠰᠤᠷ ᠶᠢᠡᠷ ᠴᠢᠨᠢ ᠪᠣᠰᠤᠭᠰᠠᠨ ᠳᠤᠭᠤᠰᠤ ᠪᠣᠯᠤᠨ ᠪᠣᠳᠠᠷᠠᠬᠤ ᠳ᠋ᠤ
ᠬᠠᠷᠠᠮᠰᠠᠯ ᠤᠨ ᠰᠡᠭᠦᠷᠡᠰᠤ ᠲᠡᠶ ᠣᠯᠢᠯᠳᠠ ᠴᠤ ᠳᠠᠮᠤᠷ ᠳᠤᠤᠷ ᠤᠨ ᠳᠤᠳᠤᠷᠠ ᠡᠴᠠ ᠨᠢᠯᠪᠣᠰᠤ ᠪᠣᠯᠤᠨ ᠠᠯᠳᠠᠷᠠᠨᠠ
ᠴᠢᠯᠡᠭ᠍ᠰᠡᠨ ᠭᠦᠯ ᠤᠨ ᠠᠯᠬᠤᠭᠠ ᠶᠢ ᠠᠷᠭᠠᠴᠠᠵᠤ᠂ ᠴᠢᠨᠦᠷᠡᠭ᠍ᠰᠡᠨ ᠳᠠᠯᠠ ᠪᠠᠷ ᠠᠮᠢᠳᠤ ᠶᠢᠨ ᠡᠷᠢᠯ ᠶᠢᠡᠷ ᠡᠷᠭᠢᠴᠡᠭᠦ ᠳ᠋ᠤ
ᠴᠢᠨ᠋ᠸᠠ ᠶᠢᠨ ᠳᠡᠭ᠍ᠷᠢ ᠳᠠᠩᠴᠤ ᠭᠡᠴᠡᠭᠦᠤ ᠶᠤᠮ ᠦᠦ᠂ ᠴᠢᠨ᠋ᠸᠠ ᠶᠢ ᠰᠢᠳᠦᠭ᠍ᠰᠡᠨ ᠮᠢᠨᠤ ᠰᠡᠳᠭᠢᠯ ᠳᠠᠩᠴᠤ ᠵᠡᠷᠯᠢᠭ᠌ ᠶᠤᠮ ᠦᠦ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠭᠤᠤᠯᠮᠤᠳ ᠬᠤᠳᠠᠨ ᠤ ᠳᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠨᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2637
ᠴᠠᠭ᠄ 2010 ᠤᠨ ᠤ 09 ᠰᠠᠷᠠ ᠶᠢᠨ 02
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ