☆ ᠵᠢᠯᠠᠮ·ᠮᠠᠠᠳᠤᠪᠠᠶᠠᠷ
ᠭᠦᠰᠡᠯ ᠭᠢᠰᠠᠯ ᠤᠨ ᠨᠠᠢ᠌ᠷᠠᠭ
ᠳᠠᠭᠤᠯᠠᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠳᠤᠷᠠᠯᠠᠯ ᠳᠤ ᠰᠢᠳᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠥᠨᠦᠰᠭᠦ ᠶᠢ ᠪᠢ ᠭᠦᠰᠡᠨᠡᠮ
ᠦᠳᠡᠯᠳᠠᠯᠠ ᠪᠠᠨ ᠬᠠᠢ᠌ᠷᠠᠯᠠᠠᠭᠤᠯᠬᠤ ᠶᠢ ᠭᠦᠰᠡᠨᠡᠮ᠂
ᠰᠢᠯᠦᠭ᠌ ᠢ ᠪᠢ ᠭᠦᠰᠡᠨᠡᠮ
ᠰᠢᠯᠦᠭᠯᠡᠭᠦ ᠶᠢ ᠪᠢ ᠭᠦᠰᠡᠨᠡᠮ
ᠰᠢᠯᠦᠭ᠍ᠴᠢ ᠪᠣᠯᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠰᠦᠨᠢ ᠰᠦᠨᠢ ᠤᠨ ᠨᠣᠢ᠌ᠷ ᠵᠢᠠᠨ
ᠣᠩᠭ᠋ᠤᠳ ᠶᠢᠡᠷ ᠬᠤᠯᠵᠢᠭᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠵᠤᠭᠠᠯᠠᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠵᠢᠷᠭᠠᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠵᠢᠷᠤᠭ ᠰᠢᠭ ᠰᠠᠢ᠌ᠬᠠᠨ ᠮᠤᠩᠭ᠋ᠤᠯ ᠳ᠋ᠠᠭᠠᠨ
ᠳᠤᠷᠠ ᠪᠠᠷ ᠵᠤᠭᠠᠯᠠᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠵᠠᠯᠪᠠᠷᠢᠭᠠᠤᠨ ᠡᠷᠭᠢᠭᠦ ᠦᠭᠡᠶ ᠳᠠᠪᠢᠯᠠᠩ ᠳ᠋ᠠᠭᠠᠨ
ᠳᠦᠭᠦᠷᠡᠩ ᠵᠢᠷᠭᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠨᠠᠭᠤᠷ ᠭᠤᠤᠯ ᠤᠨ ᠭᠦᠪᠠᠭᠡ ᠪᠠᠷ
ᠨᠠᠭᠠᠳᠴᠤ ᠶᠠᠪᠣᠬᠤ ᠶᠢ ᠪᠢ ᠭᠦᠰᠡᠨᠡᠮ
ᠨᠤᠭᠤᠰᠤ ᠵᠢᠭᠠᠰᠤ ᠬᠤᠶᠠᠷ ᠢ ᠨᠢ
ᠤᠢ᠌ᠷᠠᠬᠠᠨ ᠡᠴᠡ ᠠᠵᠢᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠠᠭᠤᠯᠠ ᠭᠢᠩᠭᠠ ᠶᠢᠨ ᠳᠠᠪᠠᠭᠠ ᠪᠠᠷ
ᠥᠭ᠍ᠰᠦᠵᠤ ᠶᠠᠪᠣᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠣᠷᠤᠢ ᠳᠡᠭᠡᠷᠡ ᠨᠢ ᠭᠠᠷᠤᠭᠠᠤᠨ
ᠠᠭᠤᠵᠢᠷᠠᠳᠠᠯᠠ ᠠᠮᠢᠰᠬᠤᠯᠯᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠭᠦᠳᠡᠭᠡ ᠭᠡᠭᠡᠷᠡ ᠬᠤᠨᠤᠵᠤ
ᠣᠳᠤᠳ ᠰᠢᠷᠳᠡᠭᠦ ᠶᠢ ᠪᠢ ᠭᠦᠰᠡᠨᠡᠮ᠂
ᠭᠡᠭᠡᠷᠡ ᠶᠢᠨ ᠴᠠᠢ ᠣᠤᠭᠤᠵᠤ
ᠥᠯᠢᠭᠡᠷ ᠬᠠᠭᠤᠴᠢᠯᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠭᠦᠯᠦᠭ᠌ ᠮᠤᠷᠢᠳ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ
ᠢᠰᠭᠡᠷᠴᠤ ᠵᠢᠷᠭᠠᠬᠤ ᠶᠢ ᠪᠢ ᠭᠦᠰᠡᠨᠡᠮ᠂
ᠭᠡᠦᠭᠡᠨ ᠨᠤᠭᠦᠳ ᠤᠨ ᠬᠠᠷᠠᠴᠠᠨ ᠳ᠋ᠤ
ᠢᠴᠢᠵᠤ ᠵᠤᠪᠠᠬᠤ ᠶᠢ ᠴᠤ ᠪᠢ ᠭᠦᠰᠡᠨᠡᠮ᠂
ᠠᠶᠠ︕ ᠳᠡᠩᠳᠡᠭᠦᠤ ᠣᠯᠠᠨ ᠢ ᠮᠦᠷᠦᠭᠡᠳᠦᠭ᠍ᠰᠡᠨ
ᠳᠤᠷᠠ ᠪᠠᠷ ᠵᠠᠳᠠᠭᠠᠢ ᠭᠦᠰᠡᠯ ᠮᠢᠨᠤ
ᠡᠭᠡ ᠣᠷᠤᠨ ᠤ ᠪᠠᠨ ᠲᠦᠯᠦᠭᠡ ᠪᠣᠯ
ᠥᠭᠦᠭᠦ ᠶᠢ ᠪᠠᠰᠠ ᠭᠦᠰᠡᠨᠡᠮ ᠪᠢᠯᠠ ᠡ᠃
2009.9.25
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ ᠤᠨ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠵᠢᠯᠠᠮ·ᠮᠠᠠᠳᠤᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2625
ᠴᠠᠭ᠄ 2011 ᠤᠨ ᠤ 01 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ