☆ ᠨᠠ᠊·ᠭᠡᠭᠡᠡᠰᠡᠷᠡ
ᠭᠢᠷᠠᠭᠤ ᠪᠠᠭᠤᠵᠠᠢ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠳᠠᠨᠠ ᠬᠤᠶᠠᠷ
ᠨᠢᠭᠡᠯᠭᠡᠨ ᠬᠤᠨᠤᠭ ᠲᠤ ᠰᠢᠷᠠ ᠥᠩᠭᠡ ᠨᠡᠮᠡᠭ᠍ᠳᠡᠵᠤ
ᠨᠠᠮᠤᠷ ᠤᠨ ᠰᠢᠭᠤᠢ ᠳᠤ ᠨᠢᠰᠭᠦ ᠨᠠᠪᠴᠢᠰ ᠪᠣᠳᠠᠷᠠᠪᠠ ᠡ
ᠰᠠᠯᠭᠢᠨ ᠤ ᠡᠭᠡᠰᠢᠭ᠌ ᠲᠤ ᠤᠢ᠌ᠳᠬᠠᠷ ᠭᠤᠨᠢᠭ ᠬᠠᠩᠭᠢᠨᠠᠵᠤ
ᠰᠠᠨᠠᠭᠠᠨ ᠤ ᠮᠢᠨᠢ ᠭᠦᠨ ᠳᠤ ᠬᠠᠷᠠ ᠭᠢᠷᠠᠭᠤ ᠪᠠᠭᠤᠵᠠᠢ ᠡ
ᠴᠡᠴᠡᠭᠡᠰ ᠤᠨ ᠠᠮᠢᠰᠬᠤᠭᠠ ᠵᠡᠭᠦᠳᠤᠨ ᠳᠤᠮᠳᠠ ᠪᠠᠨ ᠴᠠᠷᠴᠠᠵᠤ
ᠴᠡᠩᠭᠡᠯ ᠤᠨ ᠳᠠᠭᠤᠨ ᠰᠢᠪᠠᠭᠤᠳ ᠤᠨ ᠳᠡᠭ᠍ᠷᠢ ᠡᠴᠠ ᠳᠠᠰᠤᠷᠠᠵᠤ
ᠡᠷᠭᠢᠴᠡᠭᠦᠯᠭᠦ ᠳᠤ ᠭᠠᠰᠢᠭᠤᠨ ᠭᠡᠳᠡᠭ᠌ ᠨᠢ ᠠᠷᠭᠠ ᠦᠭᠡᠶ
ᠡᠨᠡ ᠯᠠ ᠨᠠᠮᠤᠷ ᠤᠨ ᠭᠢᠷᠠᠭᠤ ᠡᠷᠳᠡᠯᠡᠵᠤ ᠡ᠊ᠨᠳᠡ ᠪᠠᠭᠤᠵᠠᠢ ᠡ
ᠡᠷᠭᠡᠯᠡᠵᠤ ᠰᠠᠨᠠᠭᠰᠠᠨ ᠡᠳᠦᠷ ᠬᠤᠨᠤᠭ ᠦᠵᠠᠳᠠᠯᠠ ᠬᠤᠯᠠᠳᠤᠨ ᠬᠤᠯᠠᠳᠴᠤ
ᠡᠨᠡᠯᠵᠤ ᠪᠢᠴᠢᠭ᠍ᠰᠡᠨ ᠵᠠᠭᠢᠳᠠᠯ ᠤᠨ ᠮᠦᠷ ᠨᠢᠯᠪᠣᠰᠤᠨᠠ ᠴᠤᠬᠤᠷᠳᠠᠨ ᠪᠠᠯᠠᠷᠳᠤᠵᠤ
ᠡᠨᠡ ᠯᠠ ᠨᠠᠮᠤᠷ ᠤᠨ ᠭᠢᠷᠠᠭᠤ ᠰᠢᠭ᠌ ᠬᠠᠳᠠᠭᠤ ᠭᠡᠴᠡᠭᠦᠤ ᠭᠢᠷᠠᠭᠤ
ᠥᠭᠡᠷᠡ ᠬᠠᠮᠢᠭᠠ ᠴᠤ ᠪᠠᠭᠤᠭᠠ ᠦᠭᠡᠶ ᠦᠪᠡᠷ ᠳᠡᠭᠡᠷᠡ ᠮᠢᠨᠢ ᠯᠠ ᠪᠠᠭᠤᠵᠠᠢ ᠡ
ᠭᠢᠷᠠᠭᠤ ᠪᠠᠭᠤᠵᠠᠢ ᠡ
ᠬᠠᠢ᠌ᠷᠠ ᠶᠢ ᠣᠷᠤᠭᠤᠯ ᠶᠢᠡᠷ ᠶᠢᠡᠨ ᠪᠢᠰᠢ
ᠳᠠᠯᠪᠢ ᠪᠠᠷ ᠶᠢᠡᠨ ᠵᠠᠳᠠᠯᠳᠠᠭ
ᠬᠠᠷᠢᠨ ᠪᠢ ᠴᠢᠨᠢ ᠦᠪᠡᠷ ᠶᠢᠡᠨ ᠨᠢᠭᠡᠯᠭᠡᠨ ᠪᠣᠳᠠ ᠴᠡᠴᠡᠭ᠌ ᠡ
ᠥᠭᠦᠯ ᠤᠨ ᠥᠩᠭᠡ
ᠣᠷᠭᠤᠬᠤ ᠳᠠᠭᠠᠨ ᠡᠪᠠᠰᠤ ᠮᠤᠳᠤᠳ ᠨᠤᠭᠤᠭᠠᠨ ᠪᠠᠢ᠌ᠭᠰᠠᠨ ᠪᠣᠯᠬᠤᠷ
ᠣᠨᠠᠭᠰᠠᠨ ᠬᠣᠢ᠌ᠨᠠ ᠪᠠᠨ ᠴᠤ ᠥᠭᠡᠷᠡ ᠪᠣᠯᠬᠤ ᠦᠭᠡᠶ ᠨᠢ ᠣᠴᠢᠷᠳᠠᠢ ᠡ
ᠳᠡᠯᠭᠡᠷᠡᠭᠦ ᠳᠡᠭᠡᠨ ᠴᠡᠴᠡᠭᠡᠰ ᠳᠡᠯᠡᠭᠡᠢ ᠪᠠᠨ ᠴᠢᠮᠡᠭ᠍ᠰᠡᠨ ᠪᠣᠯᠬᠤᠷ
ᠳᠠᠩᠳᠠ ᠳᠠᠷᠠ ᠵᠢᠰᠤ ᠨᠢ ᠵᠤᠯᠭᠠᠷᠠᠭᠰᠠᠨ ᠴᠤ ᠵᠡᠭᠦᠳᠤ ᠨᠢ ᠵᠤᠯᠭᠠᠷᠠᠬᠤ ᠦᠭᠡᠶ ᠡ
ᠠᠮᠢᠳᠤ ᠳᠠᠭᠠᠨ ᠭᠦᠮᠤᠨ ᠵᠣᠢ᠌ᠯ ᠤᠨ ᠮᠦᠷᠦᠭᠡᠳᠦᠯ ᠶᠢᠡᠷ ᠠᠶᠠᠰᠴᠤ
ᠠᠮᠢ ᠨᠠᠰᠤ ᠠᠵᠠ ᠪᠣᠶᠠᠨ ᠶᠢᠡᠷ ᠡᠷᠭᠡ ᠴᠢᠯᠦᠭᠡ ᠶᠢ ᠭᠤᠶᠤᠯᠠᠳᠠᠭ ᠡᠴᠠ
ᠠᠯᠳᠠᠨ ᠳᠡᠯᠡᠭᠡᠢ ᠡᠴᠠ ᠠᠩᠭᠢᠵᠢᠷᠠᠬᠤ ᠭᠡᠵᠢᠶᠡ ᠨᠢᠭᠡᠨ ᠴᠠᠭᠳᠠ
ᠠᠶᠠ᠂ ᠲᠦᠮᠡᠨ ᠭᠦᠮᠤᠨ ᠤ ᠥᠭᠦᠯ ᠮᠦᠨ ᠭᠦᠰᠡᠯ ᠤᠨ ᠶᠢᠡᠨ ᠥᠩᠭᠡ ᠲᠡᠶ ᠡ
ᠡ᠊ᠨᠳᠡᠭᠦᠷᠡᠶᠡ
ᠨᠠᠮᠤᠷ ᠤᠨ ᠰᠠᠯᠭᠢᠨ ᠤ ᠠᠶᠠᠰ ᠢ
ᠴᠡᠴᠡᠭᠡᠰ ᠤᠨ ᠠᠮᠢᠰᠬᠤᠭᠠ ᠪᠠᠷ ᠡ᠊ᠨᠳᠡᠭᠦᠷᠡᠶᠡ
ᠨᠠᠮᠢᠯᠵᠠᠬᠤ ᠨᠠᠪᠴᠢᠰ ᠤᠨ ᠭᠦᠪᠦᠯᠵᠡᠭᠡᠨ ᠢ
ᠨᠠᠢ᠌ᠷ ᠤᠨ ᠪᠦᠵᠢᠭ᠌ ᠶᠢᠡᠷ ᠡ᠊ᠨᠳᠡᠭᠦᠷᠡᠶᠡ
《ᠰᠠᠯᠤᠯᠴᠠᠶᠠ》 ᠭᠡᠰᠡᠨ ᠥᠭᠡ ᠶᠢ ᠴᠢᠨᠢ
《ᠰᠠᠨᠠᠯᠴᠠᠶᠠ》 ᠭᠡᠵᠤ ᠡ᠊ᠨᠳᠡᠭᠦᠷᠡᠶᠡ
《ᠬᠠᠭᠢᠷ ᠬᠠᠳᠠᠭᠤ》 ᠬᠠᠢ᠌ᠷᠠ ᠶᠢ ᠴᠢᠨᠢ
《ᠬᠠᠷᠠ ᠰᠡᠳᠭᠢᠯ》 ᠶ᠋ᠢᠡᠷ ᠡ᠊ᠨᠳᠡᠭᠦᠷᠡᠭᠦ ᠦᠭᠡᠶ ᠡ
2012.9.23
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠨᠡᠢ᠌ᠭᠡᠮ ᠤᠨ ᠰᠢᠡᠵᠢᠯᠡᠭᠦ ᠣᠬᠠᠭᠠᠨ ᠤ ᠭᠦᠷᠢᠶᠡᠯᠡᠩ ᠤᠨ ᠤᠳᠬᠠ ᠵᠤᠬᠢᠶᠠᠯ ᠰᠤᠳᠤᠯᠬᠤ ᠭᠠᠵᠠᠷ
ᠵᠤᠬᠢᠶᠠᠭᠴᠢ᠄ ᠨᠠ᠊·ᠭᠡᠭᠡᠡᠰᠡᠷᠡ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2636
ᠴᠠᠭ᠄ 2012 ᠤᠨ ᠤ 09 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ