☆ ᠬᠠᠨ ᠵᠢᠷᠤᠮᠳᠤ
ᠡᠵᠢ ᠳᠡᠭᠡᠨ ᠡᠷᠭᠦᠭᠦ ᠥᠭᠡ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠵᠢ ᠶᠢᠨ ᠨᠠᠰᠤ ᠨᠥᠭ᠍ᠴᠢᠭ᠍ᠰᠡᠨ ᠬᠤᠷᠢᠨ ᠵᠢᠯ ᠤᠨ ᠤᠢ ᠳᠤ ᠳᠤᠷᠠᠰᠬᠠᠪᠠ
ᠬᠤᠷᠢᠨ ᠵᠢᠯ ᠡᠵᠢ ᠮᠢᠨᠢ
ᠬᠠᠮᠢᠭᠠ ᠶᠠᠪᠣᠭᠠᠤᠨ ᠯᠠ ᠪᠠᠢ᠌ᠪᠠ ᠳ᠋ᠠ︖
ᠬᠤᠷᠤᠮᠣᠢ᠌ᠯᠠᠵᠤ ᠥᠰᠭᠡᠭ᠍ᠰᠡᠨ ᠥᠷᠡ ᠴᠢᠨᠢ
ᠬᠠᠯᠠᠭᠤᠨ ᠵᠢᠷᠦᠭᠡᠨ ᠳᠡᠭᠡᠨ ᠡᠷᠢᠭ᠍ᠰᠡᠭᠡᠷ ᠰᠢᠤ᠃
ᠡᠵᠢ ᠡᠴᠡ ᠪᠠᠨ ᠥᠨᠦᠴᠢᠷᠡᠭ᠍ᠰᠡᠨ ᠬᠡᠦᠬᠡᠳ
ᠡᠷᠡ ᠪᠣᠯᠬᠤ ᠭᠦᠴᠢᠷ ᠡ᠂
ᠡᠷᠢᠶᠡᠨ ᠬᠤᠷᠸᠠ ᠶᠢᠨ ᠳᠤᠭᠤᠰᠤᠨ ᠳ᠋ᠤ
ᠡᠰᠡᠨᠢᠨ ᠶᠠᠪᠣᠬᠤ ᠭᠡᠴᠡᠭᠦᠤ ᠡ᠃
ᠠᠩᠭᠢᠷ ᠤᠭᠤᠷᠠᠭ ᠤᠨ ᠰᠢᠮᠠ ᠪᠠᠷ ᠴᠢᠨᠢ
ᠠᠭᠤᠰᠭᠢ ᠵᠢᠷᠦᠭᠡ ᠮᠢᠨᠢ ᠴᠤᠭᠢᠯᠠᠵᠤ ᠪᠠᠢ᠌ᠨᠠ᠂
ᠠᠮᠠᠳᠠᠵᠤ ᠵᠢᠭᠠᠭᠰᠠᠨ ᠰᠤᠷᠭᠠᠯ ᠶᠢᠡᠷ ᠴᠢᠨᠢ
ᠠᠵᠢᠯ ᠥᠢᠯᠡᠰ ᠮᠢᠨᠢ ᠳᠡᠭ᠍ᠵᠢᠷᠡᠵᠤ ᠪᠠᠢ᠌ᠨᠠ᠃
ᠥᠯᠡᠳᠡᠭᠡᠨ ᠬᠠᠢ᠌ᠷᠠᠯᠠᠭᠰᠠᠨ ᠥᠷᠦᠮᠡ ᠳᠤᠰᠤ ᠴᠢᠨᠢ
ᠥᠷᠦᠴᠡ ᠵᠢᠷᠦᠭᠡ ᠶᠢ ᠮᠢᠨᠢ ᠠᠮᠢᠯᠠᠭᠤᠯᠵᠤ ᠪᠠᠢ᠌ᠨᠠ᠂
ᠥᠨᠦᠰᠦᠭᠡᠳ ᠭᠡᠯᠡᠭ᠍ᠰᠡᠨ ᠵᠢᠭᠠᠪᠣᠷᠢ ᠪᠠᠷ ᠴᠢᠨᠢ
ᠥᠭᠡᠳᠡᠯᠡᠭᠦ ᠠᠮᠢᠳᠤᠷᠠᠯ ᠮᠢᠨᠢ ᠴᠡᠴᠡᠭᠯᠡᠵᠤ ᠪᠠᠢ᠌ᠨᠠ᠃
ᠪᠣᠷᠭᠠᠰᠤᠨ ᠳᠦᠯᠡᠭᠡ ᠡᠭᠦᠷᠦᠭ᠍ᠰᠡᠨ ᠴᠢᠨᠢ
ᠪᠣᠷᠤ ᠵᠢᠷᠦᠭᠡ ᠶᠢ ᠰᠢᠮᠰᠢᠷᠡᠭᠦᠯᠦᠭᠡᠳ ᠪᠠᠢ᠌ᠨᠠ᠂
ᠪᠦᠰ ᠱᠠᠬᠠᠢ ᠤᠶᠤᠭᠰᠠᠨ ᠴᠢᠨᠢ
ᠪᠣᠳᠤᠯ ᠤᠨ ᠰᠢᠵᠢᠮ ᠢ ᠴᠠᠪᠬᠠᠭᠳᠠᠭᠠᠤᠨ ᠪᠠᠢ᠌ᠨᠠ᠃
ᠠᠵᠢᠯᠴᠢ ᠪᠣᠷᠤᠭᠵᠢᠭᠤᠨ ᠤᠪᠦᠷ ᠢ ᠴᠢᠨᠢ
ᠠᠢ᠌ᠯ ᠰᠠᠬᠠᠯᠳᠠ ᠴᠢᠨᠢ ᠮᠠᠷᠳᠠᠭᠠ ᠥᠭᠡᠢ᠂
ᠠᠰᠪᠣᠷᠢ ᠰᠢᠯᠤᠭᠤᠨ ᠠᠭᠠᠯᠢ ᠶᠢ ᠴᠢᠨᠢ
ᠠᠯᠢᠶᠠ ᠥᠷᠡᠰ ᠴᠢᠨᠢ ᠤᠮᠡᠷᠳᠠᠭᠠ ᠥᠭᠡᠢ᠃
ᠰᠢᠨᠠ ᠶᠢᠨ ᠰᠠᠢ᠌ᠬᠠᠨ ᠢᠷᠦᠭᠡᠯ ᠴᠢᠨᠢ
ᠰᠢᠨᠡᠯᠡᠭᠦ ᠪᠦᠷᠢ ᠰᠤᠨᠤᠰᠳᠠᠭᠠᠤᠨ ᠪᠠᠢ᠌ᠨᠠ᠂
ᠰᠢᠯᠢᠳᠡᠭ᠌ ᠪᠣᠯᠭᠠᠬᠤ ᠭᠦᠰᠡᠯ ᠴᠢᠨᠢ
ᠰᠢᠨᠠ ᠥᠢᠯᠡᠰ ᠢ ᠬᠤᠷᠣᠢ᠌ᠯᠠᠭᠠᠤᠨ ᠪᠠᠢ᠌ᠨᠠ᠃
ᠡᠷᠳᠡ ᠶᠪᠣᠴᠢᠬᠠᠯᠠ ᠡᠵᠢ ᠨᠢ ᠭᠡᠵᠤ
ᠡᠯᠢᠭᠡᠨ ᠳᠡᠭᠡᠨ ᠪᠢᠳᠡᠭᠡᠢ ᠭᠤᠮᠤᠳᠤᠭᠠᠤᠨ ᠪᠠᠢ᠂
ᠡᠷᠢᠨ ᠵᠠᠭᠤᠨ ᠳᠤ ᠬᠡᠦᠬᠡᠳ ᠴᠢᠨᠢ
ᠢᠳᠡᠷᠭᠡᠭ᠌ ᠳᠤᠯᠭᠠᠭᠤᠷᠢ ᠪᠣᠯᠬᠤ ᠶᠤᠮ ᠡ︕
2001 ᠡᠳ ᠤ 8 ᠰᠠᠷᠠ ᠳᠤ ᠪᠢᠴᠢᠪᠠ᠃
ᠵᠤᠬᠢᠶᠠᠭᠴᠢ᠄ ᠬᠠᠨ ᠵᠢᠷᠤᠮᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4051
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ